ઉત્તરાખંડના દેહરાદૂનમાં 17 જુલાઈના રોજ યોજાયેલા ‘ધુરંધર’ સિંગર જેસ્મિન સેન્ડલસના શોના કેટલાક ફોટો અને વીડિયો સોશિયલ મીડિયા પર વાયરલ થઈ રહ્યા છે. આ પોસ્ટ્સમાં કેટલાક યુઝર્સે દાવો કર્યો છે કે, શો દરમિયાન જેસ્મિન સાથે કથિત રીતે છેડતી કરવામાં આવી હતી. જોકે, કાર્યક્રમ દરમિયાન કે તે પછી જેસ્મિન સેન્ડલસ તરફથી આવી કોઈ ફરિયાદ નોંધાવવામાં આવી ન હતી.

લોકપર્વ કાર્યક્રમમાં પરફોર્મન્સ આપવા પહોંચી હતી

જેસ્મિન સાંજે લગભગ 8 વાગ્યે દેહરાદૂનના પરેડ ગ્રાઉન્ડ પહોંચી હતી. ભારત સરકારના લઘુમતી બાબતોના મંત્રાલય અને ઉત્તરાખંડ લઘુમતી કલ્યાણ અને વકફ વિકાસ નિગમ દ્વારા આયોજિત લોકપર્વ કાર્યક્રમમાં તેને પ્રસ્તુતિ માટે બોલાવવામાં આવી હતી.

શો દરમિયાન જેસ્મિને પોતે કેટલીક છોકરીઓને સ્ટેજ પાસે બોલાવી હતી. આ દરમિયાન ઘણી છોકરીઓએ તેને ગળે લગાડીને ફોટો અને વીડિયો બનાવ્યા હતા. આ જ તસવીરો અને વીડિયોને હવે સોશિયલ મીડિયા પર અલગ-અલગ દાવાઓ સાથે શેર કરવામાં આવી રહ્યા છે.

યુવતીઓની સલામતીનો મુદ્દો ઉઠાવ્યો

કાર્યક્રમ દરમિયાન જેસ્મિને મહિલાઓની સુરક્ષા અને ગ્રાઉન્ડમાં હાજર છોકરીઓની સલામતીનો મુદ્દો પણ ઉઠાવ્યો હતો. આખા શો દરમિયાન તેણે અને તેની ટીમે કોઈપણ પ્રકારની કોઈ ફરિયાદ કે વાંધો ઉઠાવ્યો ન હતો. કાર્યક્રમ કોઈપણ વિક્ષેપ વિના લગભગ દોઢ કલાક સુધી ચાલ્યો.

ઘટનાસ્થળે પોલીસ અધિકારીઓ તૈનાત હતા અને જેસ્મિનની સુરક્ષા માટે તેમના અંગત સુરક્ષા ગાર્ડ પણ હાજર હતા. શો કર્યા પછી જેસ્મિન ત્યાંથી રવાના થઈ ગઈ હતી.

જેસ્મિન સેન્ડલસના શોના PHOTOS…

દેહરાદૂનમાં 17 જુલાઈએ જેસ્મિન સેન્ડલસે પોતે જ ચાહકોને પોતાની પાસે બોલાવ્યા હતા.

ચાહકોએ જેસ્મિન સેન્ડલસને લાલ ગુલાબ આપ્યા.

ચાહકોની વધતી ભીડ જોઈને જેસ્મિને તેમને પાછા મોકલ્યા.

ગીત પર ડાન્સ કરતી જેસ્મિન.

જેસ્મિને દેહરાદૂનમાં ‘ધુરંધર’ ફિલ્મનું ગીત ગાયું.

,

જેસ્મિન સેંડલસ સંબંધિત આ સમાચાર પણ વાંચો…

‘ધુરંધર’ ગર્લ જેસ્મિન સેંડલસની સંઘર્ષ-એ-દાસ્તાન!:ક્લબમાં 15 લોકો વચ્ચે ગાતી છોકરી, આજે લાખોને ‘શરારત’ પર નચાવે છે; સફળતા પાછળ સલમાનનું પણ યોગદાન

રણવીર સિંહની ફિલ્મ ‘ધુરંધર: ધ રિવેંજ’માં પંજાબી સિંગર જેસ્મિન સેંડલસનો અવાજ ફેન્સના માથે ચડીને બોલી રહ્યો છે. જેસ્મિનનું ગીત ‘જાઈએ સજના’ મ્યુઝિક ચાર્ટ્સ પર નંબર-2 પર ટ્રેન્ડ કરી રહ્યું હતું. આ ગ્લોબલ સક્સેસની વચ્ચે સિંગરે સોશિયલ મીડિયા પર પોતાની સંઘર્ષ સ્ટોરી શેર કરી. સિંગરે ‘ધુરંધર’ના પહેલા ભાગમાં પણ ‘શરારત’ ગીત ગાઈ સૌને ડાન્સ કરવા મજબૂર કર્યા હતા. સંપૂર્ણ સમાચાર વાંચો…

દિવ્ય ભાસ્કરને Google પર મનપસંદ સોર્સ બનાવો