Xi Jinping Expected At BRICS Summit In New Delhi
33 મિનિટ પેહલા
- કૉપી લિંક
ચીનના રાષ્ટ્રપતિ શી જિનપિંગ આવતા મહિને નવી દિલ્હીમાં યોજાનારી BRICS સમિટમાં ભાગ લઈ શકે છે. 7 વર્ષ પછી આ તેમની ભારતની પ્રથમ મુલાકાત હશે.
ભારત 12-13 સપ્ટેમ્બરના રોજ BRICS સંમેલનની યજમાની કરશે. રોયટર્સ અનુસાર, જિનપિંગ સાથે લગભગ 400 અધિકારીઓનું મોટું પ્રતિનિધિમંડળ આવી શકે છે.
જિનપિંગ છેલ્લે 2019માં ભારત આવ્યા હતા. ત્યારે તેમની સાથે 200થી ઓછા અધિકારીઓ હતા.
જિનપિંગે છેલ્લે ઓક્ટોબર 2019માં ભારતની મુલાકાત લીધી હતી. આ દરમિયાન તેમણે તમિલનાડુના મહાબલીપુરમમાં મુલાકાત કરી હતી.
જિનપિંગ સાથેની વાતચીતમાં સીમા વિવાદ સૌથી મહત્વનો મુદ્દો
જિનપિંગના ભારત પ્રવાસની તૈયારીઓમાં LAC પર શાંતિ અને સીમા વિવાદ સૌથી મહત્વપૂર્ણ મુદ્દાઓમાંથી એક છે. બંને દેશો સરહદ પર એવી વ્યવસ્થા બનાવવા પર વાત કરી રહ્યા છે, જેથી કોઈ સૈન્ય ઘટના કે તણાવની અસર દ્વિપક્ષીય સંબંધો પર ન પડે.
વેપાર અને જરૂરી સામાનનો પુરવઠો પણ એજન્ડામાં
ભારત અને ચીન વચ્ચે માત્ર સીમા વિવાદ જ નહીં, પરંતુ વેપાર અને આર્થિક સંબંધો પણ વાતચીતનો એક ભાગ છે. ભારત ચીન સાથેની પોતાની મોટી વેપાર ખાધ ઘટાડવા માગે છે. આ ઉપરાંત, રેર અર્થ મેગ્નેટ અને ઇલેક્ટ્રોનિક કમ્પોનન્ટ જેવા જરૂરી સામાનના પુરવઠાને લઈને પણ ભારત પોતાની નિર્ભરતા ઓછી કરવાનો પ્રયાસ કરી રહ્યું છે.
ભારત BRICS સમિટની અધ્યક્ષતા કરી રહ્યું છે
આ વર્ષે BRICS ની કમાન ભારત પાસે છે. BRICS વિશ્વની મોટી ઉભરતી અર્થવ્યવસ્થાઓનું જૂથ છે. તેમાં ભારત, રશિયા, ચીન, બ્રાઝિલ અને દક્ષિણ આફ્રિકાની સાથે ઇજિપ્ત, ઇરાન, ઇથોપિયા, UAE અને ઇન્ડોનેશિયા પણ સામેલ છે.
ભારતની અધ્યક્ષતામાં આખા વર્ષ દરમિયાન અલગ-અલગ શહેરોમાં બેઠકો, મંત્રીસ્તરીય સંમેલનો અને અનેક સ્તરની ચર્ચાઓ થઈ રહી છે.
ભારતનું ધ્યાન ગ્લોબલ સાઉથનો અવાજ મજબૂત કરવા, આર્થિક સહયોગ, ઊર્જા સુરક્ષા, ડિજિટલ ટેકનોલોજી, આતંકવાદનો સામનો કરવા અને સપ્લાય ચેઇનને મજબૂત કરવા પર છે. એટલે કે BRICS ને માત્ર રાજકીય મંચ નહીં, પરંતુ વેપાર, રોકાણ અને વિકાસના મોટા મંચ તરીકે આગળ વધારવાનો પ્રયાસ છે.
latest video
news via inbox
Subscribe for the latest updates, promotions, and ads.
