તેલુગુ સુપરહીરો ફિલ્મ ‘હનુ-મેન’ એકવાર ફરી મોટા પડદા પર વાપસી કરવા જઈ રહી છે. આ વખતે ફિલ્મને 3D ફોર્મેટમાં રિલીઝ કરવામાં આવશે, જેનાથી દર્શકોને પહેલા કરતાં વધુ ભવ્ય અને રોમાંચક સિનેમાઈ અનુભવ મળવાનો છે. નિર્માતાઓએ સત્તાવાર ઘોષણા કરતા જણાવ્યું કે ‘હનુ-મેન 3D’ 25 જૂન 2026 ના રોજ દુનિયાભરના સિનેમાઘરોમાં રિલીઝ થશે. મેકર્સે નવા પોસ્ટર સાથે સોશિયલ મીડિયા પર જાણકારી શેર કરતા કહ્યું કે- આ ફિલ્મ પહેલા દર્શકોના દિલ પર રાજ કરી ચૂકી છે અને હવે નવા અંદાજમાં પાછી ફરી રહી છે. વર્ષ 2024માં રિલીઝ થયેલી આ ફિલ્મે બોક્સ ઓફિસ પર શાનદાર સફળતા મેળવી હતી અને ભારતીય સુપરહીરો ફિલ્મો માટે નવી શરૂઆત માનવામાં આવી હતી. ફિલ્મની સ્ટોરી કાલ્પનિક ગામ અંજનાદ્રી પર આધારિત છે, જ્યાં હનુમંથુ નામનો એક સાધારણ યુવક ભગવાન હનુમાનની દિવ્ય શક્તિઓ પ્રાપ્ત કર્યા પછી લોકોની રક્ષા કરે છે. આમાં તેજા ઉપરાંત અમૃતા ઐયર, વરલક્ષ્મી સરથકુમાર, સમુદ્રકણી અને વિનય રાયે પણ મહત્વપૂર્ણ ભૂમિકાઓ ભજવી હતી. ફિલ્મના આગામી પાર્ટ ‘જય હનુમાન’માં રિષભ શેટ્ટી પણ જોવા મળશે ડિરેક્ટર પ્રશાંત વર્માની આ ફિલ્મ તેમના સિનેમેટિક યુનિવર્સની પ્રથમ કડી માનવામાં આવે છે. ફિલ્મની સફળતા પછી હવે તેના આગામી ભાગ ‘જય હનુમાન’ ને લઈને પણ દર્શકોમાં ઘણો ઉત્સાહ છે. અહેવાલો અનુસાર, આગામી ફિલ્મમાં રિષભ શેટ્ટી પણ જોવા મળી શકે છે. જેનો પહેલો લુક પણ મેકર્સે ગયા વર્ષે જ રિવિલ કરી દીધો હતો. આવા સમયે હવે ‘હનુ-મેન 3D’ ના ફરીથી રિલીઝને લઈને ચાહકોમાં જબરદસ્ત ઉત્સુકતા જોવા મળી રહી છે અને માનવામાં આવી રહ્યું છે કે ફિલ્મ ફરી એકવાર બોક્સ ઓફિસ પર મોટો રેકોર્ડ બનાવી શકે છે.