એક્ટર મિથુન ચક્રવર્તીની વહુ અને ટીવી શો ‘અનુપમા’માં કાવ્યાનો રોલ ભજવનાર મદાલસા શર્માએ કાસ્ટિંગ કાઉચને લઈને ખુલાસો કર્યો છે. એક્ટ્રેસે જણાવ્યું કે કરિયરના શરૂઆતના દિવસોમાં એક જાણીતા ડિરેક્ટરે તેની ‘બોડી લેંગ્વેજ’ ચેક કરવાના બહાને તેની સામે બિકીની પહેરવાની ડિમાન્ડ કરી હતી. મદાલસા તે સમયે ડિરેક્ટર પર ગુસ્સે થઈ ગઈ અને મીટિંગ છોડીને બહાર નીકળી ગઈ.

એક્ટ્રેસ મદાલસા શર્મા.

મીટિંગમાં કરાયેલી વિચિત્ર ડિમાન્ડ મદાલસા શર્માએ તાજેતરમાં ‘ધ મેલ ફેમિનિસ્ટ’ પોડકાસ્ટમાં પોતાની આપવીતી સંભળાવી. તેણે જણાવ્યું કે આ ઘટના ત્યારે બની હતી જ્યારે તેની ઉંમર ફક્ત 19 વર્ષની હતી. એક જાણીતા ફિલ્મમેકરે તેને ફિલ્મ સંબંધિત મીટિંગ માટે બોલાવી હતી. ડિરેક્ટરે તેને કહ્યું કે તે ફિલ્મ માટે એવી છોકરી શોધી રહ્યા છે જે પડદા પર બિકીની પહેરવામાં સહજ હોય. મદાલસાએ જણાવ્યું કે પ્રોફેશનલ રીતે તેને આમાં કોઈ વાંધો નહોતો, તેથી તેણે હા પાડી દીધી.

મદાલસાએ 2018માં મિથુન ચક્રવર્તીના પુત્ર મહાક્ષય સાથે લગ્ન કર્યા છે.

એક્ટ્રેસે કડક વલણ અપનાવ્યું વાતચીત દરમિયાન ડિરેક્ટરે મદાલસાને કહ્યું કે તે અત્યારે તેની સામે બિકીની પહેરીને બતાવે, કારણ કે તે તેની ‘બોડી લેંગ્વેજ’ જોવા માંગે છે. આના પર મદાલસાએ કડક વલણ અપનાવ્યું. તેણે ડિરેક્ટરને કહ્યું, ‘હું એક પ્રોફેશનલ એક્ટ્રેસ છું. જો ફિલ્મના સીનની માંગ હોય, તો હું કેમેરા સામે બિકીની કે કંઈ પણ પહેરવા તૈયાર છું કારણ કે તે મારી જોબનો ભાગ છે. પરંતુ તમારી સામે આ રીતે કપડાં પહેરવા એ મારા કામનો ભાગ નથી.’ મદાલસાએ સ્પષ્ટ શબ્દોમાં કહ્યું કે જો તેની પ્રતિભા પર ભરોસો હોય તો કાસ્ટ કરે, નહીં તો તેને બહાર જવાનો રસ્તો ખબર છે.

એક્ટ્રેસ ‘અનુપમા’માં કાવ્યાનો રોલ કરી રહી છે

પછીથી ખબર પડી ફિલ્મની હકીકત મદાલસાએ જણાવ્યું કે તેને તરત જ ત્યાંથી ચાલતી પકડી. થોડા દિવસો પછી જ્યારે તેણે તે ફિલ્મની કાસ્ટિંગ સંબંધિત સમાચાર વાંચ્યા, ત્યારે તેને એક બીજી હકીકત ખબર પડી. જે છોકરીને તે રોલ માટે પસંદ કરવામાં આવી હતી, તે ખરેખર તે ડિરેક્ટરને ડેટ કરી રહી હતી. મદાલસાએ કહ્યું કે તે સમયે તેને સમજાયું કે ત્યાં પ્રોફેશનલ કામ કરતાં કંઈક બીજું જ ચાલી રહ્યું હતું.

સાઉથ ફિલ્મોથી કરી હતી કરિયરની શરૂઆત મદાલસા શર્માએ પોતાના કરિયરની શરૂઆત વર્ષ 2009માં તેલુગુ ફિલ્મ ‘ફિટિંગ માસ્ટર’થી કરી હતી. આ પછી તેણે ઘણી સાઉથ ઇન્ડિયન ફિલ્મોમાં કામ કર્યું. વર્ષ 2020માં તેને સ્ટાર પ્લસના શો ‘અનુપમા’માં કાવ્યાના પાત્રથી ઘર-ઘરમાં ઓળખ મળી. જોકે, થોડા સમય પહેલા જ તેણે આ શોને અલવિદા કહી દીધું છે.

દિવ્ય ભાસ્કરને Google પર મનપસંદ સોર્સ બનાવો