‘વેલકમ ટુ ધ જંગલ’ માં મોટી સ્ટારકાસ્ટ વચ્ચે કામ કરવાનો અનુભવ કલાકારો માટે માત્ર શૂટિંગ પૂરતો સીમિત ન રહ્યો. દિશા પટણીએ તેને શીખવા અને સમજવાની તક ગણાવી, જ્યારે અરશદ વારસીના મતે સેટનું વાતાવરણ એટલું સહજ હતું કે કામનું દબાણ અનુભવાયું જ નહીં. દિવ્ય ભાસ્કર સાથેની વાતચીતમાં બંને કલાકારોએ જણાવ્યું કે આ ફિલ્મની સૌથી મોટી તાકાત કલાકારો વચ્ચે બનેલો તાલમેલ અને સાથે વિતાવેલો સમય રહ્યો.

દિશા પટણીએ શૂટિંગનો અનુભવ શેર કરતા કહ્યું કે આટલા મોટા કલાકારો સાથે કામ કર્યું, પરંતુ સેટ પર ક્યારેય અંતર અનુભવાયું નહીં.

પ્રશ્ન: દિશા, આટલા અનુભવી કલાકારો સાથે કામ કરવું તમારા માટે કેટલો અલગ અનુભવ હતો?

જવાબ/દિશા પટણી: શરૂઆતમાં જવાબદારી ચોક્કસ અનુભવાય છે કારણ કે આટલા અનુભવી લોકો સાથે કામ કરી રહ્યા હોઈએ છીએ, પરંતુ અહીંનું વાતાવરણ એવું હતું કે કોઈએ દબાણ અનુભવવા દીધું નહીં. ખુશી એટલા માટે હતી કારણ કે દરરોજ કંઈક નવું શીખવા મળી રહ્યું હતું.

પ્રશ્ન: સૌથી મોટી શીખ શું રહી?

જવાબ/દિશા પટણી: સૌથી મોટી વસ્તુ જે મેં શીખી તે એ હતી કે અનુભવ આવ્યા પછી પણ લોકો કામને હળવાશથી લેતા નથી. આટલા વર્ષો કામ કર્યા પછી પણ લોકો તૈયારી અને મહેનત સાથે આવે છે, પરંતુ વાતાવરણ હળવું રાખે છે. આ જ સંતુલન સૌથી જરૂરી લાગ્યું.

પ્રશ્ન: સેટ પર કઈ વસ્તુએ સૌથી વધુ પ્રભાવિત કર્યા?

જવાબ/દિશા પટણી: દરેકનો એકબીજા સાથેનો વ્યવહાર. આટલા મોટા કલાકારો હતા પણ કોઈ અંતર અનુભવાયું નહીં. બધા સાથે બેસતા હતા, જમતા હતા અને વાતચીત કરતા હતા. મને લાગે છે કે આ જ બોન્ડિંગ ફિલ્મમાં પણ જોવા મળશે.

પ્રશ્ન: આટલા કલાકારો વચ્ચે શું ક્યારેય પોતાને સાબિત કરવાનું દબાણ અનુભવાયું?

જવાબ/દિશા પટણી: મને એવું ન લાગ્યું. અહીંનું વાતાવરણ ખૂબ જ સહજ હતું. દરેક જણ એકબીજાને વધુ સારું કરવામાં મદદ કરી રહ્યા હતા, એટલે કોઈ પણ પ્રકારની સ્પર્ધા અનુભવાઈ નહીં.

જવાબ/અરશદ વારસી: અહીં કોઈ કોઈને પાછળ છોડવા આવ્યું ન હતું. બધાનું ધ્યાન ફક્ત એ વાત પર હતું કે ફિલ્મ સારી બને અને લોકોનું મનોરંજન થાય.

પ્રશ્ન: અરશદ, આટલા કોમેડી કલાકારો વચ્ચે કામ કરવાનો અનુભવ કેવો રહ્યો?

જવાબ/અરશદ વારસી: જો તમે આખી ટીમને જુઓ તો દરેકનો સેન્સ ઓફ હ્યુમર અદ્ભુત છે. કોઈ એક વ્યક્તિ માહોલ નહોતો બનાવતો, દરેક જણ કંઈક ને કંઈક ઉમેરી રહ્યો હતો. મારા માટે તો આ કામ જેવું લાગ્યું જ નહીં.

અરશદ વારસીએ કહ્યું કે ઓફ કેમેરા બોન્ડિંગ જ ફિલ્મની અસલી તાકાત હતી.

પ્રશ્ન: તમે કહ્યું હતું કે શૂટિંગ કામ જેવું નહોતું લાગતું, એવું કેમ?

જવાબ/અરશદ વારસી: હું મજાકમાં કહેતો હતો કે હું રજા પર આવ્યો છું. મને શૂટિંગની રાહ નહોતી રહેતી, મને સેટ પર જઈને લોકોને મળવાની રાહ રહેતી હતી. ઓફ કેમેરા પણ એટલી જ મજા ચાલતી હતી.

પ્રશ્ન: શું ક્યારેય લાગ્યું કે શૂટિંગ કરતાં આ સાથે સમય વિતાવવા જેવું થઈ ગયું છે?

જવાબ/અરશદ વારસી: હા, કારણ કે અહીં માત્ર કેમેરા ચાલુ થવા પર લોકો એક્ટ નહોતા કરી રહ્યા. અમે બેસીને વાતો કરતા હતા, હસતા હતા અને પછી અચાનક કોઈ કહી દેતું કે શૉટ તૈયાર છે. આટલા લોકો સાથે કામ કરવાનો મોકો રોજ નથી મળતો.

પ્રશ્ન: ફિલ્મ સાથે જોડાયેલી સૌથી ખાસ યાદ શું રહેશે?

જવાબ/દિશા પાટની: મારા માટે સૌથી સારી યાદ એ જ રહેશે કે આટલા લાંબા સમય સુધી બધા સાથે સમય વિતાવવાનો મોકો મળ્યો. શૂટ પૂરું થયા પછી એ જ વસ્તુ સૌથી વધુ યાદ આવે છે.

જવાબ/અરશદ વારસી: મને લાગે છે કે સૌથી વધુ અમે લોકો એકબીજાને મિસ કરીશું. આટલી મોટી ટીમ સાથે આટલો સમય વિતાવવો બહુ ઓછો થાય છે અને આ જ આ ફિલ્મની સૌથી મોટી યાદ રહેશે.

_______________________

આ ઇન્ટરવ્યુ પણ વાંચો..

‘સુનીલ ભલે શાંત લાગે પણ ખૂબ મસ્તીખોર છે’:અક્ષય-સુનીલે શૂટિંગની ધમાચકડી શેર કરી

ફિલ્મ ‘વેલકમ ટુ ધ જંગલ’ માત્ર મલ્ટિસ્ટારર ફિલ્મ નથી, પરંતુ કલાકારો માટે યાદો અને સંબંધોની સફર પણ રહી. દિવ્ય ભાસ્કર સાથેની વાતચીતમાં અક્ષય કુમાર અને સુનીલ શેટ્ટીએ ફિલ્મ સાથે જોડાયેલા કિસ્સાઓ શેર કર્યા. અક્ષયે જણાવ્યું કે મોટા સ્ટારકાસ્ટ સાથે કામ કરવું પિકનિક જેવો અનુભવ હતો, જ્યાં શૂટિંગની સાથે મસ્તી પણ થઈ..આખો ઇન્ટરવ્યુ વાંચો..

દિવ્ય ભાસ્કરને Google પર મનપસંદ સોર્સ બનાવો