ક્રિકેટ નામિબિયા અનુસાર, આ ટ્રાઇ સિરીઝ 2027માં શરૂ થનારા આફ્રિકા વર્લ્ડ કપનો પાયો નાખવાનો પણ પ્રયાસ છે. આ ટુર્નામેન્ટનો ઉદ્દેશ્ય આફ્રિકન દેશોને આંતરરાષ્ટ્રીય સ્તરે વધુ મેચો ઉપલબ્ધ કરાવવાનો છે.

સિરીઝમાંથી થતો સંપૂર્ણ નફો આફ્રિકા ક્રિકેટ એસોસિયેશનને આપવામાં આવશે, જેથી ખંડમાં ક્રિકેટના વિકાસ પર ખર્ચ કરી શકાય.

ક્રિકેટ નામિબિયાના CEO જોહાન મુલરે જણાવ્યું કે, સાઉથ આફ્રિકા અને ઝિમ્બાબ્વેનું આ સિરીઝ માટે સહમત થવું આફ્રિકન ક્રિકેટને મજબૂત કરવાની સહિયારી વિચારસરણી દર્શાવે છે.

વર્લ્ડ કપના સહ-યજમાન છે ત્રણેય દેશો

સાઉથ આફ્રિકા, નામિબિયા અને ઝિમ્બાબ્વે 2027 વન-ડે વર્લ્ડ કપની સંયુક્ત યજમાની કરશે. ક્રિકેટ સાઉથ આફ્રિકાના CEO ફોલેટ્સી મોસેકીએ જણાવ્યું કે, આ પ્રવાસ માત્ર પડોશી દેશો સાથે ક્રિકેટ સંબંધોને મજબૂત કરશે નહીં, પરંતુ આવતા વર્ષે યોજાનારા વર્લ્ડ કપ માટે પણ માહોલ તૈયાર કરશે.

વર્લ્ડ કપ 4 ઓક્ટોબરથી 11 નવેમ્બર સુધી રમાશે

2027 વન-ડે વર્લ્ડ કપનું આયોજન 4 ઓક્ટોબરથી 11 નવેમ્બર સુધી સાઉથ આફ્રિકા, ઝિમ્બાબ્વે અને નામિબિયામાં થશે. ટુર્નામેન્ટની મેચ 12 અલગ-અલગ સ્ટેડિયમમાં રમાશે.

દિવ્ય ભાસ્કરને Google પર મનપસંદ સોર્સ બનાવો