ટાટા સન્સના ચેરમેન એન. ચંદ્રશેખરનનો કાર્યકાળ 5 વર્ષ લંબાવવાને ટાટા ટ્રસ્ટે રવિવારે ગેરકાયદેસર ગણાવ્યું છે. ટાટા ટ્રસ્ટનું કહેવું છે કે માત્ર બોર્ડમાં બહુમતી મત મળવાથી ચંદ્રશેખનની ફરીથી નિમણૂક થઈ શકે નહીં. કંપનીના નિયમો અનુસાર ટ્રસ્ટ દ્વારા નિયુક્ત ડિરેક્ટર્સની સંમતિ જરૂરી છે. ટ્રસ્ટે કહ્યું કે તેમના નોમિની ડિરેક્ટર નોએલ ટાટાના વિરોધ છતાં આ પ્રસ્તાવ પસાર થવો ગેરકાયદેસર છે. જણાવી દઈએ કે ટાટા ટ્રસ્ટ પાસે ટાટા સન્સમાં 66% હિસ્સો છે, તેથી ટ્રસ્ટના વાંધાની કંપનીના નિયંત્રણ અને નેતૃત્વ પર અસર પડી શકે છે. ટાટા સન્સના ચેરમેન એન. ચંદ્રશેખનનો કાર્યકાળ 17 સપ્ટેમ્બરે 5 વર્ષ લંબાવીને 2032 સુધી કરવામાં આવ્યો હતો. તેઓ ફેબ્રુઆરી 2027માં નિવૃત્ત થવાના હતા. ચંદ્રશેખને ગયા મહિને 12 ઓગસ્ટ 2026ના રોજ રાજીનામું આપી દીધું હતું. તે સમયે નોએલ ટાટા સાથેના મતભેદો અને ટ્રસ્ટમાં ચાલી રહેલી ખેંચતાણ તેનું કારણ બની હતી. એન. ચંદ્રશેખનનો કાર્યકાળ લંબાવવાના નિર્ણયને હજુ વાર્ષિક સામાન્ય સભામાં મંજૂરી મળવાની બાકી છે. 2 નોમિની ડિરેક્ટર્સમાં બહુમતી માટે 2 મતોની જરૂર, 1ની નહીં ટાટા સન્સના આર્ટિકલ્સ ઓફ એસોસિએશન એટલે કે કંપનીના કાયદા મુજબ, કોઈપણ મોટા નિર્ણય અથવા પ્રસ્તાવને મંજૂરી આપવા માટે ટાટા ટ્રસ્ટ તરફથી નામાંકિત ડિરેક્ટર્સના બહુમતી સમર્થન અનિવાર્ય છે. 17 સપ્ટેમ્બરની બેઠકમાં ટાટા ટ્રસ્ટના ચેરમેન નોએલ ટાટાએ ચંદ્રશેખરનના ફરીથી નિમણૂકના વિરોધમાં મત આપ્યો હતો, જ્યારે ટ્રસ્ટના બીજા નોમિની ડિરેક્ટર વેણુ શ્રીનિવાસને તેનું સમર્થન કર્યું હતું. સમગ્ર બોર્ડમાં પ્રસ્તાવના સમર્થનમાં 4 અને વિરોધમાં 1 મત પડ્યો હતો. જોકે, ટ્રસ્ટનું કહેવું છે કે જ્યારે બોર્ડમાં તેમના 2 પ્રતિનિધિઓ છે, ત્યારે બહુમતીનો અર્થ બે મત થાય છે, એક નહીં. આવી સ્થિતિમાં આ શરત પૂર્ણ થઈ નથી અને પ્રસ્તાવને નામંજૂર માનવામાં આવશે. ટાટા ટ્રસ્ટે કહ્યું- સ્પેશિયલ વોટથી પ્રસ્તાવ પાસ કરી શકાય નહીં ટાટા ટ્રસ્ટે સ્પષ્ટ કર્યું કે જ્યારે કોઈ પ્રસ્તાવ નિયમો હેઠળ પહેલેથી જ નામંજૂર થઈ ચૂક્યો હોય, ત્યારે ચેરમેન પોતાના સ્પેશિયલ વોટનો ઉપયોગ કરીને તેને ફરીથી મંજૂર કરાવી શકતા નથી. ટ્રસ્ટનું કહેવું છે કે બંને પ્રતિનિધિઓએ અલગ-અલગ મત આપવાથી કોઈ મૂંઝવણ કે અડચણ ઊભી થઈ નહોતી. નિયમ (AoA) મુજબ, જવાબ પહેલેથી જ ‘ના’ હતો. ચેરમેનનો સ્પેશિયલ વોટ ત્યારે જ કામ આવે છે, જ્યારે પક્ષ અને વિપક્ષમાં સરખા મત પડ્યા હોય, નામંજૂર થઈ ચૂકેલા નિર્ણયને બદલવા માટે નહીં. સાયરસ મિસ્ત્રી કેસનો ઉલ્લેખ કરીને કહ્યું- સુપ્રીમ કોર્ટમાં કહેલી વાતથી પાછળ હટી શકતા નથી ટાટા ટ્રસ્ટે યાદ અપાવ્યું કે સાયરસ મિસ્ત્રીને હટાવવાના સમયે ટાટા સન્સે પોતે જ અદાલતમાં ટ્રસ્ટના વિશેષ મતદાન અધિકારોનું સમર્થન કર્યું હતું. ટ્રસ્ટનું કહેવું છે કે તે સમયે ટાટા સન્સે સુપ્રીમ કોર્ટમાં સ્વીકાર્યું હતું કે આ નિયમો મોટા શેરહોલ્ડર્સ એટલે કે ટ્રસ્ટના હકોની સુરક્ષા માટે જરૂરી છે. હવે ટાટા સન્સ પોતાના જ તે જૂના વલણથી પાછળ હટી શકે નહીં, જેના બચાવ માટે તે દેશની સર્વોચ્ચ અદાલત સુધી ગઈ હતી. 12 ઓગસ્ટે કહ્યું—આગામી કાર્યકાળ નહીં લે, 17 સપ્ટેમ્બરે ટાટા સન્સે વધાર્યો ચંદ્રશેખરનનો વર્તમાન કાર્યકાળ 20 ફેબ્રુઆરી 2027 સુધી છે. તેમણે 12 ઓગસ્ટે કહ્યું હતું કે તેઓ આગામી કાર્યકાળ નહીં લે. ત્યારબાદ નોમિનેશન કમિટીએ 3 સપ્ટેમ્બરે તેમને પોતાના નિર્ણય પર ફરી વિચાર કરવા વિનંતી કરી। 17 સપ્ટેમ્બરે ચંદ્રશેખરન તૈયાર થઈ ગયા. ગ્રુપમાં પ્રથમ વખત નિવૃત્તિની ઉંમર પછી પણ કાર્યકાળ વધારાયો ટાટા ગ્રુપમાં પહેલીવાર કોઈ ગ્રુપ એક્ઝિક્યુટિવને 65 વર્ષની નિર્ધારિત નિવૃત્તિ વય બાદ પણ પદ પર જાળવી રાખવા માટે સહમતી બની છે. ટાટા ગ્રુપની નીતિ મુજબ એક્ઝિક્યુટિવ સામાન્ય રીતે 65 વર્ષની ઉંમરે નિવૃત્ત થાય છે. જોકે, નોન-એક્ઝિક્યુટિવ પદ પર તેઓ 70 વર્ષ સુધી રહી શકે છે. ચંદ્રશેખરન હાલમાં 63 વર્ષના છે. જો તેઓ ચેરમેન તરીકે યથાવત્ રહેશે, તો તેમનો નવો કાર્યકાળ 2032માં સમાપ્ત થશે, ત્યારે તેઓ 70 વર્ષના હશે. ચંદ્રશેખરન ઓક્ટોબર 2016માં પહેલીવાર ટાટા સન્સના બોર્ડમાં સામેલ થયા હતા. ટાટામાં ચંદ્રશેખરન શા માટે મહત્વપૂર્ણ છે? ટાટા ગ્રુપ, ટાટા સન્સ અને ટાટા ટ્રસ્ટ વચ્ચેનો તફાવત જાણો