એક્ટ્રેસ અને સાંસદ કંગના રનૌતે ઉત્તર પ્રદેશના રાજ્યપાલ આનંદીબેન પટેલના તે નિવેદનનું સમર્થન કર્યું છે, જેમાં તેમણે મહિલાઓને રસોઈ શીખવાની સલાહ આપી હતી. આનંદીબેને કહ્યું હતું કે, ‘મહિલાઓ ભલે શિક્ષક બને કે IAS ઓફિસર, તેમને પોતાના પરિવાર માટે ભોજન બનાવતા આવડવું જોઈએ.’

આના પર કંગનાએ પોતાના બાળપણનું ઉદાહરણ આપતા કહ્યું કે, ‘ભોજન કરાવવું અને સંભાળ રાખવી એ મહિલાઓનો સાચો સ્વભાવ છે.’ રાજ્યપાલના આ નિવેદનનું સમર્થન કર્યા પછી કંગના રનૌતને સોશિયલ મીડિયા પર ટીકાનો સામનો કરવો પડી રહ્યો છે.

કંગના રનૌતની પોસ્ટ.

બાળપણમાં ચૂલો બનાવીને રમતી હતી કંગના કંગના રનૌતે સોશિયલ મીડિયા X (અગાઉ ટ્વિટર) પર તેની જૂની યાદો શેર કરી છે. તેણે લખ્યું કે, ‘જ્યારે અમે નાના હતા, ત્યારે મારો ભાઈ ફૂટબોલ અને ક્રિકેટ રમતો હતો. પણ હું ખૂબ ધ્યાનથી ઢીંગલીઓના ઘર બનાવતી હતી, તેમના કપડાં સીવતી હતી અને તેમના માટે ભોજન બનાવતી હતી. આ જોઈને ઘરના બધા લોકો ખુશ થતા હતા.’

‘મેં નાના-નાના માટીના ચૂલા પણ બનાવ્યા હતા અને એક માતાની જેમ ઢીંગલીઓની સંભાળ રાખતી હતી. આ કોઈ એવી વસ્તુ નથી, જેને આપણે અલગથી શીખવાની જરૂર પડે. ભગવાને આપણને માનવતાનું પાલન કરવાની જવાબદારી આપી છે, આ જ આપણો સાચો સ્વભાવ છે.’

મહિલાઓને શક્તિ અને અન્નપૂર્ણા ગણાવ્યા પોતાની પોસ્ટમાં કંગનાએ આગળ લખ્યું કે, ‘મહિલાઓના આ જ સ્વભાવને કારણે તેમને સમાજમાં દેવી, શક્તિ, અન્નપૂર્ણા અને માતા જેવા નામ આપવામાં આવ્યા છે. કોઈને પ્રેમ કરવો, ભોજન કરાવવું અને તેનું પાલન-પોષણ કરવું એક સુખદ અનુભવ છે.’ કંગનાએ આ સાથે જ યુપીના રાજ્યપાલ આનંદીબેન પટેલના કાનપુરમાં આપેલા ભાષણનો એક વીડિયો ક્લિપ પણ શેર કર્યો. આ વીડિયોમાં આનંદીબેન પટેલ એક કાર્યક્રમને સંબોધિત કરતા મહિલાઓને રસોઈ અને માતૃત્વની શીખ આપતા જોવા મળી રહ્યા છે.

આનંદીબેને કહ્યું કે, ‘મહિલાઓ ભલે શિક્ષક બને કે IAS ઓફિસર, તેમને પોતાના પરિવાર માટે રસોઈ બનાવતા આવડવું જોઈએ.’

ગવર્નર આનંદીબેન પટેલે ભાષણમાં શું કહ્યું કાનપુરના કાર્યક્રમમાં ગવર્નર આનંદીબેન પટેલે કહ્યું હતું કે, ‘આજની મહિલાઓએ પોતાના પરિવાર માટે રસોઈ બનાવતા શીખવું જોઈએ. તમે ભલે શિક્ષક બનો કે IAS ઓફિસર, તમારે સૌથી પહેલા એક કુશળ માતા બનવું જોઈએ.’

તેમણે માતાના કર્તવ્યો પર વાત કરતા કહ્યું કે, ‘એક માતાનું કામ પોતાની દીકરીને દરેક રીતે તૈયાર કરવાનું છે, જેથી તેને સાસરીમાં કોઈ પણ મુશ્કેલીનો સામનો ન કરવો પડે.’

‘જો કોઈ સમસ્યા આવે પણ, તો તે પોતાના દમ પર તેનો સામનો કરી શકે. આપણે આપણી દીકરીઓને આ મજબૂતી આપવી પડશે.’

સોશિયલ મીડિયા યુઝર્સે કંગના રનૌતનો ઉધડો લીધો.

સોશિયલ મીડિયા પર યુઝર્સે વિરોધ નોંધાવ્યો કંગના રનૌતની આ પોસ્ટ સામે આવ્યા બાદ સોશિયલ મીડિયા પર એક મોટા વર્ગે તેનો વિરોધ કર્યો છે. યુઝર્સે કંગના પર જૂની વિચારસરણીને પ્રોત્સાહન આપવાનો આરોપ લગાવ્યો છે. એક યુઝરે લખ્યું કે, ‘મહિલાઓ સ્વભાવથી આમાં સારી હોય છે, પરંતુ હવે સમય આવી ગયો છે કે પુરુષોને પણ રસોઈ બનાવવા માટે પ્રોત્સાહિત કરવામાં આવે.’

બીજા યુઝરે લખ્યું કે, ‘બંને જેન્ડરને ભૂખ લાગે છે, તેથી બંનેને કમાણી કરતા અને રસોઈ બનાવતા આવડવું જોઈએ. સમય બદલાઈ ગયો છે પરંતુ કેટલાક લોકો હજુ પણ જૂની વિચારસરણીમાં જીવી રહ્યા છે.’

‘ક્વીન 2’નું શૂટિંગ પૂરું, કાનૂની વિવાદમાં ફસાઈ ફિલ્મ વર્ક ફ્રન્ટની વાત કરીએ તો, કંગના રનૌતે તાજેતરમાં તેની આગામી ફિલ્મ ‘ક્વીન 2’ નું શૂટિંગ પૂરું કર્યું છે. જોકે, આ ફિલ્મ રિલીઝ થાય તે પહેલાં જ કાનૂની વિવાદોમાં ફસાઈ ગઈ છે. ફેન્ટમ સ્ટુડિયોઝે ફિલ્મના નિર્માતાઓ પર બૌદ્ધિક સંપદા (ઇન્ટેલેક્ચ્યુઅલ પ્રોપર્ટી)ના ગેરકાયદેસર ઉપયોગનો આરોપ લગાવીને 250 કરોડ રૂપિયાનો કેસ દાખલ કર્યો છે.

દિવ્ય ભાસ્કરને Google પર મનપસંદ સોર્સ બનાવો