પંજાબ નેશનલ બેંક (PNB) એ 5 મેના રોજ નાણાકીય વર્ષ 2025-26ના ચોથા ક્વાર્ટરના પરિણામો જાહેર કર્યા છે. બેંકનો ચોખ્ખો નફો વાર્ષિક ધોરણે 14% વધીને ₹5,225 કરોડ થયો છે, જે ગયા વર્ષે આ જ ક્વાર્ટરમાં ₹4,567 કરોડ હતો. જ્યારે પાછલા ક્વાર્ટરમાં તે ₹5,100 કરોડ હતો. સમગ્ર નાણાકીય વર્ષ એટલે કે 2025-26 માં PNBનો નફો 1.64% વધીને ₹16904 કરોડ થયો. એક વર્ષ પહેલા એટલે કે નાણાકીય વર્ષ 2024-2025 માં બેંકનો નફો ₹16630 કરોડ રહ્યો હતો. શેર દીઠ ₹3 ડિવિડન્ડની ભલામણ બેંકે પરિણામોની સાથે નાણાકીય વર્ષ 2026 માટે શેર દીઠ ₹3 ના ડિવિડન્ડની ભલામણ કરી છે. આ ₹2 ની ફેસ વેલ્યુવાળા શેર પર 150% નું ચુકવણું છે. આ અંગેનો અંતિમ નિર્ણય આગામી વાર્ષિક સામાન્ય સભા (AGM) માં શેરધારકોની મંજૂરી બાદ લેવામાં આવશે. વ્યાજમાંથી થતી આવક અને પ્રોવિઝનિંગ બેંકની ચોખ્ખી વ્યાજ આવક (NII) માં આ વખતે ઘટાડો થયો છે. વાર્ષિક ધોરણે તે 4% ઘટીને ₹10,380 કરોડ પર આવી ગઈ છે, જે ગયા વર્ષે ₹10,757 કરોડ હતી. બેંકે આ ક્વાર્ટરમાં ₹424 કરોડની જોગવાઈ કરી છે. આ પાછલા ક્વાર્ટર (₹1,150 કરોડ) કરતાં ઓછું છે, પરંતુ ગયા વર્ષના સમાન સમયગાળા (₹360 કરોડ) કરતાં વધુ છે. એસેટ ક્વોલિટીમાં સુધારો ગ્લોબલ અને ડોમેસ્ટિક બિઝનેસમાં વૃદ્ધિ PNBનો ગ્લોબલ બિઝનેસ વાર્ષિક ધોરણે 11% વધીને ₹29.72 લાખ કરોડ થયો છે. જ્યારે, ઘરેલું બિઝનેસમાં લગભગ 10% ની વૃદ્ધિ રહી અને તે ₹28.45 લાખ કરોડ પર પહોંચી ગયો. બેંકના ગ્લોબલ ડિપોઝિટમાં 9.25%નો વધારો નોંધાયો છે અને તે ₹17.11 લાખ કરોડ રહ્યો. એડવાન્સની વાત કરીએ તો તેમાં 13% નો વધારો થયો અને તે ₹12.61 લાખ કરોડ રહ્યો. શેરબજારની સ્થિતિ પરિણામો પછી PNB નો શેર 0.63% ઘટીને 108 રૂપિયા પર બંધ થયો. 6 મહિનામાં શેર 10% ઘટ્યો છે. જ્યારે એક વર્ષમાં તેમાં 14% થી વધુનો ઉછાળો આવ્યો છે. નોલેજ પાર્ટ :