ગોવિંદા આ દિવસોમાં પત્ની સુનીતા આહુજાના નિવેદનોથી ચર્ચામાં છે. ગોવિંદાને નાની ઉંમરની કો-એક્ટ્રેસ સાથે જોઈને સુનીતાએ અફેરનો સંકેત આપ્યો અને કહ્યું કે, ‘ગોવિંદાને દીકરીની ઉંમરની છોકરી સાથે ફરવા પર શરમ આવવી જોઈએ.’ ગોવિંદાએ પણ સુનીતાને હદમાં રહેવાની ચેતવણી આપી. હવે ગોવિંદાની પૂર્વ કો-એક્ટ્રેસ સોમી અલી તેના બચાવમાં ઉતરી છે. તેનું કહેવું છે કે ટેલેન્ટની કોઈ ઉંમર હોતી નથી.

‘ચિચી ઇન્ડસ્ટ્રીનો સૌથી પ્રતિભાશાળી એક્ટર’

સોમી અલીએ ગોવિંદા સાથે કેટલીક જૂની તસવીરો શેર કરીને બચાવમાં લખ્યું છે કે, ‘ચિચી (ગોવિંદા) હિન્દી ફિલ્મ ઇન્ડસ્ટ્રીના સૌથી શ્રેષ્ઠ પ્રતિભાશાળી કલાકારોમાંના એક છે. મારા ઇન્ડસ્ટ્રીના સમયમાં મેં તેમને સૌથી નમ્ર એક્ટરમાંના એક તરીકે જોયા છે. મારા મનમાં ચિચી અને સુનીતા, બંને માટે ખૂબ સન્માન છે. જોકે, કોઈ એક્ટરનું કોઈ નાની ઉંમરની એક્ટ્રેસ સાથે કામ કરવું એ ઉંમરને લઈને ભેદભાવ નથી.’

સોમી અલી પાકિસ્તાની-અમેરિકન એક્ટ્રેસ છે.

‘કો-એક્ટરની ઉંમરથી કોઈની પ્રતિભા નક્કી નથી થતી’

સોમીએ આગળ કહ્યું, ‘પ્રતિભાને કોઈ ઉંમર હોતી નથી. એવા સમયે જ્યારે કોઈ કલાકાર માટે કામ મેળવવું મુશ્કેલ હોય, ત્યારે પણ કામ કરતા રહેવાનો નિર્ણય સન્માનને પાત્ર છે, મજાક ઉડાવવાને નહીં. કોઈ એક્ટરની ક્ષમતા તેની ઉંમર કે તેના સહ-કલાકારની ઉંમરથી નક્કી થતી નથી. તેની ઓળખ તેની પ્રતિભા, વ્યાવસાયિક વલણ અને સતત કામ કરતા રહેવાની ઈચ્છાથી થાય છે. જ્યારે કોઈ કલાકાર માટે ઇન્ડસ્ટ્રીના દરવાજા ખુલવા મુશ્કેલ બની રહ્યા હોય અને તેને ફરીથી કામ કરવાની તક મળે, ત્યારે તે તકની ઉજવણી કરવી જોઈએ.’

સોમી અલીએ 1995ની ફિલ્મ ‘આંદોલન’માં ગોવિંદા સાથે કામ કર્યું હતું.

આખરે સોમીએ કહ્યું, ‘માત્ર એટલા માટે કે કોઈ વૃદ્ધ છે, તેની ઉંમરને તેની વિરુદ્ધ હથિયાર ન બનાવવી જોઈએ, ખાસ કરીને ત્યારે જ્યારે તે ફક્ત પોતાની રોજીરોટી કમાવવા અને તે કામ ચાલુ રાખવાનો પ્રયાસ કરી રહ્યો હોય, જેને તે પ્રેમ કરે છે. કદાચ કોઈ એક્ટરની સૌથી પ્રશંસનીય વાત એ જ હોય ​​છે કે, જ્યારે ઇન્ડસ્ટ્રી કે અન્ય લોકો તેને કહેવા લાગે કે હવે તે ખૂબ વૃદ્ધ થઈ ગયો છે, ત્યારે પણ તે હાર માનવાનો ઇનકાર કરે.’

અફેરના નિવેદન પર ગોવિંદાએ સુનીતાને ચેતવણી આપી હતી

તાજેતરમાં ગોવિંદાએ સુનીતા પર કહ્યું- ‘જે કામ બહારથી મળે છે, તે હું કરતો નથી અને જે હું કરી રહ્યો છું, તેમાં તમે (સુનીતા) દખલ કરી રહ્યા છો. જે સમયે મેં ફિલ્મ શરૂ કરી છે, તમે એક પણ કસર છોડી રહ્યા નથી કે હું લોકોના દિલમાંથી ઉતરી જાઉં, બદનામ થઈ જાઉં, અથવા કંઈક એવું થઈ જાય કે મારો બિઝનેસ ન થાય.’

આ દરમિયાન ગોવિંદાએ કો-એક્ટ્રેસ કોમલ રાણી સ્વર્ણકરનો બચાવ કરતા કહ્યું, ‘જો કોઈ ગરીબ પરિવારના લોકો ફિલ્મમાં આવ્યા હોય, તો તેમને એવી રીતે બદનામ કે શરમજનક ન કરો કે તેઓ ભાગી જાય. તમારામાં ક્ષમતા છે, તાકાત છે, ઇજ્જત, દૌલત, શોહરત, બધું ઉપરવાળાએ આપ્યું છે. આનો અર્થ એ નથી કે જેની પાસે આ નથી તેને તમે અપમાનિત કરો. આ તમને શોભતું નથી.’

ગોવિંદાએ કહ્યું- હદમાં રહો

સુનીતા વારંવાર નિવેદનો આપી રહી છે કે ગોવિંદા આ ઉંમરે દીકરીની ઉંમરની છોકરીઓ સાથે ફરે છે અને શુગર ડેડી (એટલે જે પોતાનાથી ઘણી નાની ઉંમરની મહિલા સાથે સંબંધ રાખે છે અને તેના બદલામાં તેને મોંઘી ગિફ્ટ્સ, લક્ઝરી લાઈફસ્ટાઈલ કે નાણાકીય સહયોગ પૂરો પાડે) બન્યો છે. આના પર ગોવિંદાએ કહ્યું છે કે, ‘આ જે ઉંમરનો તમે સિલસિલો ચલાવ્યો છે, તો તમને જણાવી દઉં કે દેશના દરેક મોટા સુપરસ્ટારે ઓછી ઉંમરની નવી છોકરીઓ સાથે કામ કર્યું છે, તેમને મોટી ફિલ્મો મળી. યુવાનો સાથે કામ કરવાથી તેઓ યુવાન દેખાયા. તમે નથી ઈચ્છતા કે હું યુવાન કેવી રીતે દેખાઈ શકું. તમે નાની એવી અપેક્ષાને કારણે એક મોટા બિઝનેસને નુકસાન પહોંચાડવા પર લાગ્યા છો. તમારી પાછળ જે ગેંગ છે, તેનાથી દરેક જણ વાકેફ છે. તે જલ્દી જ સામે આવશે, પરંતુ તમારા માટે આ શોભનીય નહીં હોય. મને લાગે છે કે આગળ પણ તમને ક્યાંક ને ક્યાંક જરૂર પડશે. કૃપા કરીને આવા નિવેદનો આપીને, જે તમે આ પોડકાસ્ટ ચલાવી રહ્યા છો, થોડી હદમાં રહો, એવી તમને વિનંતી છે.’

ખૂબ વધારે મા-બહેનની ગાળો આપવા લાગી છે- ગોવિંદા

ગોવિંદા આ નિવેદન આપીને નીકળી જ રહ્યો હતો કે થોડી સેકન્ડ પછી તે પાછો ફર્યો અને કહ્યું, ‘હું એ પણ કહેવા માંગીશ કે સુનીતાજી, તમે ઘણી મા-બહેનની ગાળો આપવા લાગ્યા છો. ભગવાનને મનાવો કે, જો લોકો તમારાથી પ્રેરિત થઈ ગયા તો તમે ક્યાં અરીસો જોશો. ક્યાંક તમારી સાથે જ લોકો મા-બહેનની ગાળો આપવાનું શરૂ કરી દેશે, તો આપણે બધા ખૂબ શરમજનક સ્થિતિમાં મુકાઈ જઈશું. આ બરાબર નથી. મા-બહેનનું નામ ખૂબ સસ્તું કરી દીધું છે. તમારાથી આવી અપેક્ષા નથી.’

જાણો સુનીતાના કયા નિવેદન પર ભડક્યો ગોવિંદા

તાજેતરમાં ગોવિંદાને તેની આગામી કમબેક ફિલ્મ ‘રૂપા’ની કો-એક્ટ્રેસ સાથે સ્પોટ થયો હતો. આના પર સુનીતાએ કહ્યું, ‘ગોવિંદા પોતાની દીકરીની ઉંમરની છોકરીને લઈને ફરી રહ્યો છે અને તેને આ વાત પર થોડી શરમ આવવી જોઈએ.’

સુનીતા ગોવિંદા અને કોમલ રાની સ્વર્ણકાર પર ભડકી.

‘તારો શુગર ડેડી આટલો અમીર છે, તો કપડાં સરખા પહેરો’

સુનીતા આહુજાએ માત્ર ગોવિંદા પર જ નહીં, પરંતુ તેની સાથે દેખાઈ રહેલી કોમલના ડ્રેસિંગ સેન્સ પર પણ ટિપ્પણી કરી. તેમણે કહ્યું કે, ‘જો તારા શુગર ડેડી આટલા અમીર છે, તો ઓછામાં ઓછા કપડાં તો સરખા પહેરવા જોઈએ.’

તેણે આગળ કહ્યું, ‘માણસનું પોતાનું એક સ્ટાન્ડર્ડ હોવું જોઈએ.’ સુનીતાએ પોતાનું ઉદાહરણ આપતા કહ્યું કે, લોકોએ જોવું જોઈએ કે તેઓ કઈ રીતે સ્ટાઈલ સાથે રહે છે. તેમણે આ આખી ઘટનાને ખૂબ જ ખરાબ અને હલકી વિચારસરણી ગણાવી.

ગોવિંદા ફરી કોમલ રાની સ્વર્ણકાર સાથે એરપોર્ટ પર સ્પોટ થયો.

‘મને નહીં, ગોવિંદાને શરમ આવવી જોઈએ’

થોડા દિવસો પહેલા ગોવિંદાએ સુનીતાના આરોપો પર કહ્યું હતું કે, સુનીતા નામ મેળવવા માટે તેમના નામનો ઉપયોગ કરી રહી છે. આના પર સુનીતાએ વળતો પ્રહાર કરતા કહ્યું કે, ‘ગોવિંદા કહે છે કે હું નામ કમાવવા માટે તેનું નામ યુઝ કરી રહી છું. તેણે જોવું જોઈએ તે શું કાંડ કરી રહ્યો છે. તેને શરમ આવવી જોઈએ, મને નહીં.’ સંપૂર્ણ સમાચાર વાંચો…

દિવ્ય ભાસ્કરને Google પર મનપસંદ સોર્સ બનાવો