મૃતદેહોની ઓળખ માટે ફિંગરપ્રિન્ટ-ટેટૂનો રેકોર્ડ

કાટમાળમાંથી મળેલા મૃતદેહોની ઓળખ માટે બચાવ દળ ફિંગરપ્રિન્ટ અને ટેટૂ જેવા ઓળખના નિશાનોનો રેકોર્ડ તૈયાર કરી રહ્યું છે. ઘટનાસ્થળેથી અત્યાર સુધીમાં 993 અંગત સામાન પણ મળ્યા છે, જેનાથી ગુમ થયેલા લોકોની ઓળખ કરવામાં મદદ મળી શકે છે.

જોકે, ગુમ થયેલા વિદેશી નાગરિકોના પરિવારો અને તેમના દેશોના રાજદ્વારીઓ ચીન પાસેથી વધુ માહિતી શેર કરવાની માગ કરી રહ્યા છે. તેમનું કહેવું છે કે તેમને તેમના નાગરિકો વિશે પૂરતી માહિતી મળી રહી નથી.

રોઇટર્સ સાથેની વાતચીતમાં ચાર દેશોના પ્રતિનિધિઓએ જણાવ્યું કે ચીને હજુ સુધી સ્પષ્ટ કર્યું નથી કે મળેલા મૃતદેહોની DNA તપાસ કેવી રીતે થશે. તેમણે એ પણ પૂછ્યું કે બોર્ડરના CCTV અને ચહેરા ઓળખતી ફૂટેજથી મૃતદેહોની ઓળખ કરવામાં આવશે કે નહીં અને શું આ માહિતી પરિવારોને આપવામાં આવશે.

ચીનના વિદેશ મંત્રાલયે જણાવ્યું કે પૂર અંગે આપવામાં આવેલી માહિતી પારદર્શક અને સમયસર છે. મંત્રાલયે અન્ય દેશો અને એજન્સીઓ સાથે કામ કરવાની તૈયારી પણ દર્શાવી છે.