જો તમે આવતા મહિને મારુતિ સુઝુકીની નવી કાર ઘરે લાવવાનું વિચારી રહ્યા છો, તો તમારા માટે એક મોટા અને થોડા ખર્ચાળ સમાચાર છે. દેશની સૌથી મોટી કાર નિર્માતા કંપની મારુતિ સુઝુકી ઇન્ડિયા એ જાહેરાત કરી છે કે તે જૂન 2026થી તેના તમામ મોડલ્સની કિંમતોમાં વધારો કરવા જઈ રહી છે. કંપની તેની કારની કિંમતો 30,000 રૂપિયા સુધી વધારવાનું મન બનાવી ચૂકી છે.

મારુતિ સુઝુકીએ રેગ્યુલેટરી ફાઇલિંગમાં આ નિર્ણયની સત્તાવાર જાણકારી આપી. કંપનીનું કહેવું છે કે સતત વધી રહેલા ખર્ચના દબાણને કારણે તેમને આ પગલું ભરવાની ફરજ પડી છે.

સતત વધી રહેલો ખર્ચ કંપનીએ જણાવ્યું, “છેલ્લા કેટલાક મહિનાઓથી કંપની ખર્ચ ઘટાડવા માટે શક્ય તમામ પ્રયાસો કરી રહી હતી, જેથી ગ્રાહકો પર વધતી કિંમતોની અસર ઓછી રહે. પરંતુ, વર્તમાન સમયમાં મોંઘવારીનું સ્તર ઘણું ઊંચું થઈ ગયું છે અને ખર્ચ સતત વધી રહ્યો છે. આવા સંજોગોમાં કંપની પાસે વધેલા ખર્ચનો એક ભાગ બજાર પર નાખવા સિવાય કોઈ વિકલ્પ બચ્યો નથી.”

કઈ ગાડીઓની કિંમતો વધી? મારુતિ સુઝુકી, જે ભારતની સૌથી મોટી કાર કંપનીઓમાંની એક છે, તે તેની સસ્તીથી લઈને લક્ઝરી ગાડીઓ સુધી માટે જાણીતી છે. કંપની એસ-પ્રેસો જેવી બજેટ કારથી લઈને ઇન્વિક્ટો જેવા પ્રીમિયમ મોડેલ સુધી વેચે છે. હાલમાં આ ગાડીઓની કિંમત લગભગ 3.49 લાખ રૂપિયાથી શરૂ થઈને 28.7 લાખ રૂપિયા સુધી જાય છે. પરંતુ હવે કંપની જૂન 2026થી તેની કારોના ભાવ વધારવા જઈ રહી છે. અલગ-અલગ મોડેલ અને વેરિઅન્ટ મુજબ કિંમતોમાં લગભગ 30,000 રૂપિયા સુધીનો વધારો જોવા મળી શકે છે.

…………….

આ સમાચાર પણ વાંચો

પ્લેટિનમ પર આયાત ડ્યુટી બમણી:ડીઝલ, હાઇબ્રિડ કારોના ભાવ 18 હજાર રૂપિયા સુધી વધી શકે છે

દેશમાં ડીઝલ એસયુવી અને સ્ટ્રોંગ હાઇબ્રિડ કાર ખરીદવી મોંઘી પડશે. પ્લેટિનમ પર અસરકારક આયાત ડ્યુટી 6.4%થી વધીને 15.4% થવું તેનું કારણ છે. તેની અસર એવી ગાડીઓ પર થશે, જેમાં પ્રદૂષણ નિયંત્રણ માટે કિંમતી મેટલનો ઉપયોગ થાય છે. સંપૂર્ણ સમાચાર વાંચો

દિવ્ય ભાસ્કરને Google પર મનપસંદ સોર્સ બનાવો