સલમાન ખાનના 1998ના કાળા હરણ કેસ પર બની રહેલી ફિલ્મ ‘કાલા હિરણ: ધ બેટલ ફોર લેગસી’ને લઈને વિવાદ વધી ગયો છે. ફિલ્મના પ્રોડ્યુસર અમિત જાનીએ દિગ્ગજ એક્ટર ગોવિંદ નામદેવને એક કાનૂની નોટિસ મોકલી છે.

પ્રોડ્યુસરે જાહેરમાં માફીની માંગ કરી

અમિત જાનીએ સોશિયલ મીડિયા પ્લેટફોર્મ X (અગાઉ ટ્વિટર) પર ટ્વીટ કરીને લખ્યું કે, ‘ગોવિન્દ નામદેવને લીગલ નોટિસ આપી. 7 દિવસમાં સાર્વજનિક માફી માગે અને પ્રોડક્શન હાઉસને 50 લાખ રૂપિયાનો દંડ આપે નહીતર કાયદેસરની કાર્યવાહી થશે.’

આ પગલું ગોવિંદ નામદેવના તે નિવેદન પછી આવ્યું છે, જેમાં તેમણે મેકર્સ પર છેતરપિંડીથી ફિલ્મ સાઈન કરાવવાનો આરોપ લગાવ્યો હતો.

પ્રોડ્યુસર અમિત જાનીની ટ્વીટ.

મેકર્સ પર ગેરમાર્ગે દોરવાનો આરોપ લગાવ્યો હતો આ પહેલા ગોવિંદ નામદેવે એક ઇન્ટરવ્યુમાં ફિલ્મના મેકર્સ પર ગંભીર આરોપો લગાવ્યા હતા. તેમણે કહ્યું હતું કે, ટીઝર જોયા પછી તેમને આઘાત લાગ્યો કારણ કે ફિલ્મ એવી બની ન હતી, જેવી તેમને કહેવામાં આવી હતી. એક્ટરના મતે, મેકર્સે શરૂઆતમાં તેમને જણાવ્યું હતું કે આ એક ધાર્મિક વિષય પર આધારિત ફિલ્મ છે જેનું નામ ‘સંભલ’ છે.

પછીથી મેકર્સે તેનું નામ બદલીને ‘કાલા હિરણ’ કરી દીધું અને કહ્યું કે તેમાં ફક્ત સલમાન ખાનના કેસ સાથે સંબંધિત કોર્ટ રૂમના દ્રશ્યો બતાવવામાં આવશે. નામદેવનું કહેવું છે કે, તેમને અંધારામાં રાખીને ઉપયોગ કરવામાં આવ્યો.

ગોવિંદ નામદેવ સલમાન સાથે ‘વોન્ટેડ’ જેવી ફિલ્મોમાં કામ કરી ચૂક્યા છે.

‘લોરેન્સ ગેંગને પોતાનો આદર્શ માની શકે નહીં’ ગોવિંદ નામદેવે જણાવ્યું કે તેમનો સલમાન ખાન સાથે જૂનો અને સારો સંબંધ છે. તેમણે સલમાન સાથે ‘વોન્ટેડ’ જેવી ઘણી ફિલ્મોમાં કામ કર્યું છે. તેમણે સ્પષ્ટ કર્યું કે, તેઓ ક્યારેય એવી કોઈ ફિલ્મનો ભાગ નહીં બને જે સલમાન ખાનને ખોટી રીતે રજૂ કરતી હોય અથવા તેમને નુકસાન પહોંચાડતી હોય. નામદેવે કહ્યું કે, જો તેમને ફિલ્મની અસલી વાર્તા પહેલા ખબર હોત, તો તેઓ તરત જ ના પાડી દેત. તેમણે એમ પણ કહ્યું કે, તેઓ કોઈ લોરેન્સ ગેંગને પોતાનો આદર્શ માની શકે નહીં.

પ્રોડ્યુસર અમિત જાનીએ દાવાઓને ખોટા ગણાવ્યા એક્ટરના આ આરોપો પર પલટવાર કરતા પ્રોડ્યુસર અમિત જાનીએ કહ્યું કે, ‘ગોવિંદ નામદેવના બધા દાવા ખોટા છે.’ અમિત જાનીના મતે, ‘એક્ટરે ફિલ્મ સાઇન કરતા પહેલા આખી સ્ક્રિપ્ટ વાંચી હતી અને તેઓ ફિલ્મના કોર્ટ રૂમ ડ્રામાવાળા સીનની શૂટિંગ પણ કરી ચૂક્યા છે.’ મેકરે આરોપ લગાવ્યો કે, ‘ગોવિંદ નામદેવે તેમની સાથે છેતરપિંડી કરી છે કારણ કે તેઓ કોન્ટ્રાક્ટ મુજબ ફિલ્મની છબી ખરાબ કરી શકતા નથી.’

અમિતે એવો પણ દાવો કર્યો કે એક્ટરને આ ફિલ્મના સિક્વલ માટે પણ સાઇન કરવામાં આવ્યા હતા, પરંતુ હવે તેઓ સલમાન ખાનની નજરમાં સારા બનવા માટે ફિલ્મથી દૂર રહી રહ્યા છે.

ફર્સ્ટ લુકમાં સલમાનથી પ્રેરિત અયાન ખાનનું પાત્ર એક્ટર કાશિફ ઇકબાલ ખાને ભજવ્યું છે.

સલમાન ખાને પણ મેકર્સને નોટિસ મોકલી છે આ ફિલ્મને લઈને વિવાદ માત્ર એક્ટર્સ પૂરતો સીમિત નથી. બોલિવૂડ સ્ટાર સલમાન ખાનની લીગલ ટીમે પણ ફિલ્મ ‘કાલા હિરણ: ધ બેટલ ફોર લેગસી’ના મેકર્સને કાનૂની નોટિસ મોકલી છે. સલમાન ખાનની ટીમે ફિલ્મના વિકાસ અને પ્રમોશનલ ગતિવિધિઓ પર તાત્કાલિક રોક લગાવવાની માંગ કરી છે. તેમનો તર્ક છે કે આ ફિલ્મ સલમાનના પર્સનાલિટી રાઇટ્સનું ઉલ્લંઘન કરે છે. સલમાન ખાને આ મામલે દિલ્હી હાઈકોર્ટનો સંપર્ક કર્યો છે, જ્યાં 19 જૂને સુનાવણી થવાની છે.

વીડિયોમાં મુખ્ય પાત્ર અયાન એ જ પ્રકારનું બ્રેસલેટ પહેરેલો દેખાયો, જે સલમાન ખાનના હાથમાં જોવા મળે છે.

ફિલ્મમાં સલમાન જેવું પાત્ર દર્શાવવામાં આવ્યું છે આ ફિલ્મ જાની ફાયરફોક્સ ફિલ્મ્સના બેનર હેઠળ બની રહી છે અને તેનું ડિરેક્શન ભારત એસ શ્રીનેત કરી રહ્યા છે. ફિલ્મના નિર્માતાઓએ ભલે તેમાં સીધા સલમાન ખાનના નામનો ઉપયોગ ન કર્યો હોય, પરંતુ ફિલ્મના ટીઝરમાં ‘અયાન ખાન’ નામના એક પાત્રને દર્શાવવામાં આવ્યું છે. આ પાત્રનો લુક અને અંદાજ બિલકુલ સલમાન ખાનને મળતો આવે છે. આ ઉપરાંત ફિલ્મમાં બિશ્નોઈ સમાજ અને વન્યજીવો પ્રત્યેના તેમના જોડાણની વાર્તાને પણ પ્રમુખતાથી દર્શાવવાનું નક્કી થયું છે.

ફિલ્મના મુખ્ય પાત્રનો દેખાવ અને ચાલવાની શૈલી સલમાન ખાન સાથે મળતી આવે છે.

વાદળી બ્રેસલેટને ઓળખનું ચિહ્ન ગણાવ્યું

સલમાનની અરજીમાં કહેવામાં આવ્યું છે કે ફિલ્મ અને તેનાથી સંબંધિત પ્રમોશનલ કન્ટેન્ટ 1998ના કાળા હરણના શિકાર કેસથી પ્રેરિત અથવા તેના પર આધારિત હોવાનું જણાય છે.

અરજી અનુસાર, ભલે એક્ટરનું નામ સીધું વાપરવામાં આવ્યું ન હોય, પરંતુ પોસ્ટર, પ્રમોશનલ કન્ટેન્ટ અને પ્રોજેક્ટ સાથે સંકળાયેલા લોકોના જાહેર નિવેદનોથી દર્શકો તેમને સરળતાથી ઓળખી શકે છે.

અરજીમાં 29 મે 2026ના રોજ જારી કરાયેલા એક પોસ્ટરનો પણ ઉલ્લેખ કરવામાં આવ્યો છે. દાવો કરવામાં આવ્યો છે કે તેમાં દર્શાવેલું પાત્ર સલમાન જેવું જ છે અને તેણે અભિનેતાના ઓળખ ચિહ્ન ગણાતા વાદળી રંગના બ્રેસલેટ જેવું બ્રેસલેટ પહેર્યું છે.

સલમાને ફિલ્મની રિલીઝ રોકવાની માંગ કરી

સલમાને કોર્ટમાં માંગ કરી કે વિવાદના અંતિમ નિરાકરણ સુધી ફિલ્મ સાથે સંકળાયેલા કોઈપણ ટીઝર, ટ્રેલર, પોસ્ટર અથવા અન્ય પ્રમોશનલ મટિરિયલના પ્રકાશન, પ્રસારણ અને પ્રદર્શન પર રોક લગાવવામાં આવે અને ફિલ્મની રિલીઝ પણ રોકી દેવામાં આવે.

દિવ્ય ભાસ્કરને Google પર મનપસંદ સોર્સ બનાવો