અમેરિકાના વિદેશ મંત્રી માર્કો રુબિયો તેમની પત્ની જીનેટ રુબિયો સાથે સોમવારે સવારે 10:15 વાગ્યે તાજમહેલ પહોંચ્યા. આ દરમિયાન રુબિયો કાળા કોટ-પેન્ટમાં અને જીનેટ ગ્રે કલરના ગાઉનમાં જોવા મળ્યા. 41°C તાપમાનમાં બંને કાળા ચશ્મા પહેરીને તાજને નિહાળતા જોવા મળ્યા. તેમણે ગાઈડ નિતિન ગુપ્તાને તાજમહેલ વિશે પ્રશ્નો પણ પૂછ્યા. માર્કો અને જીનેટ રુબિયોએ ડાયના ચેર પર બેસીને ફોટો પડાવ્યો. ભારતમાં અમેરિકી રાજદૂત સર્જિયો ગોરે બંનેની બાજુમાં બેસીને ફોટો પડાવ્યો. રુબિયો સાથે લગભગ 60 લોકોનું પ્રતિનિધિમંડળ પણ આગ્રા પહોંચ્યું છે. લગભગ 45 મિનિટ સુધી તાજમહેલ પરિસરમાં ફર્યા પછી માર્કો હોટેલ અમર વિલાસ માટે રવાના થયા. અહીં લંચ પછી બપોરે 12:50 વાગ્યે વિશેષ વિમાનથી જયપુર માટે રવાના થશે. આ પહેલાં ખેરીયા એરપોર્ટ પર કમિશનર દીપક કુમાર અને ડીએમ મનીષ બંસલે રુબિયોને રિસીવ કર્યા. અહીંથી રુબિયો સીધા તાજમહેલ પહોંચ્યા હતા. ગોલ્ફ કાર્ટમાં બેસીને તાજ પરિસર સુધી ગયા. મુલાકાત પહેલાં જ તાજમહેલમાં બેરિકેડિંગ કરી દેવામાં આવ્યું હતું. અંદર હાજર પ્રવાસીઓને બહાર કાઢવામાં આવ્યા હતા. 4 તસવીરો… ભારત-અમેરિકામાં તણાવ વચ્ચે પ્રવાસના મહત્વને સમજો- રૂબિયો શનિવારથી 4 દિવસના ભારત પ્રવાસે છે. તેમણે વડાપ્રધાન નરેન્દ્ર મોદી સાથે સેવા તીર્થમાં મુલાકાત કરી હતી. અમેરિકી રાષ્ટ્રપતિ ડોનાલ્ડ ટ્રમ્પ તરફથી પીએમ મોદીને અમેરિકા આવવાનું આમંત્રણ આપવામાં આવ્યું હતું. રૂબિયોનો ભારત પ્રવાસ એવા સમયે થઈ રહ્યો છે, જ્યારે ગયા વર્ષના મધ્યથી ભારત-અમેરિકા સંબંધોમાં કેટલાક મુદ્દાઓને લઈને તણાવ જોવા મળ્યો હતો. માનવામાં આવી રહ્યું છે કે આ યાત્રાનો હેતુ બંને દેશોના સંબંધોને ફરીથી મજબૂત કરવાનો છે. અમેરિકાના વિદેશ મંત્રી માર્કો રુબિયોના આગ્રા પ્રવાસના પળેપળના અપડેટ્સ માટે નીચેના લાઇવ બ્લોગ જુઓ…