રાજસ્થાન આ સીઝનમાં ઓપનિંગ માટે 15 વર્ષના વૈભવ સૂર્યવંશી પર ઘણું નિર્ભર રહ્યું છે. વૈભવે ઘણી તકો પર ઝડપી શરૂઆત અપાવી છે, પરંતુ બીજા છેડેથી તેને યશસ્વી જયસ્વાલનો સાથ મળ્યો નથી. વિકેટકીપર બેટર ધ્રુવ જુરેલે કેટલીક સારી ઇનિંગ્સ રમી છે, પરંતુ દિલ્હી સામે સતત વિકેટો પડવાના કારણે તે મુક્તપણે રમી શક્યો નહોતો.

કેપ્ટન રિયાન પરાગ ટુર્નામેન્ટના પહેલા હાફમાં કંઈ ખાસ કરી શક્યા નહોતા, પરંતુ છેલ્લી થોડી મેચમાં તેણે લય પકડી છે. જોકે, તે હેમસ્ટ્રિંગની ઈજાથી ઝઝૂમી રહ્યો છે. કેપ્ટન ઇચ્છશે કે ટીમ છેલ્લી 5 ઓવરોમાં બેટિંગમાં વધારે પરિપક્વતા બતાવે.

વૈભવ સૂર્યવંશી ટીમના ટૉપ રન સ્કોરર છે. તેણે 12 મેચોમાં 234.78ના સ્ટ્રાઈક રેટથી 486 રન બનાવ્યા છે. બીજી તરફ, જોફ્રા આર્ચર ટીમના ટૉપ વિકેટ ટેકર છે. તેણે 12 મેચમાં 9.09ની ઇકોનોમીથી 17 વિકેટ ઝડપી છે.

લખનઉ બગાડી શકે છે રાજસ્થાનની રમત