FIFA World Cup: Messi 6 Goals; Australia vs Egypt Tonight
સ્પોર્ટ્સ ડેસ્ક10 કલાક પેહલા
- કૉપી લિંક
FIFA વર્લ્ડ કપ 2026માં લિયોનેલ મેસ્સીની આર્જેન્ટિનાનો મુકાબલો કેપ વર્ડે સામે થશે. મેસ્સી આ ટુર્નામેન્ટમાં 6 ગોલ કરી ચૂક્યો છે. તે ગોલ્ડન બૂટની રેસમાં બીજા નંબર પર છે. આ મેચ રાત્રે 3:30 વાગ્યાથી મિયામી સ્ટેડિયમમાં રમાશે.
આ પહેલા ઓસ્ટ્રેલિયા અને ઇજિપ્તની મેચ થશે. બંને ટીમ વર્લ્ડ કપમાં પહેલીવાર એકબીજા સામે રમશે. આ મેચ ડલાસ સ્ટેડિયમમાં આજે રાત્રે 11:30 વાગ્યાથી રમાશે.
આ પછી કોલંબિયા અને ઘાના વચ્ચે ટક્કર થશે. મેચ ભારતીય સમય અનુસાર 4 જુલાઈએ સવારે 7:00 વાગ્યાથી કેન્સાસ સિટી સ્ટેડિયમમાં શરૂ થશે.
મેચ 86: ઓસ્ટ્રેલિયા અને ઇજિપ્ત વચ્ચે કાંટાની ટક્કર
ઓસ્ટ્રેલિયા અને ઇજિપ્ત વચ્ચે અત્યાર સુધીમાં 2 મુકાબલા રમાયા છે. બંને ટીમે 1-1 મેચ જીતી છે. FIFA વર્લ્ડ કપના ઇતિહાસમાં બંને વચ્ચે આ પહેલી ટક્કર હશે.
ગ્રુપ સ્ટેજમાં બંને ટીમનું પ્રદર્શન
ઓસ્ટ્રેલિયા ગ્રુપ-Dમાં ઉતાર-ચઢાવ ભરી સફર બાદ નોકઆઉટમાં પહોંચ્યું છે. ટીમે 3 મેચમાં 1 જીત, 1 હાર અને 1 ડ્રો સાથે 4 પોઇન્ટ્સ મેળવ્યા. ઓસ્ટ્રેલિયાએ પહેલી મેચમાં તુર્કીને 2-0થી હરાવ્યું. ત્યારબાદ અમેરિકા સામે 0-2થી હાર મળી. છેલ્લો મુકાબલો પેરાગ્વે સામે 0-0થી ડ્રો રહ્યો.
ઇજિપ્ત ગ્રુપ-Gમાં એક પણ મેચ હાર્યા વિના નોકઆઉટમાં પહોંચ્યું છે. ટીમે 3 મેચમાં 1 જીત અને 2 ડ્રો રમ્યા. ઇજિપ્તે ન્યૂઝીલેન્ડને 3-1થી હરાવ્યું. જ્યારે બેલ્જિયમ અને ઈરાન સામેનો મુકાબલો 1-1થી ડ્રો રહ્યો.
ઓસ્ટ્રેલિયાને તેના ફોરવર્ડ ખેલાડીઓ પાસેથી વધુ સારી ફિનિશિંગની અપેક્ષા રહેશે. જ્યારે ઇજિપ્ત સ્ટાર ફોરવર્ડ અને કેપ્ટન મોહમ્મદ સાલાહની રમત પર નિર્ભર રહેશે.
બંને ટીમની સંભવિત સ્ટાર્ટિંગ-11:
ઓસ્ટ્રેલિયા: મેટી રાયન, રોલિસ, સુતાર, બર્ગેસ, બેહિચ, બકસ, ઇરવિન, મેટકાફ, ગુડવિન, ડ્યુક, બૂસ.
ઇજિપ્ત: મોસ્તફા શુબેર, મોહમ્મદ હાની, યાસર ઇબ્રાહિમ, રામી રાબિયા, મોહમ્મદ હમદી, મારવાન અત્તિયા, અકરમ તૌફીક, ઇમામ અશુઅર, ટ્રેઝેગેટ, મોસ્તફા મોહમ્મદ, મોહમ્મદ સાલાહ.
મેચ 87: આર્જેન્ટિના સામે કેપ વર્ડેનો પડકાર
આર્જેન્ટિના અને કેપ વર્ડે વચ્ચે આ પહેલો મુકાબલો હશે. ડિફેન્ડિંગ ચેમ્પિયન આર્જેન્ટિના આ મેચમાં ફેવરિટ તરીકે મેદાનમાં ઉતરશે.
ગ્રુપ સ્ટેજમાં બંને ટીમનું પ્રદર્શન
આર્જેન્ટિના ગ્રુપ-Jમાં પોતાની ત્રણેય મેચ જીતીને નોકઆઉટમાં પહોંચી છે. ટીમ 3 મેચમાં 9 પોઇન્ટ્સ સાથે ગ્રુપમાં પ્રથમ સ્થાને રહી. આર્જેન્ટિનાએ જોર્ડનને 3-1, ઓસ્ટ્રિયાને 2-0 અને અલ્જીરિયાને 3-0 થી હરાવ્યું હતું.
બીજી તરફ કેપ વર્ડેનો પ્રવાસ ઐતિહાસિક રહ્યો છે. ટીમે ગ્રુપ-Hમાં મજબૂત સ્પેન સામે 0-0 થી ડ્રો રમ્યો. ત્યારબાદ ઉરુગ્વે અને સાઉદી અરેબિયા સામે પણ મુકાબલો ડ્રો કરાવ્યો.
આર્જેન્ટિનાને કેપ્ટન અને સ્ટાર ખેલાડી લિયોનેલ મેસ્સી પાસેથી ફરી ગોલની અપેક્ષા રહેશે. મેસ્સી આ ટુર્નામેન્ટમાં અત્યાર સુધી 6 ગોલ કરી ચૂક્યો છે. જ્યારે કેપ વર્ડે તેના સ્ટાર ગોલકીપર વોઝિન્હાના ડિફેન્સ પર નિર્ભર રહેશે.
બંને ટીમની સંભવિત સ્ટાર્ટિંગ-11:
આર્જેન્ટિના: એમિલિયાનો માર્ટિનેઝ, મોલિના, રોમેરો, લિસાન્ડ્રો માર્ટિનેઝ, ટેગલિયાફિકો, ડી પોલ, એન્ઝો ફર્નાન્ડિઝ, મેકએલિસ્ટર, લિયોનેલ મેસ્સી, જુલિયન અલ્વારેઝ, નિકોલસ ગોન્ઝાલેઝ.
કેપ વર્ડે: વોઝિન્હા, સ્ટીવન મોરેરા, પિકો, ડેની, સિડની લોપેઝ, કેવિન પિના, જેમિરો મોન્ટેરો, ડર્લો ડુઆર્ટે, રાયન મેન્ડેસ, બેબે, જોવેન કબ્રાલ.
મેચ 88: કોલંબિયા અને ઘાના વચ્ચે પ્રથમ ટક્કર
કોલંબિયા અને ઘાના વચ્ચે અત્યાર સુધી કોઈ મેચ રમાઈ નથી. બંને દેશોની સિનિયર ટીમ પહેલીવાર આમને-સામને થશે. ગ્રુપ સ્ટેજના પ્રદર્શનને જોતા ઘાનાની ટીમ કોલંબિયાને સખત ટક્કર આપી શકે છે.
ગ્રુપ સ્ટેજમાં બંને ટીમનું પ્રદર્શન
કોલંબિયાની ટીમ ગ્રુપ-Kમાં એક પણ મેચ હાર્યા વિના ટોચના સ્થાને રહીને નોકઆઉટમાં પહોંચી છે. ટીમે 2 જીત મેળવી અને 1 મેચ ડ્રો કરી. કોલંબિયાએ કોંગો ડીઆરને 1-0 અને ઉઝબેકિસ્તાનને 3-1થી હરાવ્યું. જ્યારે પોર્ટુગલ સામેની મેચ 0-0થી ડ્રો રહી.
ઘાનાએ ગ્રુપ-Lમાં સખત ટક્કર બાદ નોકઆઉટની ટિકિટ મેળવી છે. ટીમે 1 જીત, 1 હાર અને 1 ડ્રો રમ્યો. ઘાનાએ પનામાને હરાવ્યું, ઇંગ્લેન્ડ સામે ડ્રો રમ્યો અને ક્રોએશિયા સામે તેને હારનો સામનો કરવો પડ્યો.
કોલંબિયાને તેના સ્ટાર વિંગર લુઈસ ડિયાઝ પાસેથી સારા પ્રદર્શનની અપેક્ષા હશે. જ્યારે ઘાનાની ટીમ તેના ફોરવર્ડ મોહમ્મદ કુદુસની આક્રમક રમત ના દમ પર જીત હાંસલ કરવા માંગશે.
બંને ટીમની સંભવિત સ્ટાર્ટિંગ-11:
કોલંબિયા: કેમિલો વર્ગાસ, મુનોઝ, ડેવિન્સન સાંચેઝ, કુએસ્ટા, મોજિકા, જેફરસન લેર્મા, રિચાર્ડ રીસ, જ્હોન એરિયાસ, જેમ્સ રોડ્રિગ્ઝ, લુઈસ ડિયાઝ, જ્હોન કોર્ડોબા.
ઘાના: લોરેન્સ અતિ-ઝિગી, સેદુ, ઝિચુ, સાલિસુ, મેન્સા, સાલિસ અબ્દુલ સમેદ, થોમસ પાર્ટી, મોહમ્મદ કુદુસ, જોર્ડન અયુ, અન્ત્શવે-અડ્જેઈ, ઇન્યાકી વિલિયમ્સ.
latest video
news via inbox
Subscribe for the latest updates, promotions, and ads.
