આજ એટલે કે સોમવાર, 13 એપ્રિલે સેન્સેક્સ 1000 પોઈન્ટ (1.34%)ના ઘટાડા સાથે 76,500 પર કારોબાર કરી રહ્યો છે. નિફ્ટીમાં પણ 300 પોઈન્ટ્સ (1.26%)નો ઘટાડો છે, તે 23,750ના સ્તરે આવી ગયો છે. આજના કારોબારમાં સરકારી બેંકના શેરોમાં સૌથી વધુ વેચવાલી જોવા મળી રહી છે.

ઈરાન-અમેરિકા વાટાઘાટો નિષ્ફળ, તેથી બજારમાં હાહાકાર

ઈરાન અને અમેરિકા વચ્ચે પાકિસ્તાનમાં ચાલેલી 21 કલાકની લાંબી વાતચીત કોઈ સમજૂતી વિના સમાપ્ત થઈ ગઈ. અમેરિકી ઉપરાષ્ટ્રપતિ જેડી વેન્સે કહ્યું કે તેઓ કોઈ ડીલ વિના પાછા ફરી રહ્યા છે. તેની સીધી અસર દુનિયાભરના બજારો પર દેખાઈ રહી છે.

સોમવારની સવારે ભારતીય શેરબજાર ખુલતાની સાથે જ ક્રેશ થઈ ગયું. સપ્તાહના પહેલા જ દિવસે બજારમાં હાહાકાર મચી ગયો અને સેન્સેક્સ-નિફ્ટી પત્તાના મહેલની જેમ ધરાશાયી થઈ ગયા. અમેરિકા અને ઈરાન વચ્ચે શાંતિ વાટાઘાટો નિષ્ફળ થવા અને રાષ્ટ્રપતિ ડોનાલ્ડ ટ્રમ્પ દ્વારા ઈરાની બંદરોની નાકાબંધીની ધમકી બાદ વૈશ્વિક બજારમાં ભયનો માહોલ છે.

એશિયન માર્કેટમાં ઘટાડો

10 એપ્રિલે અમેરિકી માર્કેટમાં ઘટાડો રહ્યો

બ્રેન્ટ ક્રૂડ ફરી એકવાર 100 ડોલર પ્રતિ બેરલને પાર

ઈરાન સાથે શાંતિ વાટાઘાટો નિષ્ફળ થયા બાદ અમેરિકી નૌકાદળે ઈરાનના બંદરોની નાકાબંધી કરવાની તૈયારી કરી લીધી છે. આવા સંજોગોમાં બ્રેન્ટ ક્રૂડ ફરી એકવાર 100 ડોલર પ્રતિ બેરલને પાર નીકળી ગયું છે. આજે તે 7% થી વધુ ચઢીને 102 ડોલર પ્રતિ બેરલ પર કારોબાર કરી રહ્યું છે.

FIIનું વેચાણ અને રૂપિયાની ચાલ

વિદેશી સંસ્થાકીય રોકાણકારો (FIIs) એપ્રિલમાં અત્યાર સુધીમાં 48,213 કરોડ રૂપિયાના શેર વેચી ચૂક્યા છે, જે બજાર માટે ચિંતાનો વિષય છે. જોકે, શુક્રવારે તેમણે 672 કરોડ રૂપિયાની નેટ ખરીદી કરી હતી. બીજી તરફ, રૂપિયાની સ્થિતિ પણ નાજુક બનેલી છે. જાણકારોનું કહેવું છે કે ડોલર સામે રૂપિયો આવનારા દિવસોમાં 93.50 થી 94ના સ્તર સુધી ગગડી શકે છે.

શુક્રવારે સેન્સેક્સ 919 પોઈન્ટ વધીને બંધ થયો હતો

શેરબજારમાં 10 એપ્રિલે તેજી જોવા મળી. સેન્સેક્સ 919 પોઈન્ટ (1.20%) ઘટીને 77,550 ના સ્તરે બંધ થયો. નિફ્ટી પણ 276 પોઈન્ટ (1.16%) ઘટીને 24,051 પર આવી ગયો. કારોબારમાં બેન્કિંગ અને ઓટો શેરોમાં ખરીદી જોવા મળી.

દિવ્ય ભાસ્કરને Google પર મનપસંદ સોર્સ બનાવો