અમેરિકા-ઇઝરાયલ અને ઇરાન વચ્ચે ચાલી રહેલા યુદ્ધ વચ્ચે સોના-ચાંદીના ભાવમાં ઘટાડો ચાલુ છે. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, ગુરુવારે 10 ગ્રામ 24 કેરેટ સોનું 5,346 રૂપિયા ઘટીને 1.46 લાખ રૂપિયા થયું છે. આ પહેલા બુધવારે તે 1.51 લાખ પર હતું.

જ્યારે, એક કિલો ચાંદી 15,176 રૂપિયા ઘટીને 2.25 લાખ રૂપિયા થઈ ગઈ, જે 25 માર્ચે 2.40 લાખ રૂપિયા પર હતી. અમેરિકા-ઇરાન યુદ્ધને કારણે સોનું 34 દિવસમાં 13,590 અને ચાંદી 42,040 સસ્તી થઈ છે.

અલગ-અલગ શહેરોમાં સોનાના ભાવ અલગ હોવાના 4 કારણો

ટ્રાન્સપોર્ટેશન અને સિક્યોરિટી: એક શહેરથી બીજા શહેરમાં સોનું લઈ જવામાં ઈંધણ અને સુરક્ષા ખર્ચ ઉમેરાય છે, જેનાથી અંતર વધવા પર ભાવ વધે છે.

ખરીદીની માત્રા: દક્ષિણ ભારતમાં વધુ વપરાશ (લગભગ 40%)ને કારણે જ્વેલર્સ મોટી ખરીદી કરે છે, પરંતુ છૂટનો ફાયદો મર્યાદિત રહે છે.

લોકલ જ્વેલર્સ એસોસિએશન: રાજ્ય અને શહેરના જ્વેલર્સ એસોસિએશન સ્થાનિક માગ-પુરવઠાના આધારે ભાવ નક્કી કરે છે.

જૂનો સ્ટોક અને ખરીદ કિંમત: જ્વેલર્સનો ખરીદી ભાવ નક્કી કરે છે કે તેઓ ગ્રાહકોને કેટલી કિંમતમાં વેચશે.

સોનું ઓલ ટાઈમ હાઈથી ₹31 હજાર સસ્તું થયું

વર્ષની શરૂઆતમાં સોનામાં તેજી હતી, પરંતુ તાજેતરના અઠવાડિયામાં નફાખોરી અને ઈરાન યુદ્ધને કારણે ઘટાડો જોવા મળ્યો છે.

શરૂઆતનું સ્તર (31 ડિસેમ્બર 2025): ₹1.33 લાખ

ઓલ ટાઈમ હાઈ (29 જાન્યુઆરી 2026): ₹1.76 લાખ

વર્તમાન સ્થિતિ: તેના સર્વોચ્ચ સ્તરથી સોનું અત્યાર સુધીમાં ₹31 હજાર સસ્તું થઈ ગયું છે.

ચાંદીમાં ક્રેશ: ₹3.86 લાખથી ₹2.25 લાખ સુધી

ચાંદીમાં સોનાની સરખામણીમાં વધુ ઉતાર-ચઢાવ રહ્યો અને તે ઓલ ટાઈમ હાઈથી ઝડપથી નીચે આવી છે.

શરૂઆતનું સ્તર (31 ડિસેમ્બર 2025): ₹2.30 લાખ

ઓલ ટાઈમ હાઈ (29 જાન્યુઆરી 2026): ₹3.86 લાખ

ઘટાડાનો આંકડો: છેલ્લા 63 દિવસમાં ચાંદી ₹1.61 લાખ સસ્તી થઈ ગઈ છે.

જ્વેલર્સ પાસેથી સોનું ખરીદતી વખતે આ 2 બાબતોનું ધ્યાન રાખો

1. પ્રમાણિત સોનું જ ખરીદો: હંમેશા બ્યુરો ઓફ ઇન્ડિયન સ્ટાન્ડર્ડ (BIS) નો હોલમાર્ક ધરાવતું પ્રમાણિત સોનું જ ખરીદો. આ નંબર આલ્ફાન્યુમેરિક એટલે કે આ રીતે હોઈ શકે છે- AZ4524. હોલમાર્કિંગથી ખબર પડે છે કે સોનું કેટલા કેરેટનું છે.

2. કિંમત ક્રોસ ચેક કરો: સોનાનું સાચું વજન અને ખરીદીના દિવસે તેની કિંમત ઘણા સ્રોતો (જેમ કે ઇન્ડિયા બુલિયન એન્ડ જ્વેલર્સ એસોસિએશનની વેબસાઇટ) પરથી ક્રોસ ચેક કરો. સોનાનો ભાવ 24 કેરેટ, 22 કેરેટ અને 18 કેરેટ પ્રમાણે અલગ-અલગ હોય છે.

અસલી ચાંદીને ઓળખવાની 4 રીતો

મેગ્નેટ ટેસ્ટ: અસલી ચાંદી ચુંબક સાથે ચોંટતી નથી. જો ચોંટી જાય તો નકલી છે.

આઇસ ટેસ્ટ: ચાંદી પર બરફ મૂકો. અસલી ચાંદી પર બરફ ઝડપથી પીગળે છે.

સ્મેલ ટેસ્ટ: અસલી ચાંદીમાં ગંધ હોતી નથી. નકલીમાં કોપર જેવી ગંધ આવે છે.

ક્લોથ ટેસ્ટ: ચાંદીને સફેદ કપડાથી ઘસો. જો કાળો નિશાન આવે તો અસલી છે.

એક્સપર્ટનો અભિપ્રાય: શું અત્યારે સોનું ખરીદવું યોગ્ય છે?

એક્સપર્ટ્સ અનુસાર, રેકોર્ડ ઊંચાઈને સ્પર્શ્યા પછી સોનું હાલમાં ‘કરેક્શન ફેઝ’ (કિંમતોમાં સુધારો) માં છે. શોર્ટ ટર્મમાં મોમેન્ટમ થોડું નબળું જરૂર પડ્યું છે, પરંતુ લોંગ ટર્મમાં તેજીનો ટ્રેન્ડ યથાવત છે. આવી સ્થિતિમાં, રોકાણકારો સોનામાં થોડું-થોડું કરીને રોકાણ કરી શકે છે.

દિવ્ય ભાસ્કરને Google પર મનપસંદ સોર્સ બનાવો