FIFA વર્લ્ડ કપમાં બુધવારે ગ્રુપ-Iની બે મેચ રમાઈ હતી. પહેલી મેચમાં ફ્રાન્સે પોતાની ઓપનિંગ મેચમાં સેનેગલને 3-1થી હરાવ્યું. ન્યૂ જર્સીમાં રમાયેલી મેચમાં સ્ટાર ફોરવર્ડ કિલિયન એમ્બાપેએ બે ગોલ કર્યા અને ફ્રાન્સના ઇતિહાસમાં સૌથી વધુ ગોલ કરનાર ખેલાડી બન્યો. તેણે પૂર્વ સ્ટ્રાઈકર ઓલિવિયર ગિરૂડનો રેકોર્ડ તોડ્યો. ફ્રાન્સ માટે બ્રેડલી બારકોલાએ પણ એક ગોલ કર્યો, જ્યારે સેનેગલનો એકમાત્ર ગોલ ઇબ્રાહિમ મ્બાએ કર્યો.

આ જ ગ્રુપની રમાયેલી બીજી મેચમાં નોર્વેએ ઇરાકને 4-1થી હરાવ્યું.

પહેલા હાફમાં કોઈ ગોલ નહીં, બીજામાં 4 ગોલ મેચનો પહેલો હાફ ગોલરહિત રહ્યો, પરંતુ બીજા હાફમાં એમ્બાપેએ ફ્રાન્સને લીડ અપાવી. ત્યારબાદ બારકોલાએ સ્કોર 2-0 કર્યો. સેનેગલના 18 વર્ષીય ઇબ્રાહિમ મ્બાએ ગોલ કરીને અંતર ઘટાડ્યું અને વર્લ્ડ કપમાં ગોલ કરનાર સૌથી યુવા આફ્રિકન ખેલાડી બન્યૌ. જોકે, ઇન્જરી ટાઇમમાં એમ્બાપેએ ગોલ કરીને ફ્રાન્સની જીત પાકી કરી દીધી.

એમ્બાપ્પેના વર્લ્ડ કપમાં 14 ગોલ એમ્બાપ્પેના હવે વર્લ્ડ કપમાં 14 ગોલ થઈ ગયા છે. તેણે જર્મનીના મહાન સ્ટ્રાઈકર ગર્ડ મુલરની બરાબરી કરી લીધી છે અને ઓલ-ટાઈમ રેકોર્ડ ધારક મિરોસ્લાવ ક્લોસ (16 ગોલ)થી માત્ર બે ગોલ પાછળ છે. પ્રથમ હાફમાં સેનેગલે ફ્રાન્સને સખત ટક્કર આપી, પરંતુ બીજા હાફમાં એમ્બાપ્પેની ચમક સામે તેની પડકાર ઝાંખો પડી ગયો.

ફોરવર્ડ કિલિયન એમ્બાપેએ બે ગોલ કરીને ફ્રાન્સ માટે આંતરરાષ્ટ્રીય ફૂટબોલમાં સૌથી વધુ ગોલ કરનાર ખેલાડી બનવાનો રેકોર્ડ પોતાના નામે કર્યો.

પેનલ્ટીને લઈને વિવાદ, VAR પછી પણ તક ન મળી

મેચ દરમિયાન એક મોટો વિવાદ જોવા મળ્યો. બીજા હાફમાં ફ્રાન્સે પેનલ્ટીની અપીલ કરી, જેના પછી મામલો VAR સુધી પહોંચ્યો. જોકે, વીડિયો રીપ્લે જોયા પછી પણ રેફરીએ પોતાનો નિર્ણય બદલ્યો નહીં અને ફ્રાન્સને પેનલ્ટી આપી નહીં. આ વિવાદાસ્પદ નિર્ણયના થોડા જ મિનિટ પછી કિલિયન એમ્બાપેએ ગોલ કરીને ફ્રાન્સને લીડ અપાવી.

પહેલા હાફમાં સેનેગલ પાસે સરસાઈ મેળવવાની તક હતી, સાર ચૂકી ગયો

પહેલા હાફમાં ગોલ કરવાની શ્રેષ્ઠ તક સેનેગલના ઇસ્માઇલા સારને મળી હતી. હાફ-ટાઇમ પહેલાં જ તેને નજીકથી ગોલ કરવાની તક મળી, પરંતુ તેનો શોટ ક્રોસબારની ઉપરથી ગયો. આ રીતે સેનેગલ સરસાઈ મેળવવાથી ચૂકી ગયું. જોકે, બીજા હાફમાં ઇબ્રાહિમ મ્બાએ ટીમને એક ગોલ જરૂર અપાવ્યો.

2002ની હારનો હિસાબ બરાબર, ફ્રાન્સે સેનેગલને હરાવ્યું

વર્ષ 2002ના વર્લ્ડ કપની ઓપનિંગ મેચમાં સેનેગલે ડિફેન્ડિંગ ચેમ્પિયન ફ્રાન્સને 1-0થી હરાવીને મોટો અપસેટ સર્જ્યો હતો. તે હાર પછી ફ્રાન્સની ટીમ ગ્રુપ સ્ટેજમાંથી જ બહાર થઈ ગઈ હતી અને એક પણ મેચ જીતી શકી ન હતી. જોકે, આ વખતે ફ્રાન્સે સેનેગલને 3-1થી હરાવીને તે હારનો હિસાબ બરાબર કરી લીધો. ફ્રાન્સે આ પછી 2018 અને 2022 વર્લ્ડ કપની ફાઇનલમાં સ્થાન બનાવ્યું હતું, જેમાં 2018માં ટીમ ચેમ્પિયન પણ બની હતી.

———————————–

નોર્વેની 28 વર્ષ પછી ટુર્નામેન્ટમાં જીત સાથે વાપસી

સ્ટ્રાઈકર અર્લિંગ હાલેન્ડના શાનદાર બે ગોલની મદદથી નોર્વેએ પોતાની ફિફા વર્લ્ડ કપ ઓપનિંગ મેચમાં ઇરાકને 4-1થી હરાવ્યું છે. બુધવારના આ મુકાબલામાં નોર્વેએ ટુર્નામેન્ટમાં જીત સાથે પોતાની વાપસી નોંધાવી. નોર્વેની ટીમ પૂરા 28 વર્ષ બાદ આ ટુર્નામેન્ટમાં રમી રહી છે. મેચમાં હાલેન્ડના ડબલ ગોલ ઉપરાંત લિયો ઓસ્ટિગાર્ડે એક ગોલ કર્યો, જ્યારે ઇરાકના આયમેન હુસૈનના ઑન ગોલથી નોર્વેની મોટી જીત પાકી થઈ ગઈ.

પહેલા હાફમાં ઇરાકે ટક્કર આપી, હાલેન્ડના બે ગોલે લીડ બનાવી

મેચના પહેલા હાફમાં બંને ટીમો વચ્ચે સારી ટક્કર જોવા મળી. સ્ટાર ફોરવર્ડ અર્લિંગ હાલેન્ડે ગોલ કરીને નોર્વેને શરૂઆતી લીડ અપાવી, પરંતુ ઇરાકના આયમેન હુસૈને જલ્દી જ ગોલ કરીને સ્કોર 1-1થી બરાબર કરી દીધો. જોકે, હાલેન્ડે હાફ-ટાઇમથી બરાબર પહેલાં પોતાનો બીજો ગોલ કરીને નોર્વેને મેચમાં ફરીથી આગળ કરી દીધું. આ પછી બીજા હાફમાં લિયો ઓસ્ટિગાર્ડે ટીમ માટે ત્રીજો ગોલ કર્યો. મેચની છેલ્લી ક્ષણોમાં ઇરાકના આયમેન હુસૈનથી એક ભૂલ થઈ અને તેની તરફથી થયેલા ઓન ગોલે નોર્વેને 4-1ની એકતરફી જીત અપાવી દીધી.

એર્લિંગ હાલેન્ડે તેના ડેબ્યૂ વર્લ્ડ કપમાં બે ગોલ કર્યા.

1998 પછી પહેલીવાર વર્લ્ડ કપ રમી રહ્યું છે નોર્વે

નોર્વેના ફૂટબોલ ઇતિહાસની દ્રષ્ટિએ આ મેચ ખૂબ જ ખાસ હતી. ટીમે છેલ્લે 1998માં વર્લ્ડ કપની ફાઈનલમાં ભાગ લીધો હતો. આખા 28 વર્ષના લાંબી રાહ પછી નોર્વેએ ગ્લોબલ ફૂટબોલના સૌથી મોટા મંચ પર વાપસી કરી છે. આ કમબેકને યાદગાર બનાવવામાં સ્ટ્રાઈકર એર્લિંગ હાલેન્ડના ગોલ અને મિડફિલ્ડમાં કેપ્ટન માર્ટિન ઓડેગાર્ડના શાનદાર પ્રદર્શનનો સૌથી મોટો ફાળો રહ્યો.

નોર્વેનો ડિફેન્સ ભારે પડ્યો

ઇરાકની ટીમ આ મુકાબલામાં તેના અનુભવી ખેલાડીઓ અને યુરોપમાં રમી રહેલા યુવા ટેલેન્ટ્સના ઉત્તમ તાલમેલ સાથે ઉતરી હતી. ઇરાકી ટીમમાં અલી અલ-હમાદી, આયમેન હુસૈન, ઝિદાન ઇકબાલ, આમિર અલ-અમ્મારી અને અલી જાસિમ જેવા મજબૂત નામો સામેલ હતા. બીજી તરફ, નોર્વે પાસે એન્ટોનિયો નુસા અને ઓસ્કાર બોબ જેવા ડાયનેમિક વિંગર્સની સાથે જુલિયન રાયરસન જેવા ભરોસાપાત્ર ડિફેન્ડર હતા, જેમણે ઇરાકના એટેકને વધુ તકો આપી ન હતી અને મેચમાં નોર્વેનું પલડું ભારે રાખ્યું.

દિવ્ય ભાસ્કરને Google પર મનપસંદ સોર્સ બનાવો