‘સિટી લાઇટ્સ’ ફેમ એક્ટ્રેસ અને પ્રોડ્યુસર પત્રલેખા તાજેતરમાં બોડી શેમિંગનો શિકાર થઈ છે. વાસ્તવમાં તાજેતરમાં એક પાપારાઝી પેજે રાજકુમાર રાવની પત્ની પત્રલેખાનો વીડિયો શેર કરીને તેના વધેલા વજન પર સંવેદનહીન ટિપ્પણી કરી હતી. આના પર એક્ટ્રેસ ભડકી ગઈ હતી અને બોડી શેમિંગ કરનારાને સણસણતો જવાબ આપ્યો હતો.

પત્રલેખાએ જવાબ આપતા કહ્યું કે, તેણે હમણાં જ એક બાળકને જન્મ આપ્યો છે અને તેના શરીરમાં આવેલા ફેરફારો એક કુદરતી પ્રક્રિયાનો ભાગ છે.

કેપ્શન જોઈને ભડકી એક્ટ્રેસ આખો મામલો ત્યારે શરૂ થયો જ્યારે એક પાપારાઝી પેજે પત્રલેખાનો એક વીડિયો પોસ્ટ કર્યો. વીડિયોમાં પત્રલેખા પોતાની કારમાંથી ઉતરી રહી હતી અને તેની પાછળ પતિ રાજકુમાર રાવ પણ જોવા મળી રહ્યા હતા. આ વીડિયો સાથે કેપ્શન લખવામાં આવ્યું હતું, ‘આમને શું થઈ ગયું છે?’ (What’s happened to her?)

આ કેપ્શન દ્વારા પત્રલેખાના પોસ્ટપાર્ટમ લુક એટલે કે ડિલિવરી પછી વધેલા વજન તરફ ઈશારો કરવામાં આવ્યો હતો.

પત્રલેખાએ સોશિયલ મીડિયા પ્લેટફોર્મ ઇન્સ્ટાગ્રામ પર સ્ટોરી શેર કરીને ટ્રોલ્સને જવાબ આપ્યો.

‘મેં પહાડ જેટલો ખોરાક ખાધો નથી’ પત્રલેખાએ પોતાની ઇન્સ્ટાગ્રામ સ્ટોરી પર આ કમેન્ટની સખત ટીકા કરી. તેણે લખ્યું, ‘પેપ પેજીસ, મને શું થયું છે? વાત એ છે કે મેં હમણાં જ એક બાળકને જન્મ આપ્યો છે! હા, મારું વજન વધી ગયું છે, જે તમને બધાને કદાચ કોઈ અસ્વાભાવિક વાત લાગી રહી છે.’

પત્રલેખાએ આગળ કહ્યું કે, ‘મેં બેસીને કોઈ પહાડ જેટલો ખોરાક ખાધો નથી. આ મારી પ્રેગ્નન્સી પ્રત્યે મારા શરીરની સ્વાભાવિક પ્રતિક્રિયા છે.’

તેણે લોકોને અપીલ કરી કે, તેઓ બીજા પ્રત્યે થોડા દયાળુ બનવાનું શીખે.

રાજકુમાર રાવ અને પત્રલેખા 15 નવેમ્બર 2025ના રોજ દીકરીના માતા-પિતા બન્યાં હતાં.

પ્રોડ્યુસર તરીકે બે ફિલ્મો પૂરી કરી એક્ટ્રેસે પોતાની પ્રોફેશનલ જવાબદારીઓનો ઉલ્લેખ કરતા જણાવ્યું કે, ડિલિવરી પછી તે માત્ર પોતાની તબિયતનું ધ્યાન નથી રાખી રહી, પરંતુ કામ પણ કરી રહી છે. તેણે લખ્યું, ‘મેં માત્ર એક બાળકને જન્મ જ નથી આપ્યો, પરંતુ એક સાથે બે ફિલ્મોનું પ્રોડક્શન પણ સંભાળ્યું છે, જે સરળ કામ નથી. જો મારા હાથમાં હોત, તો હું આવી ન દેખાત, પરંતુ મારું શરીર આ રીતે પ્રતિક્રિયા આપી રહ્યું છે.’

નવેમ્બર 2025માં બની હતી માતા રાજકુમાર રાવ અને પત્રલેખાએ 15 નવેમ્બર, 2025ના રોજ તેમના પ્રથમ બાળક, એક દીકરીનું સ્વાગત કર્યું હતું. તેમણે પોતાની પુત્રીનું નામ રાજકુમારની દિવંગત માતાના નામ પર ‘પાર્વતી પોલ રાવ’ રાખ્યું છે.

પત્રલેખા પહેલાં નેહા ધૂપિયા, દીપિકા પાદુકોણ, આલિયા ભટ્ટ અને ઐશ્વર્યા રાય જેવા સેલેબ્સે પણ પોસ્ટપાર્ટમ વજન અને બોડી શેમિંગને લઈને પોતાનો અવાજ ઉઠાવ્યો છે.

રાજકુમાર અને પત્રલેખાએ નવેમ્બર 2021માં લગ્ન કર્યાં હતાં.

‘સિટી લાઈટ્સ’થી શરૂ થઈ હતી લવ સ્ટોરી રાજકુમાર અને પત્રલેખાની પહેલી મુલાકાત વર્ષ 2014માં ફિલ્મ ‘સિટી લાઈટ્સ’ દરમિયાન થઈ હતી. ઘણા વર્ષો સુધી એકબીજાને ડેટ કર્યા પછી, રાજકુમારે ઓક્ટોબર 2021માં પત્રલેખાને પ્રપોઝ કર્યું હતું. નવેમ્બર 2021માં બંનેએ ચંદીગઢમાં એક પ્રાઈવેટ સેરેમનીમાં લગ્ન કર્યાં હતાં.

દિવ્ય ભાસ્કરને Google પર મનપસંદ સોર્સ બનાવો