Kagiso Rabada Hamstring Injury; South Africa vs Australia Test Doubt
5 કલાક પેહલા
- કૉપી લિંક
સાઉથ આફ્રિકાના ફાસ્ટ બોલર કાગિસો રબાડા આગામી મહિને ઓસ્ટ્રેલિયા સામે રમાનારી વન-ડે સિરીઝમાં રમી શકશે નહીં. તેના જમણા પગની જાંઘ (હેમસ્ટ્રિંગ)માં ઈજા થઈ છે.
રબાડાની ઈજાની અસર સાઉથ આફ્રિકાના વર્લ્ડ ટેસ્ટ ચેમ્પિયનશિપ ટાઇટલના બચાવ અભિયાન પર પડી શકે છે. કારણ કે, ઓક્ટોબરમાં ઓસ્ટ્રેલિયા સામે રમાનારી ટેસ્ટ સિરીઝમાં રબાડાના રમવા પર શંકા છે.
આફ્રિકન ભાષાની વેબસાઇટ રેપોર્ટે રબાડાની લાયન્સ ટીમના બોલિંગ કોચ એલન ડોનાલ્ડને ટાંકીને ઈજા અંગે નવી માહિતી આપી છે.
21 ઑગસ્ટે ક્રિકેટ સાઉથ આફ્રિકા (CSA)એ જણાવ્યું હતું કે આ અઠવાડિયાની શરૂઆતમાં ટ્રેનિંગ દરમિયાન રબાડા ઈજાગ્રસ્ત થયો હતો.
ગયા અઠવાડિયે ટ્રેનિંગના કારણે રબાડા ઘાયલ થયો હતો.
દાવો- 9-10 અઠવાડિયા મેદાનથી બહાર રહેશે
આફ્રિકન વેબસાઇટ પર કોચે કહ્યું- ‘અમારા ફિઝિયોએ જણાવ્યું છે કે જમણી હેમસ્ટ્રિંગમાં ગ્રેડ-3 ટિયરના કારણે તે 9 કે 10 અઠવાડિયા બહાર રહેશે.’
જો આ માહિતી સાચી છે, તો રબાડા ઓક્ટોબરમાં ઓસ્ટ્રેલિયા સામે સાઉથ આફ્રિકાની ત્રણેય કે મોટાભાગની ટેસ્ટ મેચ રમી શકશે નહીં.
21 ઑગસ્ટથી 10 અઠવાડિયા 16 ઓક્ટોબરે પૂરા થશે. વન-ડે મેચ 24, 27 અને 30 સપ્ટેમ્બરે રમાશે.
CSAએ કહ્યું- રબાડાની વાપસી રિહેબિલિટેશન પર નિર્ભર
CSAએ કહ્યું, ‘કાગિસો રબાડા CSA મેડિકલ ટીમની નજીકની દેખરેખ હેઠળ જમણી હેમસ્ટ્રિંગની ઈજામાંથી સાજા થવાની પ્રારંભિક પ્રક્રિયામાં છે.’
તે 24થી 30 સપ્ટેમ્બર દરમિયાન ઓસ્ટ્રેલિયા સામે રમાનારી ત્રણ મેચની વન-ડે સિરીઝ નહીં રમે. ટેસ્ટ સિરીઝમાં તેનું રમવું રિહેબિલિટેશન પર નિર્ભર રહેશે.’
રબાડા સાઉથ આફ્રિકાનો સૌથી સફળ સક્રિય બોલર
રબાડા સાઉથ આફ્રિકાના સક્રિય બોલરોમાં સૌથી વધુ વિકેટ લેનાર બોલર છે. તેણે 73 ટેસ્ટમાં 22.03ની સરેરાશથી 340 વિકેટ લીધી છે.
રબાડા સાઉથ આફ્રિકાના બોલિંગ આક્રમણની મુખ્ય કડી છે. ખાસ કરીને ઝડપી પીચ પર તેની ભૂમિકા મહત્વની છે, જ્યાં ટીમ આવતા વર્ષે જૂનમાં ધ ઓવલમાં યોજાનારી WTC ફાઇનલ સુધી પોતાની મોટાભાગની મેચ રમશે.
સાઉથ આફ્રિકાને ઓસ્ટ્રેલિયા, ઇંગ્લેન્ડ અને બાંગ્લાદેશ સામે 10 ટેસ્ટ રમવાની છે. આ તમામ મુકાબલા હોમ ગ્રાઉન્ડ પર થશે. આ ઉપરાંત ટીમ નવેમ્બરથી આવતા વર્ષે માર્ચ સુધી શ્રીલંકામાં પણ રમશે. ફાઇનલમાં સ્થાન નિશ્ચિત કરવા માટે આફ્રિકાને આ 10 ટેસ્ટમાંથી 7 જીતવી પડશે.
news via inbox
Subscribe for the latest updates, promotions, and ads.
