આજના સમયમાં લગભગ દરેક વ્યક્તિ પાસે બેંક ખાતું અને ડેબિટ કાર્ડ (ATM Card) હોય છે. આપણે સામાન્ય રીતે તેનો ઉપયોગ માત્ર એટીએમમાંથી પૈસા ઉપાડવા કે દુકાનો પર સ્વાઇપ કરવા માટે કરીએ છીએ. પરંતુ શું તમે જાણો છો કે તમારા ખિસ્સામાં રહેલું આ નાનકડું પ્લાસ્ટિક કાર્ડ તમને અને તમારા પરિવારને ₹10 લાખ સુધીની આર્થિક સુરક્ષા આપી શકે છે? હા, મોટાભાગની ભારતીય બેંકો તેમના કાર્ડધારકોને મફત વીમા કવરેજ પ્રદાન કરે છે, જેની જાણકારી હોવી ખૂબ જ જરૂરી છે.

કઈ બેંકો અને કયા પ્રકારનો વીમો મળે છે?

ભારતની અગ્રણી બેંકો જેવી કે SBI, HDFC, ICICI અને કોટક મહિન્દ્રા તેમના ડેબિટ કાર્ડ પર ‘ગ્રુપ ઇન્સ્યોરન્સ’ ની સુવિધા આપે છે. આ માટે તમારે કોઈ અલગ પોલિસી લેવાની કે પ્રીમિયમ ભરવાની જરૂર પડતી નથી.

આમાં મુખ્યત્વે ત્રણ પ્રકારના કવર મળે છે:J

વ્યક્તિગત અકસ્માત વીમો: અકસ્માતમાં મૃત્યુ કે કાયમી વિકલાંગતાના કિસ્સામાં.

હવાઈ અકસ્માત વીમો: ફ્લાઈટ દરમિયાન થતા અકસ્માતો માટે (આમાં ટિકિટ તે જ કાર્ડથી બુક કરાવી હોય તે જરૂરી છે).

ખરીદી સુરક્ષા અને છેતરપિંડી: કાર્ડ ખોવાઈ જાય અથવા ઓનલાઈન ફ્રોડ થાય તેનાથી રક્ષણ.

સૌથી મહત્વની શરત: કાર્ડનું ‘સક્રિય’ હોવું

આ વીમાનો લાભ ત્યારે જ મળે છે જ્યારે તમારું ડેબિટ કાર્ડ એક્ટિવ હોય. બેંકોની શરત હોય છે કે અકસ્માતની તારીખથી પાછલા 60 થી 90 દિવસ દરમિયાન કાર્ડ દ્વારા ઓછામાં ઓછો એક વ્યવહાર (Transaction) થયેલો હોવો જોઈએ. તે વ્યવહાર એટીએમમાંથી પૈસા ઉપાડવાનો, ઓનલાઈન શોપિંગનો કે પેટ્રોલ પંપ પર પેમેન્ટનો હોઈ શકે છે. જો કાર્ડ લાંબા સમયથી વપરાયું ન હોય, તો વીમા કંપની દાવો નકારી શકે છે.

વીમાની રકમ કેટલી મળે?

વીમાની રકમ તમારા ડેબિટ કાર્ડના પ્રકાર (Category) પર આધાર રાખે છે:

ક્લાસિક કે રેગ્યુલર કાર્ડ: ₹1 લાખ સુધી.

પ્લેટિનમ કાર્ડ: ₹2 લાખથી ₹5 લાખ સુધી.

પ્રીમિયમ કે સિગ્નેચર કાર્ડ: ₹10 લાખ કે તેથી વધુ.

ક્લેમ કરવાની સાચી રીત

દુર્ઘટનાના કિસ્સામાં, નોમિનીએ (વારસદારે) 30 થી 60 દિવસની અંદર બેંકનો સંપર્ક કરવો જોઈએ. દાવો કરવા માટે નીચેના દસ્તાવેજોની જરૂર પડે છે:

1. બેંક દ્વારા આપવામાં આવેલું ક્લેમ ફોર્મ.

2. મૃત્યુ પ્રમાણપત્ર અને પોસ્ટમોર્ટમ રિપોર્ટ.

3. પોલીસ એફઆઈઆર (FIR) ની નકલ.

4. કાર્ડ સક્રિય હતું તે સાબિત કરતું બેંક સ્ટેટમેન્ટ.

5. નોમિનીના કેવાયસી (આધાર, પાન કાર્ડ વગેરે).

આ પણ વાંચોઃ Mexico: કેટલો અમીર હતો ડ્રગ માફિયા એલ મેન્ચો? જાણો સુંદર પત્ની અને જેલમાં રહેલા સંતાનોની કહાની