સાઉથ સુપરસ્ટાર રામ ચરણ અને બોલિવૂડ એક્ટ્રેસ જાહ્નવી કપૂર ટૂંક સમયમાં ફિલ્મ ‘પેદ્દી’માં જોવા મળશે. દિવ્ય ભાસ્કર સાથેની ખાસ વાતચીતમાં રામ ચરણે જણાવ્યું છે કે, તેઓ આ ફિલ્મમાં કુસ્તી કરતા જોવા મળશે. આ ફિલ્મના પ્રમોશન માટે તેઓ ભારતના હૃદય મધ્યપ્રદેશના ભોપાલથી શરૂઆત કરશે, જ્યાં એ.આર. રહેમાન લાઇવ પરફોર્મન્સ આપશે.

જ્યારે દિવ્ય ભાસ્કરે રામ ચરણને પૂછ્યું કે, ફિલ્મનું પ્રમોશન ‘ભારતના હૃદય’ એટલે કે ભોપાલથી શરૂ કરવાનું શું કારણ હતું? ત્યારે તેઓ કહે છે, ‘ભોપાલ અને મધ્યપ્રદેશના લોકો કુસ્તી અને પરંપરાગત રમતોને હૃદયથી પ્રેમ આપે છે.’

‘હિન્દી પ્રેક્ષકોએ અમને હંમેશા ખૂબ પ્રેમ આપ્યો છે, તેથી પ્રમોશનની શરૂઆત માટે આ બિલકુલ યોગ્ય જગ્યા હતી. અમે એ.આર. રહેમાન સાહેબના લાઇવ પરફોર્મન્સ સાથે ભોપાલના દર્શકો વચ્ચે એક યાદગાર સાંજ વિતાવવા માટે ખૂબ જ ઉત્સાહિત છીએ.’

ફિલ્મ ‘પેદ્દી’નું ટ્રેલર 17 મેના રોજ રિલીઝ થઈ ગયું છે.

ફિલ્મમાં કુસ્તી કરતા જોવા મળશે રામ ચરણ

‘પેદ્દી’માં કુસ્તીનો બેકડ્રોપ છે. આ વિષય પસંદ કરવાનું ખાસ કારણ પૂછવામાં આવતા રામ ચરણે કહ્યું, ‘મને લાગે છે કે મારી બીજી ફિલ્મોની સરખામણીમાં મેં આ ફિલ્મમાં સૌથી વધુ નિષ્ઠાપૂર્વક કામ કર્યું છે. ખૂબ જ સન્માનપૂર્વક કામ કર્યું છે, કારણ કે તેમાં નિષ્ઠાની જરૂર હતી. આ ફિલ્મ 1.8 બિલિયન લોકોને રજૂ કરે છે. આ ફિલ્મ ઓળખ માટે જીવે છે.’

‘પેદ્દીનું પાત્ર પોતાની અને પોતાના સમુદાય માટે ઓળખની શોધમાં છે. ભારત જેવા દેશમાં જો તમે નકશામાં નથી, તો ઘણા ગામો જ્યાં લોકો રહે છે, તેઓ મત આપી શકતા નથી, તેમની પાસે પરિવહન નથી, શાળા નથી, પોસ્ટલ બોક્સ નથી, કોઈ સેવાઓ નથી. તેઓ ફક્ત ત્યાં જ રહે છે. આવા ઘણા ગામો છે. આ એક એવા છોકરાની વાર્તા છે, જે આવા ગામમાંથી નીકળીને કેવી રીતે ઓળખ બનાવે છે.’

ભોપાલના BHEL, દશેરા ગ્રાઉન્ડમાં થશે એ.આર.રહેમાનની લાઇવ પરફોર્મન્સ

23 મેના રોજ ફિલ્મ ‘પેદ્દી’ની ટીમ ફિલ્મના પ્રમોશન માટે ભોપાલ પહોંચશે. ઇવેન્ટનું આયોજન ભોપાલના BHEL, દશેરા મેદાનમાં કરવામાં આવી રહ્યું છે. મેગા મ્યુઝિકલ નાઇટની તૈયારીઓ શરૂ થઈ ગઈ છે. આ ઇવેન્ટમાં એ.આર.રહેમાન ફિલ્મના ગીતો પર પરફોર્મન્સ આપશે.

23 મેના રોજ એ.આર. રહેમાન ‘પેદ્દી’ ફિલ્મના ગીતો પર પરફોર્મ કરશે.

ફિલ્મ વિશે-

ફિલ્મ ‘પેદ્દી’ 4 જૂને સિનેમાઘરોમાં રિલીઝ થઈ રહી છે. આ એક પાન ઇન્ડિયા ફિલ્મ છે. બુચ્ચી બાબુના ડિરેક્શનમાં બનેલી આ ફિલ્મને એઆર રહેમાને સંગીત આપ્યું છે. આ જાહ્નવી કપૂરની બીજી તેલુગુ ફિલ્મ છે. તેણે 2024માં ફિલ્મ ‘દેવરા’થી તેલુગુ સિનેમામાં ડેબ્યૂ કર્યું હતું.

આ પહેલા રવિવારે મુંબઈના બીકેસીમાં ફિલ્મનો ટ્રેલર લોન્ચ ઇવેન્ટ યોજાયો હતો, જ્યાં ફિલ્મની આખી સ્ટારકાસ્ટ હાજર રહી હતી.

જાહ્નવી કપૂર પહેલીવાર રામ ચરણ સાથે કામ કરી રહી છે.

દિવ્ય ભાસ્કરને Google પર મનપસંદ સોર્સ બનાવો