સ્પેનના દરિયાકાંઠે એક ચોંકાવનારી ઘટના સામે આવી છે. એક ક્રુઝ શિપમાં ખતરનાક હંતાવાયરસ (MV Hondius)ફાટી નીકળ્યો છે. આ જહાજમાં બે ભારતીયો સવાર છે, તેમને હાલમાં તાત્કાલિક સારવાર માટે નેધરલેન્ડ લઈ જવામાં આવ્યા છે. હંતા વાયરસ કોરોના જેટલો જ ઘાતક માનવામાં આવે છે. જહાજમાં સવાર લોકોમાં હંતા વાયરસનું નિદાન થયા બાદ લોકોને ફરી કોરોનાકાળ યાદ આવ્યો. કોરોના પછી ખતરનાક ‘હંતા વાયરસ’ (Hantavirus) ચર્ચામાં છે, જે માનવ શરીર માટે જીવલેણ સાબિત થઈ શકે છે. નિષ્ણાતોના મતે, આ વાયરસ કોરોના જેટલો જ ખતરનાક છે કારણ કે તે સીધી રીતે ફેફસાં અને કિડની પર હુમલો કરે છે.

શું છે હંતા વાયરસ, જાણો સંકેતો

હંતા વાયરસ મુખ્યત્વે ઉંદરો દ્વારા ફેલાતો વાયરસ છે. જ્યારે કોઈ વ્યક્તિ ઉંદરના મળ, પેશાબ અથવા લાળના સંપર્કમાં આવે છે, ત્યારે આ વાયરસ શરીરમાં પ્રવેશે છે. તે હવામાં રહેલા કણો દ્વારા પણ ફેલાઈ શકે છે. આ વાયરસના લક્ષણો શરૂઆતમાં સામાન્ય તાવ જેવા લાગે છે, પરંતુ તે ઝડપથી ગંભીર સ્વરૂપ ધારણ કરે છે. વ્યક્તિના શરીરમાં શરૂઆતમાં આ લક્ષણો દેખાય છે. જેમાં અચાનક તાવ આવવો, માથાનો દુખાવો, માંસપેશીઓમાં દુખાવો અને થાક લાગવો છે. આ ઉપરાંત ગંભીર લક્ષણોમાં ફેફસાંમાં પાણી ભરાઈ જવું (Pulmonary Edema), શ્વાસ લેવામાં ભારે તકલીફ થવી અને બ્લડ પ્રેશર ઓછું થઈ જવું અને કિડની પર અસર છે. આ વાયરસ કિડની ફેલ કરી શકે છે, જેના કારણે પેશાબમાં લોહી આવવું અથવા પેશાબ બંધ થઈ જવાની સમસ્યા સર્જાય છે.

ફેફસાં અને કિડની પર હંતા વાયરસની અસર

હંતા વાયરસ માનવ શરીરમાં પ્રવેશ્યા બાદ અત્યંત ગંભીર સ્થિતિ પેદા કરી શકે છે. તે મુખ્યત્વે ફેફસાં અને કિડની પર હુમલો કરે છે તે સમજીએ. નિષ્ણાતોના જણાવ્યા મુજબ, આ વાયરસના લક્ષણો શરૂઆતમાં સામાન્ય તાવ જેવા જણાય છે, પરંતુ તે ઝડપથી ફેફસાં અને કિડની જેવા અંગોને નિષ્ફળ બનાવી શકે છે.

ફેફસાં પર અસર: આ વાયરસ ફેફસાંની રુધિરવાહિનીઓને નુકસાન પહોંચાડે છે, જેના કારણે ફેફસાંમાં પાણી ભરાઈ જવાની (Pulmonary Edema) સમસ્યા સર્જાય છે. આ સ્થિતિમાં દર્દીને શ્વાસ લેવામાં ભારે તકલીફ પડે છે, જે જીવલેણ સાબિત થઈ શકે છે.

કિડની પર હુમલો: હંતા વાયરસ સીધી રીતે કિડનીની કાર્યક્ષમતા પર અસર કરે છે, જે કિડની ફેલ થવાનું કારણ બની શકે છે.

ગંભીર લક્ષણો: આ વાયરસના સંક્રમણને લીધે પેશાબમાં લોહી આવવું અથવા પેશાબ સંપૂર્ણપણે બંધ થઈ જવાની સમસ્યા પણ ઊભી થઈ શકે છે.

બ્લડ પ્રેશર: સંક્રમણ વધવાની સાથે શરીરમાં બ્લડ પ્રેશર એકાએક ઓછું થઈ જાય છે, જે શરીરના મહત્વના અંગોને નુકસાન પહોંચાડે છે.

આ પણ વાંચો : Moringa: માત્ર સ્વાસ્થ્ય જ નહીં ત્વચા માટે કુદરતી વરદાન છે મોરિંગા, ડાઘ-ધબ્બા દૂર કરવા અજમાવો આ ફેસપેક

(Disclaimer: આ માહિતી વાચકોને વધારે વિગતો પુરી પાડવા માટે છે અને આ સંદર્ભમાં વધારે જાણકારી મેળવવા માટે આપ તજજ્ઞોનો સંપર્ક સાધી શકશો. )