બેંગલુરુએ રવિવારની બીજી મેચમાં મુંબઈને 2 વિકેટે હરાવ્યું. આ મુકાબલામાં વિરાટ કોહલી સતત બીજી મેચમાં ખાતું ખોલ્યા વગર આઉટ થયો. જ્યારે તિલક વર્માએ બાઉન્ડ્રી લાઇન પર કૃણાલ પંડ્યાનો શાનદાર રિલે કેચ પકડ્યો. તે પોતે ફિફ્ટી પછી સ્કૂપ રમવાના પ્રયાસમાં વિકેટ ગુમાવી બેઠો. RCBની જીત પર ‘ચીકુ’નો અંદાજ, ડગ આઉટમાં કોહલીનું સેલિબ્રેશન વાયરલ મેચના છેલ્લા બોલ પર જીતની મહોર લાગતા જ ડગઆઉટમાં બેઠેલા વિરાટ કોહલીની અંદરનું ‘અસલી બાળક’ બહાર આવી ગયું. પોતાની ટીમની આ રોમાંચક જીત અને પોઈન્ટ્સ ટેબલમાં નંબર-1 બનવાની ખુશીમાં વિરાટે કંઈક એવું કર્યું કે સોશિયલ મીડિયા પર ચાહકો તેમના દીવાના થઈ ગયા. જીત પાક્કી થતા જ વિરાટ ડગઆઉટમાં ઉછળી પડ્યા અને પાસે ઉભેલા કૃણાલ પંડ્યા ઉપર કૂદીને જબરદસ્ત અંદાજમાં ઉજવણી કરી. સામાન્ય રીતે ગંભીર દેખાતા વિરાટનો આ બેફિકર અંદાજ ચાહકોને જૂના ‘ચીકુ’ની યાદ અપાવી ગયો. ક્રુણાલ પણ વિરાટની આ ખુશીમાં સામેલ દેખાયો.
ભુવનેશ્વરે ત્રીજી ઓવરમાં સતત બે વિકેટ લીધી મુંબઈની ત્રીજી ઓવરમાં ભુવનેશ્વર કુમારે બે વિકેટ લીધી. પાંચમી બોલ પર તેણે નકલ બોલ પર રોહિત શર્માને વિકેટકીપર જીતેશ શર્માના હાથે કેચ કરાવ્યો. આગળની બોલ પર સૂર્યકુમાર યાદવને સ્લિપમાં ઉભેલા વિરાટ કોહલીએ નીચો કેચ પકડીને પેવેલિયન ભેગો કર્યો. તિલકનો કેચ છૂટ્યો, મુંબઈના ટોપ સ્કોરર રહ્યા છઠ્ઠા ઓવરમાં તિલક વર્માને જીવનદાન મળ્યું. રસિખ સલામની સ્લોઅર બોલ પર તિલકનો ટોપ એજ મિડવિકેટ તરફ ગયો, પરંતુ સુયશ શર્મા સરળ કેચ પકડી શક્યા નહીં. બોલ તેમના હાથમાંથી છટકી ગયો. તિલક તે સમયે 11 રન પર રમી રહ્યા હતા. પછીથી તેમણે 57 રનની ઇનિંગ રમી અને મુંબઈના ટોપ સ્કોરર રહ્યા. સ્કૂપ શોટ રમવાના પ્રયાસમાં તિલક આઉટ 18મી ઓવરના છેલ્લા બોલ પર ભુવનેશ્વર કુમારે તિલક વર્માને બોલ્ડ કર્યા. તિલક સ્કૂપ શોટ રમવા માટે ઓફ સ્ટમ્પની બહાર ગયા, પરંતુ બોલ બેટના અંદરના કિનારે વાગીને સીધો લેગ સ્ટમ્પ સાથે અથડાયો. તિલકે 42 બોલમાં 57 રન બનાવ્યા. દર્શકોએ તાળીઓ પાડીને તેમનું સ્વાગત કર્યું. કોહલી સતત બીજી મેચમાં શૂન્ય પર આઉટ 167 રન ચેઝ કરી રહેલી બેંગલુરુએ ચોગ્ગાથી શરૂઆત કરી. બેથેલે દીપક ચાહરની પ્રથમ બે બોલ પર ચોગ્ગા ફટકાર્યા. પછી ચહરે ચોથી બોલ પર વિરાટ કોહલીને રાજ બાવાના હાથે કેચ આઉટ કરાવ્યો. વિરાટ ખાતું ખોલી શક્યો નહીં. તે સતત બીજી મેચમાં શૂન્ય પર આઉટ થયો. IPLમાં આ તેનો 8મો ઝીરો હતો. કૃણાલને જીવનદાન, કેચ છૂટ્યો 18મી ઓવરના બીજા બોલ પર કૃણાલ પંડ્યાને જીવનદાન મળ્યું. મુંબઈએ મિડવિકેટ બાઉન્ડ્રી પર સરળ કેચ છોડી દીધો. કૃણાલે સ્લોગ સ્વીપ રમ્યો. બોલ ટોપ એજ લઈને હવામાં ગયો. નમન ધીર અને તિલક વર્મા કેચ માટે દોડ્યા. નમને કેચ પકડ્યો, પરંતુ તેમનું સંતુલન બગડી ગયું. તેમણે બોલ તિલક તરફ ઉછાળ્યો, પરંતુ તિલક તેને પકડી શક્યા નહીં. તિલકે કૃણાલનો રિલે કેચ પકડ્યો કૃણાલ પંડ્યાનો બાઉન્ડ્રી લાઇન પર તિલક વર્માએ શાનદાર રિલે કેચ પકડ્યો. લોંગ-ઓન પર દોડતા તિલકે પહેલા કેચ પકડ્યો, પછી સંતુલન બગડતું જોઈ બોલ હવામાં ઉછાળ્યો અને બાઉન્ડ્રીની બહાર જતાં પહેલાં પાછા આવીને કેચ પૂરો કર્યો. કૃણાલ 73 રનની ઇનિંગ રમીને આઉટ થયા.