સની દેઓલ અભિનીત ફિલ્મ ‘બંટવારા 1947’ને બોક્સ ઓફિસ પર 14 ઓગસ્ટે રિલીઝ થયેલી ‘આવારાપન 2’ તરફથી સખત સ્પર્ધા મળી રહી છે. સેકનિલ્ક અનુસાર, ‘આવારાપન 2’એ રિલીઝના બીજા દિવસે ₹33.75 કરોડ નેટનું કલેક્શન કર્યું. આ સાથે ભારતમાં ફિલ્મની કુલ નેટ કમાણી ₹55.75 કરોડ અને વર્લ્ડવાઇડ ગ્રોસ કલેક્શન ₹72.90 કરોડ પર પહોંચી ગયું છે.

જ્યારે, ‘બંટવારા 1947’એ બીજા દિવસે ₹13.50 કરોડ નેટ કમાયા. ફિલ્મનું ભારતમાં કુલ નેટ કલેક્શન ₹19.25 કરોડ અને વર્લ્ડવાઇડ ગ્રોસ કલેક્શન ₹26.41 કરોડ થઈ ગયું છે.

રાજકુમાર સંતોષીના નિર્દેશનમાં બનેલી ‘બંટવારા 1947’માં સની દેઓલ સાથે પ્રીતિ ઝિન્ટા, શબાના આઝમી, અલી ફઝલ, કરણ દેઓલ અને અભિમન્યુ સિંહ મહત્વપૂર્ણ ભૂમિકાઓમાં છે. ફિલ્મ ભારતના વિભાજનની બેકગ્રાઉન્ડ પર આધારિત છે અને તેને આમિર ખાને પ્રોડ્યુસ કરી છે.

‘બંટવારા 1947’ ફિલ્મમાં સની દેઓલે સિકંદર મિર્ઝાનું પાત્ર ભજવ્યું છે.

સ્વતંત્રતા દિવસના અવસરે ફિલ્મના કલેક્શનમાં બીજા દિવસે ઉછાળો જોવા મળ્યો. સૈકનિલ્ક અનુસાર, ફિલ્મે બીજા દિવસે 8,071 શો દરમિયાન ₹13.50 કરોડ નેટ કમાણી કરી. ભારતમાં ફિલ્મનું ગ્રોસ કલેક્શન ₹22.91 કરોડ અને ઓવરસીઝ ગ્રોસ ₹3.50 કરોડ છે.

મુંબઈમાં થઈ સ્પેશિયલ સ્ક્રીનિંગ

આ દરમિયાન શનિવાર, 15 ઓગસ્ટના રોજ મુંબઈમાં ‘બંટવારા 1947’ની સ્પેશિયલ સ્ક્રીનિંગ રાખવામાં આવી. ફિલ્મની સ્ક્રીનિંગમાં શરદ શુક્લા, અભિમન્યુ સિંહ, મકરંદ દેશપાંડે અને પરિતોષ ત્રિપાઠી સહિત ઘણા બોલિવૂડ સેલેબ્સ જોવા મળ્યા.

‘આવારાપન 2’માં ઇમરાનનું જૂનું પાત્ર

નિતિન કક્કડના નિર્દેશન અને વિશેષ ભટ્ટના પ્રોડક્શનમાં બનેલી ‘આવારાપન 2’માં ઇમરાન હાશ્મી ‘શિવમ પંડિત’ના પોતાના જાણીતા પાત્રમાં પાછા ફર્યા છે. ફિલ્મમાં શબાના આઝમી, દિશા પાટની અને સુવિંદર વિકી પણ મહત્વની ભૂમિકાઓમાં છે.

‘આવારાપન 2’ ઇમરાન હાશ્મીની વર્ષ 2007ની ફ્લોપ પરંતુ કલ્ટ ક્લાસિક ફિલ્મ ‘આવારાપન’ની સત્તાવાર સિક્વલ છે.

‘આવારાપન 3’ને લઈને ઇમરાન હાશ્મીએ સંકેત આપ્યો

ત્યાં જ, ફિલ્મના શાનદાર પ્રદર્શન વચ્ચે ઇમરાન હાશ્મીએ ‘આવારાપન 3’ના ત્રીજા ભાગને લઈને સંકેત આપ્યો. શુક્રવારે ઇમરાન એક થિયેટરમાં પહોંચ્યા અને તેમણે લોકોને કહ્યું કે આ ફિલ્મ તમારા લોકોના કારણે શક્ય બની છે. 19 વર્ષમાં શિવમ અને ‘આવારાપન’ને જે પ્રેમ મળ્યો છે, આ ફિલ્મ મેકર્સ કરતાં વધુ ચાહકોની છે.

તેમણે આગળ કહ્યું કે એટલે અમે પાછા પણ આવ્યા અને આ જર્નીને અમે વધુ રોમાંચક બનાવી છે. એમાં વધુ એક્શન અને ઇમોશન્સ ઉમેર્યા છે. આશા છે કે તમને આખી ફિલ્મ ગમશે અને હા, આશા છે કે ‘આવારાપન 3’ પણ ખૂબ જ જલ્દી આવશે. આભાર.

દિવ્ય ભાસ્કરને Google પર મનપસંદ સોર્સ બનાવો