બોલિવૂડ સ્ટાર દીપિકા પાદુકોણની એક નવી જાહેરાત સોશિયલ મીડિયા પર ચર્ચામાં છે. દીપિકાએ એક હોટેલ ચેઇન માટે આ એડ શૂટ કરી છે, જેમાં તેનો બેબી બમ્પ સ્પષ્ટ દેખાઈ રહ્યો છે.

‘હિન્દુસ્તાન ટાઇમ્સ’ અનુસાર, દીપિકાએ આ જાહેરાત ત્યારે શૂટ કરી હતી, જ્યારે તે 4 મહિના પ્રેગ્નેન્ટ હતી. દીપિકા અને તેનો પતિ રણવીર સિંહ ટૂંક સમયમાં તેમના બીજા બાળકનું સ્વાગત કરવાના છે.

એડમાં દીપિકા ખૂલીને ડાન્સ કરતી જોવા મળી.

4 મહિનાની પ્રેગ્નેન્સી દરમિયાન દીપિકાએ આ એડ શૂટ કરી હતી.

એડમાં જોવા મળ્યો દીપિકાનો સ્ટાઇલિશ લુક આ નવી જાહેરાતમાં દીપિકા પાદુકોણ ખૂબ જ સ્ટાઇલિશ અને અલગ લુકમાં જોવા મળી રહી છે. તેણે એક લક્ઝરી પ્રોપર્ટીની અંદર બ્લુ કલરનો પેન્ટસૂટ પહેરીને શૂટિંગ કર્યું છે. વીડિયોમાં તે હોટલના અલગ-અલગ ભાગોમાં વોક કરતી અને ડાન્સ કરતી જોવા મળી રહી છે. આ આખી જાહેરાતમાં તેનો પ્રેગ્નન્સી ગ્લો સ્પષ્ટ દેખાઈ રહ્યો છે.

દીપિકાના ચહેરા પર પ્રેગ્નેન્સીનો ગ્લો દેખાઈ રહ્યો છે.

ઇન્સ્ટાગ્રામ પર બીજી પ્રેગ્નન્સીની જાહેરાત કરી હતી રણવીર સિંહ અને દીપિકા પાદુકોણે થોડા સમય પહેલા જ ઇન્સ્ટાગ્રામ પર એક જોઈન્ટ પોસ્ટ શેર કરીને બીજી વખત માતા-પિતા બનવાની જાણકારી આપી હતી. આ પોસ્ટમાં તેમની દીકરી દુઆ પાદુકોણ સિંહ એક પ્રેગ્નન્સી ટેસ્ટ કીટ પકડેલી જોવા મળી રહી હતી, જેના પર બે પિંક લાઈનો બનેલી હતી. દીપિકા અને રણવીરે 2018માં ઇટાલીમાં લગ્ન કર્યા હતા. ત્યારબાદ સપ્ટેમ્બર 2024માં દીકરી દુઆનો જન્મ થયો હતો.

દીપિકા અને રણવીરે દુઆનો આ ફોટો શેર કરીને ચાહકોને સારા સમાચાર આપ્યા હતા.

‘સ્પિરિટ’ અને ‘કલ્કિ 2’ માંથી બહાર થઈ દીપિકા તાજેતરમાં તેની કેટલીક ફિલ્મો છોડવાને કારણે પણ ચર્ચામાં રહી છે. રિપોર્ટ્સ અનુસાર, તેણે સંદીપ રેડ્ડી વાંગાની ફિલ્મ ‘સ્પિરિટ’ છોડી દીધી છે. તે ફિલ્મ માટે દરરોજ 8 કલાક કામ કરવાની ફિક્સ શિફ્ટ અને કેટલીક અન્ય શરતો ઇચ્છતી હતી, જેને ટીમે સ્વીકારી નહીં. આ પછી ડિરેક્ટર નાગ અશ્વિને પણ ‘કલ્કિ 2’ માંથી દીપિકાના બહાર થવાની જાહેરાત કરી. જણાવવામાં આવી રહ્યું છે કે, સમયની અછત અને સિક્વલમાં તેના પાત્રનો રોલ નાનો કરવામાં આવવાને કારણે તેણે આ ફિલ્મ છોડી દીધી.

દીપિકા અને રણવીર તેમની દીકરી દુઆનો ચહેરો દિવાળી 2025ના અવસરે પહેલીવાર દુનિયાને બતાવ્યો હતો.

શાહરૂખ ખાન સાથે ‘કિંગ’માં જોવા મળશે આ બે મોટા પ્રોજેક્ટ્સમાંથી અલગ થયા પછી દીપિકાને શાહરૂખ ખાનની ફિલ્મ ‘કિંગ’ માટે ફાઇનલ કરવામાં આવી છે. આ શાહરૂખ ખાન સાથે તેની છઠ્ઠી ફિલ્મ હશે. તાજેતરમાં આ ફિલ્મના સેટ પરથી કેટલીક તસવીરો પણ લીક થઈ હતી, જેના કારણે લોકોમાં ફિલ્મને લઈને ઉત્સુકતા વધી ગઈ છે.

આ ઉપરાંત દીપિકા આ ​​દિવસોમાં અલ્લુ અર્જુન સાથે તેની આગામી ફિલ્મ ‘રાકા’ની તૈયારીઓમાં પણ વ્યસ્ત છે. સન પિક્ચર્સના બેનર હેઠળ બની રહેલી આ ફિલ્મનું ડિરેક્શન એટલી કરી રહ્યા છે. આ ફિલ્મ વર્ષ 2027માં સિનેમાઘરોમાં રિલીઝ થશે.

,

આ સમાચાર પણ વાંચો

₹119 કરોડના નવા ઘરમાં દેખાયા દીપિકા-રણવીર!:બોલિવૂડની ‘મસ્તાની’એ બેબી બમ્પ ફ્લોન્ટ કર્યું; બીજા બાળકના જન્મ બાદ શિફ્ટ થવાનું પ્લાનિંગ

દીપિકા પાદુકોણ અને રણવીર સિંહ મુંબઈના બાંદ્રા વેસ્ટ સ્થિત તેના દરિયા કિનારે બનેલા નવા ક્વાડ્રુપ્લેક્સ ઘરની બાલ્કનીમાં જોવા મળ્યા હતા. બંને ઘરના ઇન્ટિરિયરનું કામ જોવા માટે પહોંચ્યા હતા. જે તસવીરો અને વીડિયો સામે આવ્યા, તેમાં દીપિકા સફેદ કો-ઓર્ડ આઉટફિટમાં દેખાઈ, જ્યારે રણવીરે લાલ ટી-શર્ટ, કાળી પેન્ટ અને બ્લેક કેપ પહેરી હતી. ત્યાં જ હાલમાં બીજી વાર પ્રેગ્નન્ટ દીપિકા બેબી બમ્પ ફલોન્ટ કરતી પણ જોવા મળી હતી. સંપૂર્ણ સમાચાર વાંચો…

દિવ્ય ભાસ્કરને Google પર મનપસંદ સોર્સ બનાવો