અમેરિકી રાષ્ટ્રપતિ ડોનાલ્ડ ટ્રમ્પે સોશિયલ મીડિયા પર એક કોમેડિયનને કચરાના ડબ્બામાં ફેંકવાનો એક AI વીડિયો શેર કર્યો છે. આનાથી સોશિયલ મીડિયા પર ભારે વિવાદ ફાટી નીકળ્યો છે.

કોમેડિયન સ્ટીફન કોલબર્ટ અને ટ્રમ્પ વચ્ચે કેટલાય વર્ષોથી દુશ્મની ચાલી રહી છે. કોલબર્ટ પોતાના શોમાં સતત ટ્રમ્પ, તેમની નીતિઓ અને MAGA (મેક અમેરિકા ગ્રેટ અગેન) આંદોલનની મજાક ઉડાવતા રહ્યા છે. બીજી તરફ ટ્રમ્પ પણ સોશિયલ મીડિયા પર વારંવાર કોલબર્ટને નિશાન બનાવતા રહ્યા હતા.

કોલબર્ટના શુક્રવારે આશરે 11 વર્ષ પછી સીબીએસ (CBS)ના ‘ધ લેટ શો’ (The Late Show)ને અલવિદા કહી દીધું. આ શો ખતમ થવાના તરત જ બાદ ટ્રમ્પે આ AI જનરેટેડ વીડિયો શેર કર્યો છે. આ વીડિયોમાં તેઓ કોમેડિયનને ઢસડીને કચરાના ડબ્બામાં ફેંકે છે અને પછી પોતાના પ્રખ્યાત ડાન્સ સ્ટેપ્સ કરતા જોવા મળે છે. આ દરમિયાન બેકગ્રાઉન્ડમાં ‘YMCA’ ગીત વાગે છે.

જુઓ વીડિયો

શો બંધ થવા પાછળ રાજકીય દબાણ? ‘ધ લેટ શો’ બંધ થવાને લઈને CBSએ જણાવ્યું કે, આને બંધ કરવાનો નિર્ણય સંપૂર્ણપણે આર્થિક કારણોસર લેવામાં આવ્યો છે. પરંતુ ટિકાકારોનો આક્ષેપ છે કે આની પાછળ રાજકીય દબાણ પણ હોઈ શકે છે.

કોલબર્ટે પણ સીધા ટ્રમ્પને શો બંધ થવા માટે જવાબદાર ઠેરવ્યા નથી. પરંતુ કેટલાય કોમેડિયન અને તેમના સમર્થકોએ આવો સંકેત જરૂર આપ્યો છે. શોના ફિનાલેના એક દિવસ પહેલા પ્રખ્યાત રોક સ્ટાર બ્રુસ સ્પ્રિંગસ્ટીને કોલબર્ટને કહ્યું હતું કે:

“તું અમેરિકાનો પહેલો એવો માણસ છે જેણે માત્ર એટલા માટે નોકરી ગુમાવી કારણ કે રાષ્ટ્રપતિ પોતાના પર થયેલી મજાક સહન ન કરી શક્યા.”

કોલબર્ટના આ શોમાંથી જવા સાથે જ ‘ધ લેટ શો’ ફ્રેન્ચાઈઝીનો એક લાંબો દોર ખતમ થઈ ગયો છે. આ શોની શરૂઆત 1993માં ડેવિડ લેટરમેને કરી હતી. હવે આ સ્થિતિને અમેરિકામાં લેટ-નાઈટ ટીવીના બદલાતા દોરની નિશાની માનવામાં આવી રહી છે, જ્યાં લોકો પરંપરાગત ટીવી જોવાના બદલે સોશિયલ મીડિયા અને ઓનલાઈન ક્લિપ્સ જોવાનું વધારે પસંદ કરી રહ્યા છે.

દિવ્ય ભાસ્કરને Google પર મનપસંદ સોર્સ બનાવો