Apple પ્રેમીઓ માટે એક ઉત્સાહજનક સમાચાર સામે આવ્યા છે. Apple તેના સૌથી લોકપ્રિય પર્સનલ આસિસ્ટન્ટ Siri ને એક સંપૂર્ણ નવો ઓપરેટિવ અવતાર આપવા જઈ રહ્યું છે. Bloomberg ના જાણીતા ટેક એનાલિસ્ટ માર્ક ગુર્મનના જણાવ્યા અનુસાર, Apple ફેબ્રુઆરીના બીજા ભાગમાં એટલે કે 15 ફેબ્રુઆરી પછી નવા Siri વર્ઝનની જાહેરાત કરી શકે છે.

Google Gemini ની તાકાત અને નવું ઇન્ટિગ્રેશન

આ વખતે સૌથી મોટો ફેરફાર Siriના મગજમાં જોવા મળશે. Apple એ Google સાથે મોટી AI ભાગીદારી કરી છે, જેના પરિણામે નવું Siri હવે Google Gemini AI મોડલ દ્વારા સંચાલિત હશે. અત્યાર સુધી Siri માત્ર મર્યાદિત કમાન્ડ્સ પર કામ કરતું હતું, પરંતુ હવે તે Google ના ક્લાઉડ ઇન્ફ્રાસ્ટ્રક્ચરનો ઉપયોગ કરીને વધુ જટિલ પ્રશ્નોના સચોટ જવાબો આપી શકશે.

શું ખાસ હશે આ નવા Siri માં?

Conversational AI: નવું Siri હવે ChatGPT અથવા Gemini ની જેમ જ તમારી સાથે વાતચીત કરી શકશે. તે તમારા જૂના સંદર્ભો યાદ રાખી શકશે અને વધુ માનવીય રીતે જવાબ આપશે.

OS સાથે ઊંડું જોડાણ: Apple એ 2024 માં વચન આપ્યું હતું તેમ, આ Siri ઓપરેટિંગ સિસ્ટમમાં વધુ ઊંડાણથી કાર્ય કરશે. તે તમારી એપ્સ અને ફાઇલ્સ વચ્ચે વધુ સારી રીતે નેવિગેટ કરવામાં મદદ કરશે.

જનરેટિવ AI ફીચર્સ: યુઝર્સના પ્રશ્નો જો સિસ્ટમ સાથે જોડાયેલા હશે, તો Siri જનરેટિવ AI નો ઉપયોગ કરીને વધુ સ્માર્ટ અને ક્રિએટિવ જવાબો આપશે.

ક્યારે થશે લોન્ચ?

માર્ક ગુર્મને સંકેત આપ્યો છે કે નવું Siri iOS 26.4 અપડેટ સાથે આવશે. ફેબ્રુઆરીના અંતમાં તેનું બીટા ટેસ્ટિંગ શરૂ થશે અને માર્ચ અથવા એપ્રિલ સુધીમાં તે તમામ પબ્લિક યુઝર્સ માટે ઉપલબ્ધ થઈ શકે છે. અગાઉ એવી ધારણા હતી કે Apple આ ફીચર જૂનમાં યોજાનારી WWDC કોન્ફરન્સમાં રજૂ કરશે, પરંતુ કંપની હવે તેને વહેલું લોન્ચ કરવાની ઉતાવળમાં હોય તેવું લાગે છે.

આ પણ વાંચોઃ  હવે ચેટિંગ કરવી મોંઘી પડશે! WhatsApp લાવી રહ્યું છે પેઈડ સબ્સ્ક્રિપ્શન