ફરાળી ભોજનમાં શું ખાવું તેને લઈને હંમેશા મૂંઝવણ રહે છે. સામાન્ય રીતે લોકો ફરાળમાં બટાકાનું શાક, રાજગરાના શીરો અને સાબુદાણાની ખીચડી ખાય છે. વારંવાર આ વાનગી ખાઈને કંટાળો આવે છે. બજારની ફરાળી વાનગી શુદ્ધ ના હોવાથી ઘણા લોકો ઉપવાસ કરવાનું જ ટાળે છે. પરંતુ શિવરાત્રિ કે અગિયારસ અથવા કોઇપણ ઉપવાસમાં તમે આ ફરાળની વાનગીનો ટેસ્ટી નાસ્તો બનાવી શકો છો. શક્કરિયા સ્વાસ્થ્ય માટે ફાયદાકારક છે. તમે મસાલા શક્કરિયા ચિપ્સ બનાવી ફરાળી ભોજનનો આનંદ લઈ શકો છો. નોંધી લો ફરાળી મસાલા ચિપ્સ બનાવવાની રેસીપી.

શક્કરિયા ચિપ્સ માટે સામગ્રી

• 2-3 – શક્કરિયા
• 1 ચમચી – લાલ મરચું પાવડર
• અડધી ચમચી – કાળા મરી પાવડર
• 1 ચમચી – પેરી પેરી મસાલા
• મીઠું – સ્વાદ મુજબ
• તેલ – જરૂર મુજબ

મસાલા શક્કરિયા ચિપ્સ બનાવવાની રીત :

મસાલા શક્કરિયા ચિપ્સ બનાવવા માટે  સૌપ્રથમ શક્કરિયાને ધોઈને છોલી લો. પછી તેને પાતળા ટુકડાઓમાં કાપી લો. તેને બે કે ત્રણ વાર સારી રીતે ધોઈ લો. હવે એક કઢાઈમાં તેલ ગરમ કરો અને તેમાં શક્કરિયાના ટુકડા ઉમેરી તેમને એક પછી એક થોડા તળી લો. બધી ટુકડાઓ ક્રિસ્પી અને સોનેરી થાય ત્યાં સુધી તળો. ચિપ્સને એક મોટા બાઉલમાં સ્થાનાંતરિત કરો. હવે, એક બાઉલમાં લાલ મરચું પાવડર, કાળા મરી પાવડર, મીઠું અને પેરી-પેરી સીઝનીંગ ભેગું કરો અને સારી રીતે મિક્સ કરો. આ મસાલાના મિશ્રણને ચિપ્સ પર રેડો અને સારી રીતે મિક્સ કરો. આ ટેસ્ટી નાસ્તો બાળકોને પણ પસંદ આવશે. તેઓ પણ ઉપવાસ કરવાની જીદ કરશે.

આ પણ વાંચો : Health Tips : આયુર્વેદનું ‘અમૃત’ છે હરડે, શરીરના તમામ રોગો માટે રામબાણ ઈલાજ