બ્યુટી પ્રોડક્ટ્સ હવે ઝડપથી ભારતીય ગ્રાહકોના રોજિંદા જીવનનો ભાગ બની રહ્યા છે. બોડી વોશ અને સનસ્ક્રીન પણ ક્વિક ડિલિવરી એપથી આવવા લાગ્યા છે. રેડસીર સ્ટ્રેટેજી કન્સલ્ટન્ટ્સના રિપોર્ટ મુજબ, ઓનલાઈન બ્યુટી અને પર્સનલ કેર માર્કેટ વાર્ષિક 35%ના દરે વધીને 56,000 કરોડ રૂપિયા પર પહોંચી ગયું છે. પરંતુ આ ગ્રોથની સાચી કહાની બે ભાગમાં વહેંચાયેલી છે: એક તરફ આદત છે, તો બીજી તરફ ઈચ્છા. ગ્રૂમિંગ હવે આદત બની ગયું છે અને આ સેગમેન્ટનો ગ્રોથ સૌથી વધુ 37% છે. મેકઅપ અને પરફ્યુમનો ગ્રોથ 30% છે. દેશનું કુલ BPC બજાર 2030 સુધીમાં લગભગ 3.8 લાખ કરોડનું થશે. આ દુનિયાની ચોથી સૌથી મોટી અને ભારતની સૌથી ઝડપથી વિકસતી રિટેલ કેટેગરી છે. ઝડપથી વિકસતી કેટેગરીઝ (નાણાકીય વર્ષ 2025-26) – બોડી કેર 65-70% – બોડી વોશ 60-65% – સનસ્ક્રીન 55-60% – નેઇલ મેકઅપ 50% – પરફ્યુમ 30-35% – ડિઓડરન્ટ 20% માત્ર ચહેરો જ નહીં, હવે આખા શરીરની સંભાળનો ટ્રેન્ડ બોડી વોશ વાર્ષિક 60-65% ના દરે વધી રહ્યો છે, જ્યારે સાબુનો વિકાસ 40-45% છે. સુગંધ, સ્કિન કેર, સેલ્ફ-કેર. બોડી કેર (લોશન, ક્રીમ) 65-70% ના ઝડપી ગ્રોથ પર છે. હવે ભારતીયો માત્ર ચહેરાની જ નહીં, પરંતુ આખા શરીરની સંભાળ રાખવા લાગ્યા છે. – સનસ્ક્રીનની કહાની વધુ રસપ્રદ છે. એક સમયે ઉનાળામાં છત પર જતી વખતે લગાવવામાં આવતી હતી. હવે તે રોજ સવારની દિનચર્યાનો ભાગ છે. 55-60% ગ્રોથ આ બદલાવનો પુરાવો છે. બદલાઈ રહ્યો છે ગ્રૂમિંગ સેન્સ, નેલ આર્ટનો ક્રેઝ વધી રહ્યો છે ઓનલાઈન બ્યુટી અને પર્સનલ કેર માર્કેટમાં પરફ્યુમનો હિસ્સો હવે વધીને 6 ટકા પર પહોંચી ગયો છે, જ્યારે ડિઓડોરન્ટ 3% થી નીચે સરકી ગયો છે. આ માત્ર આંકડાકીય ફેરબદલ નથી. આ દર્શાવે છે કે ભારતીય ગ્રાહક માટે સુગંધ હવે પરસેવો રોકવાનું સાધન નથી, પરંતુ વ્યક્તિત્વનો એક ભાગ બની ગઈ છે. નેલ મેકઅપ પણ 50%ની ઝડપે વધી રહ્યો છે. ઘરે નેલ આર્ટ કરવું હવે હજારો યુવાઓની ઓળખ અને શોખ બંને છે. 10 મિનિટમાં બ્યુટી પ્રોડક્ટ, એક વર્ષમાં બમણો વધ્યો ટ્રેન્ડ ક્વિક કોમર્સનો બ્યુટી માર્કેટમાં હિસ્સો નાણાકીય વર્ષ 2025ના 9%થી વધીને 2026માં 18% થયો. એટલે કે એક વર્ષમાં બમણો. બોડી કેર અને બોડી વોશમાં ક્વિક કોમર્સનો હિસ્સો 20-25% છે. – જેન ઝી અને જનરલ આલ્ફા 2030 સુધીમાં BPC ખર્ચનો 50% હિસ્સો આપશે. 150થી વધુ નવી ઓનલાઈન-બિલ્ટ બ્રાન્ડ્સ 2030 સુધીમાં ₹100 કરોડ+ રેવન્યુ પાર કરશે, કુલ કેટેગરીનો 25%+ હિસ્સો તેમની પાસે હશે.