નેપાળમાં પૂર પછી અનેક અજાણ્યા મૃતદેહોને બાળવાને બદલે દફનાવવામાં આવી રહ્યા છે. પ્રશાસન આવું એટલા માટે કરી રહ્યું છે જેથી મૃતદેહોના અવશેષો સુરક્ષિત રહી શકે અને ભવિષ્યમાં DNA તપાસ દ્વારા તેમની ઓળખ કરીને તેમને પરિવારજનોને સોંપી શકાય.

પાણી અને કાદવમાં લાંબા સમય સુધી દબાયેલા રહેવાથી મૃતદેહોની હાલત ખૂબ જ ખરાબ થઈ ગઈ છે. ઘણા મૃતદેહો પાણીમાં ફૂલી ગયા છે અને સડી રહ્યા છે. તેનાથી તેની ઓળખ કરવી મુશ્કેલ બની ગઈ છે.

બીજી તરફ, શબઘર અને અસ્થાયી કેન્દ્રો પણ મૃતદેહોથી ભરાઈ ગયા છે. આવા સંજોગોમાં પ્રશાસન માટે મૃતદેહોને લાંબા સમય સુધી સુરક્ષિત રાખવા શક્ય નથી. આ જ કારણ છે કે અજાણ્યા મૃતદેહોને સામૂહિક કબરોમાં દફનાવવામાં આવી રહ્યા છે.

26 ઓગસ્ટે આવેલા પૂર પછી મૃત્યુઆંક વધીને 1,066 થઈ ગયો છે. તેમાં નેપાળમાં 1,050 અને તિબેટમાં 16 લોકોના મોત થયા છે. જ્યારે, 4400થી વધુ લોકો હજુ પણ ગુમ છે.

નેપાળ હોનારતની 4 નવી તસવીરો…

નુવાકોટના ત્રિશૂલી કેમ્પમાં હેલિકોપ્ટર દ્વારા લાવવામાં આવેલા પૂર પીડિતોના મૃતદેહોને લઈ જતા સેનાના જવાનો.

નેપાળમાં પૂર પછી કેમ્પ લગાવીને રાહત સામગ્રી વહેંચવામાં આવી રહી છે.

નેપાળ આપત્તિમાં પોતાના પરિજનોની શોધમાં લોકો મૃતકોની તસવીરો પણ જોઈ રહ્યા છે.

પૂર પ્રભાવિત વિસ્તારોમાં હેલિકોપ્ટરથી રેસ્ક્યૂ કરવામાં આવી રહ્યું છે.

પળેપળની અપડેટ્સ માટે નીચે આપેલો બ્લોગ વાંચો…

અપડેટ્સ

10 મિનિટ પેહલા

• કૉપી લિંક

નેપાળી પીએમ બોલ્યા- પૂરનું મોટું કારણ ક્લાઇમેટ ચેન્જ

નેપાળના વડાપ્રધાન બાલેન શાહ. (ફાઇલ ફોટો)

નેપાળના વડાપ્રધાન બાલેન શાહે કહ્યું છે કે પૂર પાછળ ક્લાઇમેટ ચેન્જની મોટી ભૂમિકા છે. તેમના મતે, હિમાલય ક્ષેત્રમાં તાપમાન 1.8 ડિગ્રી સેલ્સિયસ સુધી વધી ગયું છે.

શાહે કહ્યું કે નિષ્ણાતો પૂરનું કારણ બરફ અને હિમખંડોના મોટા ભાગના તૂટવાને માની રહ્યા છે. ક્લાઇમેટ ચેન્જથી નેપાળ જેવા દેશોને ભોગવવી પડી રહી છે. તેવી આફતોનો મુદ્દો આંતરરાષ્ટ્રીય મંચો પર મજબૂતીથી ઉઠાવવો જરૂરી છે.

10 મિનિટ પેહલા

• કૉપી લિંક

નેપાળમાં મૃત્યુઆંક વધીને 1050 થયો

નેપાળમાં મૃત્યુઆંક ફરી વધ્યો છે. મંગળવારે સાંજે 6 વાગ્યા સુધીના આંકડા મુજબ, ફક્ત નેપાળમાં જ 1050 લોકોના મોત થયા છે. જ્યારે, તિબેટમાં અત્યાર સુધીમાં 16 મોત થયા છે.

દિવ્ય ભાસ્કરને Google પર મનપસંદ સોર્સ બનાવો