બોલિવૂડ એક્ટર સલમાન ખાનના મુંબઈમાં આવેલા ગેલેક્સી એપાર્ટમેન્ટમાં સોમવારે 5 ફૂટ લાંબો સાપ નીકળ્યો. માહિતી મળ્યા બાદ તેને બચાવવા માટે એક સ્નેક રેસ્ક્યુઅર ઘટનાસ્થળે પહોંચી હતી.

હિન્દુસ્તાન ટાઈમ્સના રિપોર્ટ અનુસાર, સાપ એપાર્ટમેન્ટની નીચે મળ્યો હતો. રેસ્ક્યુઅરે તેને હાથથી પકડીને સુરક્ષિત રીતે કાબૂમાં કર્યો. ઘટનાસ્થળે અધિકારીઓ પણ પહોંચ્યા અને રેસ્ક્યુ ઓપરેશનમાં મદદ કરી. વીડિયોમાં રેસ્ક્યુઅર સાપને પકડતો દેખાઈ રહ્યો છે. તેણે પહેલા સાપનો પીછો કર્યો, પછી તેની પૂંછડી પકડીને તેને હાથમાં વીંટાળ્યો અને બાદમાં બેગમાં મૂકી દીધો. મળતી માહિતી મુજબ, સાપ ઝેરી નહોતો. આ જ કારણ છે કે તેને કોઈપણ સુરક્ષા ઉપકરણ વગર પકડવામાં આવ્યો.

જોકે, એ માહિતી સામે આવી નથી કે સાપ એપાર્ટમેન્ટમાં કેવી રીતે ઘૂસ્યો.

ગેલેક્સી એપાર્ટમેન્ટની બહાર ફાયરિંગ થયું હતું

આ પહેલા ગેલેક્સી એપાર્ટમેન્ટ વર્ષ 2024માં ચર્ચામાં આવ્યું હતું. જ્યારે 14 એપ્રિલ 2024ની સવારે લગભગ 5 વાગ્યે મોટરસાઇકલ પર આવેલા બે હુમલાખોરોએ ગેલેક્સી એપાર્ટમેન્ટની બહાર 5થી 6 રાઉન્ડ ફાયરિંગ કર્યું હતું. તે સમયે સલમાન ખાન એપાર્ટમેન્ટમાં જ હતા. આ હુમલાની જવાબદારી લોરેન્સ ગેંગના અનમોલ બિશ્નોઈએ લીધી હતી.

સલમાને નવી ફિલ્મનું શૂટિંગ શરૂ કર્યું

વર્ક ફ્રન્ટની વાત કરીએ તો, સલમાન જલ્દી જ ફિલ્મ ‘માતૃભૂમિ’માં જોવા મળશે. આ ફિલ્મમાં ચિત્રાંગદા સિંહ પણ હશે. આ ફિલ્મનું નિર્દેશન અપૂર્વ લાખિયા કરી રહ્યા છે. પહેલા આ ફિલ્મનું નામ ‘બેટલ ઓફ ગલવાન’ હતું. ફિલ્મની રિલીઝ ડેટ પહેલા 17 એપ્રિલ હતી, જે મુલતવી રાખવામાં આવી છે અને નવી તારીખની હજુ જાહેરાત થઈ નથી.

તે જ સમયે, સલમાને એક્ટ્રેસ નયનતારા સાથે તેની બીજી આગામી ફિલ્મનું શૂટિંગ શરૂ કરી દીધું છે, જેનું કામચલાઉ નામ SVC63 છે. આ ફિલ્મથી સલમાન પહેલીવાર ડિરેક્ટર વામશી પેડિપલ્લી અને પ્રોડ્યુસર દિલ રાજુ સાથે કામ કરી રહ્યા છે. આ એક એક્શન થ્રિલર ફિલ્મ હશે.

સલમાન ખાને તાજેતરમાં ફિલ્મ ‘SVC63’ના મુહૂર્તની ઝલક શેર કરી હતી.

ઉપરાંત, વેરાયટી ઇન્ડિયાના રિપોર્ટ અનુસાર, સલમાન ડિરેક્ટર જોડી રાજ નિદિમોરુ અને કૃષ્ણા ડી.કે. સાથે એક સુપરહીરો એક્શન ફિલ્મમાં પણ કામ કરી શકે છે. એવી પણ ચર્ચા છે કે આ પ્રોજેક્ટમાં તે કરીના કપૂર ખાન સાથે કામ કરી શકે છે.

સલમાન સાથે જોડાયેલા આ સમાચાર પણ વાંચો…

60 વર્ષના કુંવારા સલમાનને હવે એકલું-એકલું લાગી રહ્યું છે?:એબ્સ-બાયસેપ દેખાતો શર્ટલેસ ફોટો શેર કર્યો; રહસ્યમય શબ્દોમાં અલોન-લોનલીની વાત કરી

60 વર્ષના સલમાન ખાને રવિવારે શર્ટલેસ ફોટો શેર કર્યો. ફોટોમાં તેની ટોન્ડ બોડી, ફિટ એબ્સ અને મસ્ક્યુલર ફિઝિક દેખાઈ રહ્યું છે. તસવીરમાં સલમાન આરામ કરતો જોવા મળી રહ્યો છે, જોકે, તેની ફિટનેસની સાથે-સાથે તેની પોસ્ટના કેપ્શનની પણ ચર્ચા થઈ રહી છે. સંપૂર્ણ સમાચાર અહીં વાંચો…

દિવ્ય ભાસ્કરને Google પર મનપસંદ સોર્સ બનાવો