રોબર્ટો માર્ટિનેઝ જાન્યુઆરી 2023 થી ક્રિસ્ટિયાનો રોનાલ્ડોની પોર્ટુગલ ટીમની કમાન સંભાળી રહ્યા છે.

પોર્ટુગલના સ્ટાર ફૂટબોલર ક્રિસ્ટિયાનો રોનાલ્ડોને મેક્સિકો અને અમેરિકા સામે થનારી વર્લ્ડ કપ પ્રી-ફ્રેન્ડલી મેચ માટે ટીમમાં સામેલ કરવામાં આવ્યા નથી. 41 વર્ષીય રોનાલ્ડો ફેબ્રુઆરીના અંતથી જ પોતાના ક્લબ અલ-નસર માટે પણ મેદાન પર ઉતર્યો નથી.

જોકે, પોર્ટુગલના હેડ કોચ રોબર્ટો માર્ટિનેઝે સ્પષ્ટ કર્યું છે કે તેની ઈજા ગંભીર નથી અને વર્લ્ડ કપ ટીમમાં તેનું સ્થાન નિશ્ચિત છે. ફીફા વર્લ્ડ કપ 2026નું આયોજન 11 જૂનથી 19 જુલાઈ સુધી અમેરિકા, મેક્સિકો અને કેનેડામાં થશે.

હેમસ્ટ્રિંગ ઈજાને કારણે રોનાલ્ડો બહાર કોચ રોબર્ટો માર્ટિનેઝે એક પ્રેસ કોન્ફરન્સમાં જણાવ્યું કે રોનાલ્ડો હેમસ્ટ્રિંગની સમસ્યાથી ઝઝૂમી રહ્યો છે. તેણે કહ્યું, ‘આ એક સામાન્ય ઈજા છે. રોનાલ્ડો આગામી એક કે બે અઠવાડિયામાં મેદાન પર પરત ફરી શકે છે. આ સીઝનમાં ક્રિસ્ટિયાનોએ પોતાની ફિટનેસ પર જે કામ કર્યું છે, તે શાનદાર છે. તેની શારીરિક ક્ષમતાને જોતા હાલમાં કોઈ મોટી સમસ્યા દેખાતી નથી.’

રોનાલ્ડો ફેબ્રુઆરીના અંતથી જ પોતાના ક્લબ અલ-નસર માટે પણ મેદાન પર ઉતર્યો નથી.

વર્લ્ડ કપમાં રોનાલ્ડો અને રામોસ ફોરવર્ડ લાઇન સંભાળશે કોચે વર્લ્ડ કપની યોજના અંગે કહ્યું કે ટુર્નામેન્ટમાં સેન્ટર-ફોરવર્ડની ભૂમિકા ક્રિસ્ટિયાનો રોનાલ્ડો અને ગોન્સાલો રામોસ જ નિભાવશે. માર્ટિનેઝના મતે, વર્લ્ડ કપની અંતિમ ટીમ પસંદ કરતા પહેલા આ છેલ્લો ટ્રેનિંગ કેમ્પ છે, તેથી તે કેટલાક નવા પ્રયોગો કરવા માગે છે. રોનાલ્ડોની ગેરહાજરીમાં અન્ય ખેલાડીઓને ચકાસવાનો આ કોચ પાસે છેલ્લો મોકો હશે.

પોર્ટુગલને કોલંબિયા અને ઉઝબેકિસ્તાન સાથે ગ્રુપ-Kમાં રાખ્યું છે પોર્ટુગલને ગ્રુપ-Kમાં રાખવામાં આવ્યું છે. આ ગ્રુપમાં પોર્ટુગલ સાથે કોલંબિયા અને ઉઝબેકિસ્તાનની ટીમ સામેલ છે. ચોથી ટીમનો નિર્ણય પ્લે-ઑફથી થશે, જેમાં ન્યૂ કેલેડોનિયા, જમૈકા અથવા ડીઆર કોંગોમાંથી કોઈ એક ટીમ ગ્રુપમાં સામેલ થઈ શકે છે.

દિવ્ય ભાસ્કરને Google પર મનપસંદ સોર્સ બનાવો