IPLમાં 19મી સિઝનની 18 મેચો પૂરી થઈ ગઈ છે. ભારતને ટી-20 વર્લ્ડ ચેમ્પિયન બનાવનારા 15 ખેલાડીઓ અલગ-અલગ ટીમોમાં રમી રહ્યા છે. પ્લેયર ઓફ ધ ટૂર્નામેન્ટ સંજુ સેમસને શનિવારે જ સદી ફટકારી દીધી. તેના સાથી અભિષેક શર્માએ પણ 74 રનની ઇનિંગ રમી. જોકે, વર્લ્ડ કપના 2 ટોપ વિકેટ ટેકર વરુણ ચક્રવર્તી અને જસપ્રીત બુમરાહ IPLમાં વિકેટ માટે તરસી રહ્યા છે. ઓલરાઉન્ડર હાર્દિક પંડ્યા અને અક્ષર પટેલનું પ્રદર્શન પણ ખૂબ જ નબળું ચાલી રહ્યું છે. વર્લ્ડ કપમાં ખરાબ સ્ટ્રાઈક રેટથી બેટિંગ કરનારા કેપ્ટન સૂર્યકુમાર યાદવ પણ અત્યાર સુધી પ્રભાવ છોડી શક્યા નથી. ભારતને ટી-20 વર્લ્ડ ચેમ્પિયન બનાવનારા ખેલાડીઓનું IPLની વર્તમાન સિઝનમાં પ્રદર્શન… ઓપનર્સ શનિવારે ચમક્યા IPLની 18 મેચોમાં 10 ટીમોમાંથી 22 ખેલાડીઓએ ઓપનિંગ કરી. વર્લ્ડ કપ રમનારા અભિષેક શર્મા સનરાઇઝર્સ હૈદરાબાદ અને સંજુ સેમસન ચેન્નઈ સુપર કિંગ્સ તરફથી રમી રહ્યા છે. ટુર્નામેન્ટમાં અભિષેક 5મા અને સેમસન ત્રીજો બેસ્ટ સ્કોરર છે. રાજસ્થાનના વૈભવ સૂર્યવંશી અને યશસ્વી જયસ્વાલ ટોપ-2 પોઝિશન પર છે. મિડલ ઓર્ડરમાં એક જ ફિફ્ટી લાગી IPLમાં 3 થી 5 નંબર સુધી 39 ખેલાડીઓ બેટિંગ કરી ચૂક્યા છે. તેમાંથી 11 ખેલાડીઓએ 100થી વધુ રન બનાવ્યા, પરંતુ વર્લ્ડ ચેમ્પિયન ટીમનો એક જ ભારતીય તેમાં સામેલ છે. નંબર-3 પર બેટિંગ કરનાર ઈશાને એક ફિફ્ટી લગાવીને 120થી વધુ રન બનાવ્યા છે. વર્લ્ડ કપમાં તેમનો સાથ આપનાર કેપ્ટન સૂર્યકુમાર યાદવ અને તિલક વર્મા કંઈ ખાસ કરી શક્યા નહીં. ઓલરાઉન્ડરો કમાલ કરી શક્યા નહીં દિલ્હીના કેપ્ટન અક્ષર પટેલ અને મુંબઈના કેપ્ટન હાર્દિક પંડ્યા પણ IPLમાં પોતાની છાપ છોડી શક્યો નથી. જ્યારે વર્લ્ડ કપમાં માત્ર 2 મેચ રમનાર વોશિંગ્ટન સુંદર બેટથી રન બનાવી રહ્યો છે. એક જ ફિનિશર રન બનાવી રહ્યો છે શિવમ દુબે અને રિંકુ સિંહે વર્લ્ડ કપમાં ફિનિશરની ભૂમિકા ભજવી હતી. IPLમાં 49 ખેલાડીઓએ 6 થી 8 નંબર પર બેટિંગ કરી છે. તેમાંથી 12 ખેલાડીઓએ 30 પ્લસ રન બનાવ્યા. તેમાંથી 250 પ્લસનો સ્ટ્રાઈક રેટ એકલા સરફરાઝ ખાનનો રહ્યો. તેના પછી SRHના અનિકેત વર્માએ 195 પ્લસના સ્ટ્રાઈક રેટથી રન બનાવ્યા. વિકેટ માટે તરસી ગયો સ્પિનર વરુણ T-20 વર્લ્ડ કપમાં 14 વિકેટ લેનાર વરુણ ચક્રવર્તી વિકેટ માટે તરસી ગયો છે. ટુર્નામેન્ટના 30 સ્પિનરોમાં તે છેલ્લા નંબર પર છે. બીજી તરફ, એક જ વર્લ્ડ કપ મેચ રમનાર કુલદીપ વિકેટ લેનાર સ્પિનરોમાં 8મા નંબર પર ચાલી રહ્યો છે. IPLમાં રાજસ્થાનના રવિ બિશ્નોઈ નંબર-1 અને SRHના હર્ષ દુબે બીજા નંબર પર છે. બુમરાહને પણ વિકેટ મળી રહી નથી વર્લ્ડ કપમાં વરુણ જેટલી 14 વિકેટ લેનાર જસપ્રીત બુમરાહ પણ IPLમાં વિકેટ માટે તરસી ગયો છે. તેના પછી બીજો ટોપ વિકેટ ટેકર રહેલા અર્શદીપ સિંહને 4માંથી 3 મેચમાં વિકેટ મળી નથી. મોહમ્મદ સિરાજ પણ કંઈ ખાસ કરી શક્યો નથી. IPLમાં 50 પેસર્સે બોલિંગ કરી, ચેન્નઈના અંશુલ કંબોજ 8 અને ગુજરાતના પ્રસિદ્ધ કૃષ્ણા 6 વિકેટ સાથે ટોપ-2 પર છે.