અદાણી ગ્રુપની કંપની અદાણી પાવર લિમિટેડને નાણાકીય વર્ષ 2025-26ના ત્રીજા ક્વાર્ટરમાં ₹2,479 કરોડનો નફો (કોન્સોલિડેટેડ નેટ પ્રોફિટ) થયો છે. વાર્ષિક ધોરણે આ 19% ઓછો થયો છે. ગયા વર્ષના સમાન ક્વાર્ટરમાં કંપનીને ₹3,057 કરોડનો નફો થયો હતો.

ઓક્ટોબર-ડિસેમ્બર ક્વાર્ટર (Q2FY26) દરમિયાન અદાણી પાવરે સંચાલનમાંથી ₹12,451 કરોડની આવક (રેવન્યુ) મેળવી. ગયા વર્ષે આ ₹13,671 કરોડ રહી હતી. વાર્ષિક ધોરણે તેમાં 9%નો ઘટાડો થયો છે. કંપનીએ આજે એટલે કે ગુરુવારે (29 જાન્યુઆરી) Q3ના પરિણામો જાહેર કર્યા છે.

અદાણી પાવરના પરિણામોની 3 મોટી વાતો

કોન્સોલિડેટેડ નફો એટલે સમગ્ર ગ્રૂપનું પ્રદર્શન

સ્ટેન્ડઅલોન: આ ફક્ત એક કંપની અથવા યુનિટના નાણાકીય પ્રદર્શનને દર્શાવે છે. તેમાં તેની આવક, ખર્ચ અને નફો સામેલ હોય છે.

કોન્સોલિડેટેડ: આ સમગ્ર ગ્રૂપ અથવા કંપનીની કુલ નાણાકીય સ્થિતિ દર્શાવે છે, જેમાં તમામ સહાયક કંપનીઓ અને યુનિટ્સનું નાણાકીય પ્રદર્શન એકસાથે દર્શાવવામાં આવે છે.

1996માં થઈ હતી અદાણી પાવરની શરૂઆત

અદાણી પાવર લિમિટેડ (APL)ની શરૂઆત 22 ઑગસ્ટ 1996ના રોજ થઈ હતી. તે દેશની સૌથી મોટી પ્રાઇવેટ સેક્ટર થર્મલ પાવર પ્રોડ્યુસર છે. કંપની પાસે 15,250 મેગાવોટ પાવર જનરેશનની ક્ષમતા છે. તેના થર્મલ પ્લાન્ટ્સ ગુજરાત, મહારાષ્ટ્ર, કર્ણાટક, રાજસ્થાન, છત્તીસગઢ, મધ્ય પ્રદેશ અને ઝારખંડમાં આવેલા છે.

વળી, ગુજરાતમાં 40 મેગાવોટ ક્ષમતાનો સોલર પ્લાન્ટ છે. ક્યોટો પ્રોટોકોલના ક્લીન ડેવલપમેન્ટ મિશન (CDM) હેઠળ રજિસ્ટર્ડ કોલસા આધારિત સુપરક્રિટિકલ થર્મલ પાવર પ્રોજેક્ટ્સ બનાવતી કંપની છે.