HCLટેકના શેર બુધવાર, 22 એપ્રિલે 10% ઘટીને 52 અઠવાડિયાના નીચલા સ્તર 1295 રૂપિયા પર આવી ગયા છે. આ ઓક્ટોબર 2015 પછી શેરનું સૌથી ખરાબ એક દિવસનું પ્રદર્શન છે. ચોથા ક્વાર્ટરના નબળા પરિણામો અને FY27ના નિરાશાજનક ગાઇડન્સ પછી ઘણા બ્રોકરેજે રેટિંગ ડાઉનગ્રેડ અને પ્રાઇસ ટાર્ગેટ કટ કર્યા છે. આ કારણે શેરોમાં આ ઘટાડો આવ્યો છે. ચોથા ક્વાર્ટરના પરિણામો… 1. રેવન્યુમાં અંદાજ કરતાં વધુ ઘટાડો કોઈપણ કંપની માટે ‘રેવન્યુ’નો અર્થ થાય છે કે તેણે કુલ કેટલી વેચાણ કર્યું અથવા કેટલું કામ કર્યું. બજારને લાગી રહ્યું હતું કે આ વખતે HCLની કમાણીમાં 1%નો નજીવો ઘટાડો આવશે, પરંતુ વાસ્તવમાં તે 3.3% ઘટી ગઈ. એટલે કે કંપનીને અપેક્ષા કરતાં વધુ નુકસાન થયું છે. 2. નફાનું માર્જિન ઘટ્યું ‘માર્જિન’ એ ભાગ છે જે બધા ખર્ચાઓ બાદ કર્યા પછી કંપનીની તિજોરીમાં બચે છે. બજારને અપેક્ષા હતી કે કંપની દર 100 રૂપિયાની કમાણી પર લગભગ ₹17.60 બચાવશે, પરંતુ કંપની ફક્ત ₹16.50 જ બચાવી શકી. ખર્ચાઓ વધવા અથવા પ્રોજેક્ટ્સની અછતને કારણે નફામાં આ ઘટાડો થયો છે. 3. આખા વર્ષનું લક્ષ્ય પણ ચૂકી ગઈ દર વર્ષે કંપનીઓ પોતાનો એક લક્ષ્ય નક્કી કરે છે. HCL એ વર્ષ 2026 માટે લક્ષ્ય રાખ્યું હતું કે તેમની કમાણી 4% થી 4.5% ની ઝડપે વધશે. પરંતુ જ્યારે વર્ષ પૂરું થયું, ત્યારે આ ઝડપ ફક્ત 3.9% જ રહી. સરળ શબ્દોમાં કહીએ તો, કંપનીએ જે વચન આપ્યું હતું તે પૂરું કરી શકી નહીં. ટેલિકોમ સેક્ટરમાં મંદીની અસર HCLTech ના મેનેજમેન્ટે જણાવ્યું કે વિદેશી કંપનીઓએ હવે બિન-જરૂરી પ્રોજેક્ટ્સ પર પૈસા ખર્ચ કરવાનું ઓછું કરી દીધું છે અને ટેલિકોમ સેક્ટરમાંથી મળતા કામમાં પણ ઘટાડો થયો છે. આ ઉપરાંત, કંપનીના બે મોટા પ્રોજેક્ટ્સ અચાનક બંધ થવાથી તેમની કમાણી પર સીધી અસર પડી છે. કંપનીને આશંકા છે કે આ મંદી આગામી ક્વાર્ટરમાં પણ ચાલુ રહી શકે છે. તેથી હવે તે ડોલરની કમાણીથી થતા નફાને બચાવવાને બદલે તેને પોતાની સેલ્સ ટીમને મજબૂત કરવા અને ભવિષ્યની જરૂરિયાત એટલે કે આર્ટિફિશિયલ ઇન્ટેલિજન્સ (AI) જેવી ટેકનોલોજીને સુધારવામાં રોકાણ કરશે. બ્રોકરેજ ફર્મોએ ટાર્ગેટ પ્રાઇસ ઘટાડી શેરની સ્થિતિ બુધવારે સવારે HCL ટેકનો શેર 10% ઘટીને ₹1,300 રૂપિયાથી નીચે આવી ગયો છે. આ શેરનો 52 અઠવાડિયાનો સૌથી નીચો સ્તર છે. છેલ્લા 6 મહિનામાં શેર 15% અને એક વર્ષમાં 20% ઘટ્યો છે.