FIFA વર્લ્ડ કપ 2026માં આજે રાત્રે બ્રાઝિલનો મુકાબલો સ્કોટલેન્ડ સામે થશે. સ્કોટલેન્ડ ઇન્ટરનેશનલ ફૂટબોલમાં ક્યારેય બ્રાઝિલને હરાવી શક્યું નથી. આ મેચ રાત્રે 3:30 વાગ્યાથી મિયામી સ્ટેડિયમમાં રમાશે.

મોરોક્કોનો મુકાબલો હૈતી સામે રાત્રે 3:30 વાગ્યાથી એટલાન્ટા સ્ટેડિયમમાં રમાશે. મોરોક્કો 39 ઇન્ટરનેશનલ મેચથી હાર્યું નથી. જ્યારે 2 મેચ હારી ચૂકેલું હૈતી ટુર્નામેન્ટમાંથી બહાર થઈ ગયું છે.

આ બંને મેચ પહેલા મજબૂત સ્વિટ્ઝર્લેન્ડનો સામનો કેનેડા સામે થશે. આ મેચ જીતનારી ટીમ ગ્રુપ-Bમાં ટૉપ કરશે. કુલ 6 મેચ રમાશે. આ તમામ મેચ ભારતીય સમય અનુસાર 25 જૂને રમાશે.

મેચ-49: વર્લ્ડ કપમાં પહેલીવાર સ્વિટ્ઝર્લેન્ડ vs કેનેડા

ગ્રુપ-Bમાં સામેલ સ્વિટ્ઝર્લેન્ડ અને કેનેડાના 4-4 પોઇન્ટ્સ છે. કેનેડા સારા ગોલ તફાવતને કારણે પહેલા અને સ્વિટ્ઝર્લેન્ડ બીજા સ્થાને છે.

બંને ટીમ વચ્ચે 1 ઇન્ટરનેશનલ મેચ રમાઈ છે. જેમાં કેનેડાએ જીત નોંધાવી હતી. વર્લ્ડ કપમાં બંને ટીમ વચ્ચે આ પહેલી ટક્કર હશે.

સ્વિટ્ઝર્લેન્ડને શાનદાર ફોર્મમાં ચાલી રહેલા અનુભવી ગ્રેનિટ ઝાકા પાસેથી આશા હશે. જ્યારે કેનેડાની નજર જોનાથન ડેવિડ પર ટકેલી હશે.

બંને ટીમની સંભવિત સ્ટાર્ટિંગ-11

સ્વિટ્ઝર્લેન્ડ: કોબેલ, વિડમેર, જેક્વેઝ, અકાંજી, રોડ્રિગેઝ, એબિશર, ઝાકા, ફ્રાયલર, એનડોય, એમ્બોલો, વર્ગાસ.

કેનેડા: ક્રેપો, જોનસ્ટન, બોમ્બિટો, સિગુર, લારિયા, બુકાનન, યુસ્ટાક્વિયો, સાલિબા, અહેમદ, ડેવિડ, લારિન.

મેચ-50: પ્રથમ જીતની શોધમાં બોસ્નિયા અને કતાર

ગ્રુપ-Bમાં સામેલ બોસ્નિયા એન્ડ હર્ઝેગોવિના અને કતારના 1-1 પોઇન્ટ્સ છે. બંનેને પ્રથમ જીતની શોધ છે.

બંને દેશો વચ્ચે આંતરરાષ્ટ્રીય સ્તરે આ પ્રથમ ટક્કર હશે. તેમની વચ્ચે 2 ફ્રેન્ડલી મેચ રમાઈ છે. કતારે એક મેચ જીતી હતી, જ્યારે એક મેચ ડ્રો રહી હતી.

બોસ્નિયાના સ્ટાર સ્ટ્રાઈકર એડિન ડજેકો ટીમનું નેતૃત્વ કરશે. જ્યારે કતારની આશાઓ તેના ફોરવર્ડ અકરમ અફીફ પર ટકેલી હશે.

બંને ટીમની સંભવિત સ્ટાર્ટિંગ-11

બોસ્નિયા: વાસિલ, ડેડિક, કાન્ટિક, હદજિકાદુનિક, કોલાસિનાક, અલાજબેગોવિચ, સુન્જિક, તાહિરોવિચ, મેમિક, ડજેકો, ડેમિરોવિચ.

કતાર: અબુનાદા, અલ ઉઈ, ખૂખી, મિગુએલ, અલ બ્રેક, લાયે, ગાબેર, બૌદિયાફ, એડમિલ્સન, અબ્દુલરીસાગ, અફીફ.

મેચ-51: બ્રાઝિલ સામે સ્કોટલેન્ડને ચમત્કારની આશા

ગ્રુપ-Cમાં સામેલ બ્રાઝિલને સ્કોટલેન્ડ સામે એકતારફી લીડ છે. તેમની વચ્ચે રમાયેલી કુલ 10 આંતરરાષ્ટ્રીય મેચમાં 8 મેચ બ્રાઝિલે જીતી છે. 2 મેચ ડ્રો રહી છે.

વર્લ્ડ કપના ઇતિહાસમાં બંને ટીમો વચ્ચે આ પાંચમી ટક્કર હશે. છેલ્લી 4 મેચોમાં બ્રાઝિલે 3 જીતી છે. 1 મેચ ડ્રો રહી છે.

સ્કોટલેન્ડને મિડફિલ્ડમાં સ્કોટ મેકટોમિનેના સંઘર્ષપૂર્ણ પ્રદર્શન પર ભરોસો હશે. જ્યારે બ્રાઝિલને તેના જાદુઈ વિંગર વિનીસિયસ જુનિયર પાસેથી ગોલની અપેક્ષા હશે.

બંને ટીમની સંભવિત સ્ટાર્ટિંગ-11

સ્કોટલેન્ડ: ગન, રાલ્સ્ટન, હેન્ડ્રી, પોર્ટિયસ, રોબર્ટસન, મેકટોમિને, ગિલમોર, મેકગ્રેગર, મેકગિન, એડમ્સ, શેન્કલૅન્ડ.

બ્રાઝિલ: એલિસન, ડેનિલો, મિલિટાઓ, માર્વિન્હોસ, અરેના, ગુઇમારેસ, ગોમ્સ, પાક્વેટા, રોડ્રિગો, એન્ડ્રિક, વિનિસિયસ જુનિયર.

મેચ-52: મોરોક્કો સામે ટુર્નામેન્ટમાંથી બહાર થઈ ચૂકેલું હૈતી

મોરોક્કો અને હૈતી ગ્રુપ-Cમાં સામેલ છે. મોરોક્કો 4 પોઇન્ટ્સ સાથે ગ્રુપમાં બીજા નંબર પર છે. મોરોક્કો છેલ્લા 39 આંતરરાષ્ટ્રીય મેચથી હાર્યું નથી. જ્યારે હૈતી સતત 2 હાર સાથે ટુર્નામેન્ટમાંથી બહાર થઈ ચૂક્યું છે. આંતરરાષ્ટ્રીય સ્તરે બંને દેશો વચ્ચે આ પ્રથમ ટક્કર હશે.

મોરોક્કોને સ્ટાર વિંગર બ્રાહિમ ડિયાઝ પાસેથી ગોલની અપેક્ષા રહેશે. જ્યારે હૈતી માટે તેમના કેપ્ટન અને ગોલકીપર જોની પ્લેસાઈડ પાસેથી અપેક્ષાઓ રહેશે.

બંને ટીમની સંભવિત સ્ટાર્ટિંગ-11

મોરોક્કો: બોનો, હકીમી, ડિયોપ, રિયાદ, મજરૌઈ, અલ ઐનાઉઈ, બુઆદ્દી, બ્રાહિમ ડિયાઝ, ઔનાહી, અલ ખન્નૌસ, સૈબારી.

હૈતી: પ્લેસાઈડ, આર્કસ, ડેલક્રિક્સ, એડે, એક્સપિરિયન્સ, ડીડસન, બેલેગાર્ડ, જીન જેક્સ, પ્રોવિડન્સ, ઇસિડોર, પિયરોટ.

મેચ-53: અજેય મેક્સિકોને રોકવા ઉતરશે ચેક રિપબ્લિક

ગ્રુપ-Aમાં સામેલ મેક્સિકો અને ચેક રિપબ્લિક વચ્ચે આંતરરાષ્ટ્રીય સ્તરે આ પ્રથમ ટક્કર હશે. સ્વતંત્ર દેશ તરીકે ચેક રિપબ્લિકે 2000માં મેક્સિકોને એક ફ્રેન્ડલી મેચમાં 2-1થી હરાવ્યું હતું.

આ ટુર્નામેન્ટમાં 6 પોઇન્ટ્સ સાથે યજમાન મેક્સિકો ટોચ પર છે. તે આગામી નોકઆઉટ માટે ક્વોલિફાય કરી ચૂક્યું છે. જ્યારે ચેક રિપબ્લિક 2 મેચમાં 1 પોઇન્ટ્સ પર છે. તેને આગામી રાઉન્ડ માટે આશાઓ જીવંત રાખવા માટે આ મેચ કોઈપણ ભોગે જીતવી પડશે.

ચેક રિપબ્લિકને સ્ટાર સ્ટ્રાઈકર પેટ્રિક શિક પાસેથી ગોલની અપેક્ષા રહેશે. જ્યારે મેક્સિકોની આશાઓ તેમના શક્તિશાળી ફોરવર્ડ સેન્ટિયાગો ગિમેનેઝ પર ટકેલી રહેશે.

બંને ટીમની સંભવિત સ્ટાર્ટિંગ-11

ચેકિયા: કોવાર, હોલ્સ, હરાનાક, ક્રેજ્ચી, કૌફાલ, ડારિડા, સર્વ, સાદિલેક, સોજ્કા, પેટ્રિક શિક, હ્લોજેક.

મેક્સિકો: રંગેલ, સાંચેઝ, રેયેસ, વાસ્કેઝ, ગ્યાર્ડો, ગુટિયરેઝ, લીરા, રોમો, અલ્વરાડો, સેન્ટિયાગો ગિમેનેઝ, ક્વિનોનેસ.

મેચ-54: સાઉથ આફ્રિકા અને સાઉથ કોરિયા વચ્ચે ‘કરો યા મરો’નો મેચ

ગ્રુપ-Aમાં સામેલ સાઉથ આફ્રિકા અને સાઉથ કોરિયાની સિનિયર ટીમ પહેલીવાર આમને-સામને થશે. સાઉથ કોરિયા 3 પોઇન્ટ્સ સાથે બીજા સ્થાને છે. તેને આગળ વધવા માટે માત્ર એક ડ્રોની જરૂર છે. જ્યારે સાઉથ આફ્રિકા (1 પોઇન્ટ્સ)ને કોઈ પણ ભોગે જીત જોઈએ.

સાઉથ આફ્રિકાને તેના મિડફિલ્ડર તેબોહો મોકોએના પાસેથી કરિશ્માની અપેક્ષા હશે. જ્યારે સાઉથ કોરિયાને સુપરસ્ટાર અને કેપ્ટન સોન હ્યુંગ-મિન પાસેથી મોટા ગોલની અપેક્ષા હશે.

બંને ટીમની સંભવિત સ્ટાર્ટિંગ-11

સાઉથ આફ્રિકા: વિલિયમ્સ, મુદૌ, કકુલના, મ્વાલા, મોદબા, મોકોએના, સિથોલે, જુવાને, તાઉ, માકગોપા, મોરિબા.

સાઉથ કોરિયા: જો હ્યુન-વૂ, સેઓલ યંગ-વૂ, કિમ મિન-જે, ક્વોન ક્યુંગ-વોન, કિમ જિન-સુ, હ્વાંગ ઇન-બેઓમ, પાર્ક યૉંગ-વૂ, લી કાંગ-ઇન, જેઓંગ વૂ-યેંગ, સોન હ્યુંગ-મિન, ચો ગુએ-સુંગ.

દિવ્ય ભાસ્કરને Google પર મનપસંદ સોર્સ બનાવો