FIFA World Cup 2026: Hydration Break a Momentum Killer?
વોશિંગ્ટન1 દિવસ પેહલા
- કૉપી લિંક
FIFAએ ટુર્નામેન્ટમાં ‘ફરજિયાત હાઇડ્રેશન બ્રેક’ની શરૂઆત કરી છે.
FIFA વર્લ્ડ કપમાં એક નવો નિયમ ચર્ચા અને વિવાદનું કેન્દ્ર બન્યો છે. ફિફાએ ટુર્નામેન્ટમાં ‘ફરજિયાત હાઇડ્રેશન બ્રેક’ની શરૂઆત કરી છે. નિયમ મુજબ, પ્રથમ હાફની 22મી મિનિટ અને બીજા હાફની 67મી મિનિટની આસપાસ રમતને રોકીને ખેલાડીઓને પાણી પીવા માટે 3 મિનિટનો સમય આપવામાં આવી રહ્યો છે.
ફિફાનું કહેવું છે કે ભીષણ ગરમી અને ભેજથી ખેલાડીઓને બચાવવા માટે આ પગલું ભરવામાં આવ્યું છે. ખેલાડીઓ અને કોચ આ બ્રેક્સને ‘મોમેન્ટમ બ્રેક’ કહી રહ્યા છે. જ્યારે કોઈ ટીમ સતત એટેક કરી રહી હોય અને બીજી ટીમ દબાણમાં હોય, ત્યારે આ 3 મિનિટનો બ્રેક રેસ્ક્યુની જેમ આવે છે.
અમેરિકી મહિલા ટીમની કોચ એમ્મા હેસે કહ્યું કે આ બ્રેક તે ટીમ માટે વરદાન છે, જે પોતાની મોમેન્ટમ ગુમાવી રહી હોય છે.
કેસ સ્ટડી: આ મેચમાં હાઈડ્રેશન બ્રેક પછી પાસું પલટાયું
- ઓસ્ટ્રેલિયા તુર્કી (2-0): ઓસ્ટ્રેલિયાના બંને ગોલ બંને હાફમાં હાઇડ્રેશન બ્રેક પછી તરત જ આવ્યા, ભલે આખી મેચમાં તુર્કીનું વર્ચસ્વ વધુ હતું. બ્રેક પહેલા ઓસ્ટ્રેલિયાએ એક શોટ લીધો હતો, પરંતુ બ્રેક પછી 3 શોટ લીધા અને ગોલ કર્યો.
- બ્રાઝિલ મોરોક્કો (1-1): મોરોક્કો 1-0 થી આગળ હતું. પહેલા હાફના બ્રેક પછી રમતની લય બદલાઈ ગઈ. બ્રાઝિલનો બરાબરીનો ગોલ બ્રેકના 6 મિનિટ પછી આવ્યો. મોરોક્કોએ બ્રેક પહેલા 7 શોટ લીધા હતા, પરંતુ બ્રેક પછી તેઓ માત્ર 5 શોટ જ લઈ શક્યા.
- જાપાન નેધરલેન્ડ્સ (2-2): બીજા હાફના બ્રેક પછી જાપાને બરાબરીનો ગોલ કર્યો. બ્રેક પહેલા તેમની પાસે ફક્ત 2 શોટ હતા, પરંતુ બ્રેક પછી તેમણે 5 શોટ લીધા.
- જર્મની કરાકાઓ (7-1): જર્મની વિરોધી ટીમના અણધાર્યા ‘ડાયમંડ ફોર્મેશન’થી આશ્ચર્યચકિત હતું. જર્મન કોચ જુલિયન નાગેલ્સમેને બ્રેક દરમિયાન બોર્ડ પર રણનીતિ સમજાવી અને મોટી જીત નોંધાવી.
- કેનેડા બોસ્નિયા (1-1): બ્રેક પહેલા બોસ્નિયાના ગોલ પછી કેનેડા દબાણમાં હતું. બ્રેક પછી કેનેડા સંભાળ્યું. વિરોધી બોક્સમાં તેમના ટચ 4 થી વધીને 17 થઈ ગયા અને મેચ ડ્રો કરાવી.
હાઈડ્રેશન બ્રેક કોચને તેમના ખેલાડીઓને એકઠા કરવા અને તેમની રણનીતિમાં ફેરફાર કરવાની તક આપે છે.
બ્રેકથી સુપર બાઉલ જેવી કમાણી, બ્રોડકાસ્ટર્સ ઉઠાવી રહ્યા છે તેનો ફાયદો
યુએસ સ્પોર્ટ્સ ઇન્ડસ્ટ્રીના રિસર્ચ એનાલિસ્ટ માઇકલ જોન્સન અનુસાર, આ 3 મિનિટનો બ્રેક બ્રોડકાસ્ટર્સ માટે ‘અલાદ્દીનનો ચિરાગ’ સાબિત થઈ રહ્યો છે.
વર્લ્ડ કપની 104 મેચ દરમિયાન મળતા આ કોમર્શિયલ બ્રેક અત્યંત મૂલ્યવાન છે. અમેરિકી બજારમાં આ 3 મિનિટના સ્લોટની કિંમત સુપર બાઉલની જાહેરાતો જેટલી એટલે કે લગભગ 65 થી 85 કરોડ રૂપિયા સુધી પહોંચી શકે છે.
ઇંગ્લેન્ડના પૂર્વ દિગ્ગજ ડિફેન્ડર ગેરી નેવિલે પણ તેને ‘ચોરી-છૂપીથી લાવવામાં આવેલો જાહેરાત બ્રેક’ ગણાવ્યો છે, જેનો ફાયદો ફોક્સ જેવા અમેરિકી બ્રોડકાસ્ટર્સ ઉઠાવી રહ્યા છે. જોકે, બ્રિટનના ITV અને ટેલિમોન્ડો આ દરમિયાન જાહેરાતો ન બતાવીને રમતનું વિશ્લેષણ બતાવી રહ્યા છે.
ખેલાડીઓથી લઈને કોચ સુધીએ કરી ટીકા
- મિકેલ મેરિનો, સ્પેનિશ મિડફિલ્ડરકેટલીક મેચમાં તેમની જરૂર પડશે અને કેટલીકમાં બિલકુલ નહીં. જે સ્ટેડિયમમાં છત બંધ છે અને એસી છે, ત્યાં રમત રોકવી અન્યાય છે. આનાથી રમત ધીમી પડી જાય છે અને અનુમાન લગાવવું સરળ બની જાય છે.
- નેસ્ટર લોરેન્ઝો, કોલંબિયાના કોચકોપા અમેરિકામાં જ્યારે તાપમાન 35 ડિગ્રી હતું, ત્યારે હાઇડ્રેશન બ્રેક સમજાતો હતો. હવે તેની જરૂર નથી. શરૂઆતમાં કોચ અને ખેલાડીઓની વાતચીત બતાવવામાં આવતી હતી. પરંતુ હવે ફક્ત જાહેરાતો ચાલે છે.
- વર્જિલ વાન ડિક, નેધરલેન્ડ્સનો કેપ્ટનટીવી પર મેચ જોઈ રહેલા લોકો માટે આ સારો અનુભવ નથી. જ્યારે પણ બ્રેક હોય છે, તરત જ જાહેરાતો શરૂ થઈ જાય છે. દરેક મેચમાં તેની અનિવાર્યતા ફક્ત કોમર્શિયલાઇઝેશનને પ્રોત્સાહન આપી રહી છે.
news via inbox
Subscribe for the latest updates, promotions, and ads.
