ઇન્ટર મિયામીએ મોન્ટેરી સામેની લીગ્સ કપ મેચ પહેલા જ્યોર્જ મેસ્સીને સન્માન આપ્યું. આ દરમિયાન એક મિનિટનું મૌન પાળવામાં આવ્યું. ખેલાડીઓએ કાળી પટ્ટી પહેરી હતી અને ચાહકોએ મેસ્સીના સમર્થનમાં લખેલા સંદેશા દર્શાવ્યા હતા.

મેસ્સીના સાથી ખેલાડી રોડ્રિગો ડી પોલે મેચમાં ગોલ કર્યા બાદ મેસ્સીની નંબર 10 જર્સી પણ બતાવી. મેસ્સી આ મેચમાં રમ્યો નહોતો અને ઇન્ટર મિયામીને 2-1થી હારનો સામનો કરવો પડ્યો હતો.

મોન્ટેરી સામેની લીગ્સ કપ મેચ પહેલા ઇન્ટર મિયામીના ખેલાડીઓએ જ્યોર્જ મેસ્સીને શ્રદ્ધાંજલિ આપી.

મેસ્સીનો ઇલાજ કરાવવા તેમના પિતા બાર્સેલોના ગયા હતા

જ્યોર્જ આર્જેન્ટિનાના રોસારિયોમાં સ્ટીલ ફેક્ટરીમાં કામ કરતા હતા. શરૂઆતના દિવસોમાં તેમણે મેસ્સીને સ્થાનિક ક્લબમાં તાલીમ પણ આપી હતી.

જ્યારે મેસ્સીમાં ગ્રોથ હોર્મોન ડેફિશિયન્સી હોવાનું જાણવા મળ્યું, ત્યારે સારવારનો ખર્ચ ઉઠાવવો મુશ્કેલ હતો. આવા સમયે જ્યોર્જ 13 વર્ષના મેસ્સીને લઈને બાર્સેલોના પહોંચ્યા. બાર્સેલોનાએ લા માસિયા એકેડમીમાં દાખલ કર્યા. સારવારનો ખર્ચ પણ ક્લબે ઉઠાવ્યો. આ પછી જ્યોર્જ દરેક પગલે પુત્ર સાથે રહ્યા.

મેસ્સી સાથે તેમના પિતા જ્યોર્જ.

FIFA વર્લ્ડ કપ દરમિયાન પણ ચર્ચામાં રહ્યા

2026 FIFA વર્લ્ડ કપ દરમિયાન પણ જ્યોર્જની તબિયત ચર્ચામાં રહી. અલ્જીરિયા સામે ગોલ કર્યા પછી ભાવુક થયેલા મેસ્સીએ કહ્યું હતું કે છેલ્લા કેટલાક દિવસો તેમના માટે ખૂબ મુશ્કેલ રહ્યા છે. બાદમાં પરિવારે નિવેદન જારી કરીને બીમારીની પુષ્ટિ કરી.

ફૂટબોલ વર્લ્ડ કપ 2026ની ફાઇનલમાં સ્પેને આર્જેન્ટિનાને 1-0થી હરાવીને ટાઇટલ જીત્યું હતું. મેસ્સીએ ટુર્નામેન્ટમાં 8 ગોલ કર્યા હતા.

દિવ્ય ભાસ્કરને Google પર મનપસંદ સોર્સ બનાવો