પોર્ટુગલ અને ક્રોએશિયા વચ્ચે અત્યાર સુધી કુલ 10 મેચ રમાઈ છે. આમાં પોર્ટુગલ આગળ રહ્યું છે. પોર્ટુગલે 7 મેચ જીતી, જ્યારે ક્રોએશિયાને માત્ર 1 મેચમાં જીત મળી. 2 મેચ ડ્રો રહી. FIFA વર્લ્ડ કપમાં બંનેની આ પહેલી ટક્કર હશે.

ગ્રુપ સ્ટેજમાં બંને ટીમનું પ્રદર્શન

પોર્ટુગલ ગ્રુપ-Kમાં એક પણ મેચ હાર્યા વિના નોકઆઉટમાં પહોંચ્યું છે. ટીમ 3 મેચમાં 1 જીત અને 2 ડ્રો સાથે બીજા સ્થાને રહી. પોર્ટુગલની પહેલી મેચ કોંગો ડીઆર સામે 1-1 થી ડ્રો રહી. બીજી મેચમાં ઉઝબેકિસ્તાનને 5-0 થી હરાવ્યું. આ મેચમાં રોનાલ્ડોએ 2 ગોલ કર્યા હતા. ટીમની ત્રીજી મેચ કોલંબિયા સામે 0-0 થી ડ્રો રહી.

ક્રોએશિયાએ ગ્રુપ-Lમાં 2 જીત અને 1 હાર સાથે નોકઆઉટમાં સ્થાન બનાવ્યું. ટીમને પહેલી મેચમાં ઇંગ્લેન્ડે 4-0 થી હરાવી હતી. આ પછી ટીમે કમબેક કરતા છેલ્લી બંને મેચ જીતી. તેણે પનામાને 1-0 અને ઘાનાને 2-1થી હરાવ્યું.

પોર્ટુગલને તેના દિગ્ગજ સ્ટ્રાઈકર અને કેપ્ટન ક્રિસ્ટિયાનો રોનાલ્ડો પાસેથી ગોલની અપેક્ષા હશે. જ્યારે ક્રોએશિયા સ્ટાર મિડફિલ્ડર લુકા મોડ્રિચની રમતની મદદથી મેચ જીતવાનો પ્રયાસ કરશે.

બંને ટીમની સંભવિત સ્ટાર્ટિંગ-11:

પોર્ટુગલ: ડિયોગો કોસ્ટા, જોઆઓ કેન્સેલો, રૂબેન ડાયસ, એન્ટોનિયો સિલ્વા, નુનો મેન્ડેસ, જોઆઓ પાલ્હિન્હા, વિટિન્હા, બ્રુનો ફર્નાન્ડિસ, બર્નાર્ડો સિલ્વા, રાફા લેઆઓ, ક્રિસ્ટિયાનો રોનાલ્ડો.

ક્રોએશિયા: ડોમિનિક લિવાકોવિચ, જોસિપ સ્ટેનિસિચ, જોસિપ સુતાલો, મારિન પોંગ્રાસિચ, જોસ્કો ગ્વાર્ડિઓલ, માટિઓ કોવાચિચ, લુકા મોડ્રિચ, લુકા સુચિચ, મારિયો પાસાલિચ, અંતે બુદિમિર, આન્દ્રેઈ ક્રામરિચ.

મેચ 85: સ્વિટ્ઝર્લેન્ડ સામે અલ્જીરિયાને પ્રથમ જીતની રાહ

સ્વિટ્ઝર્લેન્ડ અને અલ્જીરિયા વચ્ચે અત્યાર સુધી 2 મેચ રમાઈ છે. બંને મેચ સ્વિટ્ઝર્લેન્ડે જીતી છે. FIFA વર્લ્ડ કપમાં આ ટીમ વચ્ચે આ પ્રથમ ટક્કર હશે.

ગ્રુપ સ્ટેજમાં બંને ટીમનું પ્રદર્શન

સ્વિટ્ઝર્લેન્ડ ગ્રુપ સ્ટેજમાં એક પણ મેચ હાર્યા વિના નોકઆઉટમાં પહોંચ્યું છે. ટીમે 3 મેચમાં 2 જીત અને 1 ડ્રો રમીને ગ્રુપ-Bમાં ટોચનું સ્થાન મેળવ્યું. સ્વિટ્ઝર્લેન્ડનો કતાર સામેનો મુકાબલો 1-1થી ડ્રો રહ્યો. ત્યારબાદ બોસ્નિયા એન્ડ હર્ઝેગોવિનાને 4-1થી હરાવ્યું. પછી છેલ્લી મેચમાં યજમાન કેનેડાને 2-1થી હરાવ્યું.

અલ્જીરિયાએ ગ્રુપ-Jમાં 1 મેચ જીતી, જ્યારે 1માં હાર મળી. 1 મુકાબલો ડ્રો રહ્યો. તે ગ્રુપમાં ત્રીજા સ્થાને રહીને નોકઆઉટમાં પહોંચ્યું. અલ્જીરિયાને પ્રથમ મુકાબલામાં 0-3થી હાર મળી. ત્યારબાદ ટીમે વાપસી કરતા જોર્ડનને 2-1થી હરાવ્યું. ઓસ્ટ્રિયા સામેનો છેલ્લો મુકાબલો 3-3થી ડ્રો રહ્યો.

સ્વિટ્ઝર્લેન્ડને ઇન-ફોર્મ યુવા ફોરવર્ડ જોહાન મંઝામ્બી પાસેથી ગોલની અપેક્ષા રહેશે. તેણે આ વર્લ્ડ કપમાં 3 ગોલ કર્યા છે. જ્યારે અલ્જીરિયા તેના અનુભવી વિંગર રિયાદ મહેરેઝ પર નિર્ભર રહેશે.

બંને ટીમની સંભવિત સ્ટાર્ટિંગ-11:

સ્વિટ્ઝર્લેન્ડ: ગ્રેગર કોબેલ, જાક્રેજ, નિકો એલ્વેદી, મેન્યુઅલ અકાંજી, રિકાર્ડો રોડ્રિગ્ઝ, રેમો ફ્રાયલર, ગ્રેનિટ ઝાકા, જિબ્રિલ સોવ, જોહાન મંઝામ્બી, રૂબેન વર્ગીઝ, બ્રીલ એમ્બોલો.

અલ્જીરિયા: ઓસામા બેનબોટ, રફિક બેલઘાલી, એસ્સા મંડી, રમી બેનસેબૈની, જવાન હઝમ, ફારસ ચૈબી, નબીલ બેન્ટાલેબ, રિયાદ મહેરેઝ, ઇબ્રાહિમ માઝા, હૌસેમ ઔઆર, અમીન ગૌરી.

દિવ્ય ભાસ્કરને Google પર મનપસંદ સોર્સ બનાવો