ઇન્ડિયન પ્રીમિયર લીગની 19મી સીઝન 28 માર્ચથી શરૂ થઈ રહી છે. ફાઇનલ 31 મેના રોજ રમાશે. આ IPLની અત્યાર સુધીની સૌથી મોટી સીઝન હશે, જેમાં 10 ટીમો વચ્ચે 84 મેચ રમાશે. ઓપનિંગ મેચ ડિફેન્ડિંગ ચેમ્પિયન રોયલ ચેલેન્જર્સ બેંગલુરુ અને સનરાઇઝર્સ હૈદરાબાદ વચ્ચે રમાશે. આ મુકાબલો બેંગલુરુના ચિન્નાસ્વામી સ્ટેડિયમમાં રમાશે. લીગનું શેડ્યૂલ, ભાગ લેનારી ટીમો, ફોર્મેટ અને નવા ફેરફારો સંબંધિત દરેક માહિતી આગળ વાંચો… ચૂંટણીને કારણે સંપૂર્ણ શેડ્યૂલ જાહેર થયું નથી એપ્રિલ-મે દરમિયાન પાંચ રાજ્યોમાં વિધાનસભા ચૂંટણી યોજાવાની છે. આમાં IPL મેચનું આયોજન કરનારા રાજ્યો બંગાળ, તમિલનાડુ અને આસામનો પણ સમાવેશ થાય છે. આ જ કારણોસર 28 માર્ચથી 12 એપ્રિલ સુધી રમાનારી 20 મેચોનું જ શેડ્યૂલ જાહેર કરવામાં આવ્યું છે. કેટલી ટીમો રમશે? લીગમાં કુલ 10 ટીમો ભાગ લઈ રહી છે. જેમાં ચેન્નઈ સુપર કિંગ્સ, મુંબઈ ઈન્ડિયન્સ, કોલકાતા નાઈટ રાઈડર્સ, રોયલ ચેલેન્જર્સ બેંગલુરુ, દિલ્હી કેપિટલ્સ, રાજસ્થાન રોયલ્સ, પંજાબ કિંગ્સ, સનરાઈઝર્સ હૈદરાબાદ, લખનઉ સુપર જાયન્ટ્સ અને ગુજરાત ટાઈટન્સનો સમાવેશ થાય છે. પ્લેઓફ ક્યારથી શરૂ થશે? હજુ સુધી સંપૂર્ણ શેડ્યૂલ જાહેર થયું નથી, પરંતુ BCCIએ એટલી માહિતી આપી છે કે ફાઇનલ 31 મેના રોજ બેંગલુરુમાં રમાશે. આ હિસાબે 26 મેના રોજ પહેલો ક્વોલિફાયર, 27 મેના રોજ એલિમિનેટર અને 29 મેના રોજ બીજો ક્વોલિફાયર રમાઈ શકે છે. કેટલા ગ્રાઉન્ડ્સ પર મેચ રમાશે IPL 2026ની સરખામણીમાં આ વખતે ભારતના 13 અલગ-અલગ શહેરોમાં મેચ રમાશે. 10 ટીમોમાંથી 7 ટીમોએ 1-1 હોમગ્રાઉન્ડ પસંદ કર્યું, જ્યારે બેંગલુરુ, પંજાબ અને રાજસ્થાન પાસે 2-2 હોમગ્રાઉન્ડ છે. રાયપુરના શહીદ વીર નારાયણ સિંહ સ્ટેડિયમમાં 13 વર્ષ પછી કોઈ IPL મેચ રમાશે. RCBએ તેને પોતાનું સેકન્ડ હોમ વેન્યુ બનાવ્યું છે. રાયપુર સ્ટેડિયમમાં છેલ્લી વાર 2013માં દિલ્હી કેપિટલ્સ અને કોલકાતા નાઈટ રાઈડર્સ વચ્ચે મેચ રમાઈ હતી. આ વખતે શું નવું? મેચના દિવસે પ્રેક્ટિસ નહીં: કોઈપણ ટીમને મેચના દિવસે નેટ પ્રેક્ટિસ કરવાની પરવાનગી નહીં હોય. કોઈ ટીમ બીજી ટીમના નેટ્સનો ઉપયોગ કરી શકશે નહીં. જો એક ટીમ વહેલી પ્રેક્ટિસ પૂરી કરી દે, તો પણ બીજી ટીમ તે પિચ પર રમી શકશે નહીં. મુસાફરી અને સુરક્ષા નિયમો: ખેલાડીઓએ ટીમ બસ દ્વારા જ મુસાફરી કરવી પડશે. પરિવારના સભ્યોને ફક્ત હોસ્પિટાલિટી ઝોનમાં જ રહેવાની પરવાનગી મળશે. ખેલાડી અને ટીમ શિસ્ત: તમામ સ્ટાફ મેમ્બર્સે દરેક સમયે પોતાનું આઈડી કાર્ડ સાથે રાખવું પડશે. ડગઆઉટ અને મેદાનમાં બાળકો અથવા પરવાનગી વગરના પરિવારના સભ્યોને લાવવાની મનાઈ રહેશે. બ્રોડકાસ્ટ અને ડ્રેસ કોડ: ઓરેન્જ અને પર્પલ કેપ ધરાવતા ખેલાડીઓએ મેચ દરમિયાન કેપ પહેરવી જ પડશે. જો ફિલ્ડિંગ દરમિયાન કેપ ઉતારવાનું મન થાય તો પણ ઇનિંગ્સની શરૂઆતની 2 ઓવર કેપ પહેરવી પડશે. પોસ્ટ-મેચ પ્રેઝન્ટેશન દરમિયાન સ્લીવલેસ જર્સી પહેરી શકશે નહીં. ગત ચેમ્પિયન કોણ? IPL 2026 માં રોયલ ચેલેન્જર્સ બેંગલુરુ (RCB) ડિફેન્ડિંગ ચેમ્પિયન છે. RCB એ ગત સિઝનમાં શાનદાર પ્રદર્શન કરતા પોતાનો પ્રથમ IPL ખિતાબ જીત્યો હતો. ટીમે 2025 ના ફાઇનલમાં પંજાબ કિંગ્સને 6 રનથી હરાવ્યું હતું. સૌથી મોંઘા ખેલાડી IPL 2026 ની હરાજીમાં ઓસ્ટ્રેલિયન ઓલરાઉન્ડર કેમરોન ગ્રીન સૌથી મોંઘા ખેલાડી રહ્યા, જેને કોલકાતા નાઈટ રાઈડર્સે ₹25.20 કરોડમાં ખરીદ્યા. જ્યારે ભારતીય અનકેપ્ડ ખેલાડીઓમાં પ્રશાંત વીર અને કાર્તિક શર્માને ચેન્નઈ સુપર કિંગ્સે 14.20-14.20 કરોડમાં પોતાની ટીમમાં સામેલ કર્યા. IPL 2026 ક્યાં જોઈ શકાશે? IPL 2026ની મેચો ટીવી પર સ્ટાર સ્પોર્ટ્સ નેટવર્ક પર પ્રસારિત કરવામાં આવશે, જ્યારે ડિજિટલ પ્લેટફોર્મ પર તેને જિયો હોટસ્ટાર દ્વારા જોઈ શકાશે. આ ઉપરાંત, તમે લાઇવ સ્કોર, મેચ અપડેટ્સ અને અન્ય માહિતી દૈનિક ભાસ્કર એપ પર પણ સરળતાથી વાંચી શકો છો. ————————
IPL સંબંધિત આ સમાચાર આવતીકાલે વાંચો… 10 IPL ટીમોની તાકાત અને નબળાઈઓ IPLની 19મી સિઝન 28 માર્ચથી શરૂ થશે. આ વખતે 10 ટીમો વચ્ચે 84 મેચ બાદ વિજેતાનો નિર્ણય થશે. 7 ટીમો ટાઇટલ જીતી ચૂકી છે, જ્યારે દિલ્હી, પંજાબ અને લખનઉને તેમના પ્રથમ ખિતાબની રાહ છે…