Dhoni Visits NSG Commando Training in Chennai; Video Inside
ચેન્નઈ28 મિનિટ પેહલા
- કૉપી લિંક
પૂર્વ ભારતીય કેપ્ટન મહેન્દ્રસિંહ ધોની IPL વચ્ચે ગઈકાલે ચેન્નઈમાં નેશનલ સિક્યુરિટી ગાર્ડ્સ (NSG)ના રિજનલ હબ સેન્ટર પર પહોંચ્યો હતો. અહીં તેણે સબમશીન ગન ચલાવી, ઉપરાંત પિસ્તોલથી નિશાન પણ તાક્યું.
44 વર્ષના ધોનીએ અહીં કમાન્ડોઝ અને તેના પરિવારો સાથે સમય વિતાવ્યો. તેની સાથે જમ્યો. એટલું જ નહીં વાતચીતમાં ધોનીએ કમાન્ડોઝને પૂછ્યું- ‘ફિટ લાગી રહ્યો છું ને?’ આના પર જવાનોએ સહમતિ આપતા કહ્યું- ‘છેલ્લી વાર જ્યારે આવ્યા હતા, ત્યારે આનાથી વધુ ફિટ હતા.’ તેના જવાબમાં ધોનીએ કહ્યું- ‘જેમ જેમ સમય વધે છે, તેમ તેમ વધુ મહેનત કરવી પડે છે.’ તે 2023માં NSG કેમ્પમાં સામેલ થઈ ચૂક્યો છે.
ધોની ચેન્નઈ સુપર કિંગ્સનો ભાગ છે. જોકે, તે કાફ સ્ટ્રેન (પિંડલીની ઈજા)ને કારણે આ સિઝનમાં અત્યાર સુધી એક પણ મેચ રમી શક્યો નથી. આજે ચેન્નઈ સિઝનમાં પોતાની છેલ્લી લીગ મેચ રમવા જઈ રહી છે. આમાં ધોનીના રમવાની સંભાવના છે.
જુઓ PHOTO-VIDEO…
ધોની સાથે સેલ્ફી લેતા NSG કમાન્ડો.
પિસ્તોલથી નિશાન તાકતો પૂર્વ ભારતીય કેપ્ટન એમએસ ધોની.
સબ મશીનગન ચલાવતો એમએસ ધોની.
ટેરિટોરિયલ આર્મીમાં ધોની લેફ્ટનન્ટ કર્નલ છે
એમએસ ધોની ટેરિટોરિયલ આર્મીમાં લેફ્ટનન્ટ કર્નલ છે. તે પેરાશૂટ રેજિમેન્ટની 106 પેરા ટેરિટોરિયલ આર્મી બટાલિયનનો ભાગ છે. તેણે કાશ્મીરમાં ભારતીય સેના સાથે બે અઠવાડિયાની તાલીમ પણ લીધી હતી. બાદમાં તેનો બૂટ પોલિશ કરતો ફોટો પણ સામે આવ્યો હતો.
ટ્રેનિંગ દરમિયાન એમએસ ધોની.
ધોની અને સૈન્ય દળોનો જૂનો સંબંધ
- 2011: ટેરિટોરિયલ આર્મીની પેરાશૂટ રેજિમેન્ટમાં લેફ્ટનન્ટ કર્નલના માનદ રેન્કથી સન્માનિત કરવામાં આવ્યો.
- 2015: આગ્રામાં લશ્કરી એરક્રાફ્ટમાંથી 5 ફરજિયાત જમ્પ પૂરા કરીને ક્વોલિફાઇડ પેરાટ્રૂપર બન્યો.
- 2018: જ્યારે રાષ્ટ્રપતિ ભવનમાં પદ્મ ભૂષણ સન્માન મળ્યું ત્યારે ધોની સેનાની યુનિફોર્મ પહેરીને માર્ચ કરતા એવોર્ડ લેવા પહોંચ્યો.
- 2019: વર્લ્ડકપ પછી આંતરરાષ્ટ્રીય ક્રિકેટમાંથી બ્રેક લઈને જમ્મુ-કાશ્મીરમાં 106 ઇન્ફન્ટ્રી બટાલિયન સાથે 2 અઠવાડિયા વિતાવ્યા, જ્યાં તેણે ગાર્ડ ડ્યુટી અને પેટ્રોલિંગ પણ કરી.
શું હૈદરાબાદ સામે રમશે ધોની?
ચેન્નાઈને આજે સનરાઈઝર્સ હૈદરાબાદ સાથે ચેપોક સ્ટેડિયમમાં રમવાનું છે. એવી અપેક્ષા રાખવામાં આવે છે કે ધોની આજે રમી શકે છે. જોકે, અત્યાર સુધી ધોની અને ચેન્નાઈના મેનેજમેન્ટ તરફથી આવા કોઈ સંકેત મળ્યા નથી. ફ્રેન્ચાઈઝી તરફથી કહેવામાં આવ્યું હતું કે તે ફરીથી ઈજાગ્રસ્ત થયો છે અને તેના કારણે રમવામાં વિલંબ થઈ રહ્યો છે.
———————————–
IPL સંબંધિત આ સમાચાર પણ વાંચો…
IPLમાં આજે CSK vs SRH:ચેન્નઈ માટે કરો કે મરો મેચ, હૈદરાબાદને ટુર્નામેન્ટમાં 15 વખત હરાવ્યું છે
IPL 2026ની 63મી મેચમાં આજે ચેન્નઈ સુપર કિંગ્સ (CSK) અને સનરાઇઝર્સ હૈદરાબાદ (SRH)ની ટીમ સામસામે ટકરાશે. આ મેચ ચેન્નઈના એમ.એ. ચિદમ્બરમ (ચેપોક) સ્ટેડિયમમાં સાંજે 7:30 વાગ્યાથી રમાશે. વાંચો પૂરા સમાચાર
latest video
news via inbox
Subscribe for the latest updates, promotions, and ads.
