પીઢ એક્ટર પીયૂષ મિશ્રાએ ઝારખંડ વિરોધ પ્રદર્શનમાં પહોંચીને નસીરુદ્દીન શાહના એક નિવેદન પર નારાજગી વ્યક્ત કરીને તેમના પર કટાક્ષ કર્યો છે. તેમણે નસીરુદ્દીન શાહ અને અન્ય સેલેબ્સની ચૂપકીદી પર પણ પ્રશ્ન ઉઠાવ્યો છે.

ઝારખંડ વિરોધ પ્રદર્શનમાં સામેલ થયેલા પીયૂષ મિશ્રાએ કહ્યું છે કે, ‘નસીરુદ્દીન શાહ સાહેબ, તમે કોકરોચ જનતા પાર્ટીના વિરોધ પ્રદર્શન પર સેલેબ્સના કંઈ ન કહેવા પર એક વાત કહી હતી કે, જે કૂતરાઓના મોઢામાં હાડકું છે તે બોલશે નહીં. માફ કરજો, હું તમારો પૂરો આદર કરીને પૂછવા માંગુ છું કે, આ સમયે તે કયા કૂતરાઓ છે, જેમના મોઢામાં હાડકું છે.’

શું હતું નસીરુદ્દીન શાહનું આખું નિવેદન?

કોકરોચ જનતા પાર્ટીના વિરોધ પ્રદર્શન પર સેલેબ્સની ચૂપકીદી પર વાત કરતા નસીરુદ્દીન શાહે ‘ધ વાયર’ને કહ્યું હતું કે, ‘સેલેબ્સ ત્યારે બોલશે, જ્યારે તેમનો અંતરાત્મા તેમને આવું કરવા કહેશે. એક કહેવત છે કે, જે કૂતરાના મોંમાં હાડકું હોય છે, તે ભસી શકતો નથી. જેવું હાડકું તેના મોંમાંથી પડશે અથવા દાંત તૂટશે, ત્યારે તે ભસશે.’

ઝારખંડના વિરોધ પ્રદર્શનમાં પહોંચ્યા હતા પીયૂષ મિશ્રા

ઝારખંડની રાજધાની રાંચીમાં પરીક્ષાઓમાં ગેરરીતિ અને પેપર લીક વિરુદ્ધ વિદ્યાર્થીઓનું આંદોલન ચાલુ છે. પ્રદર્શનના 16મા દિવસે એક્ટર અને સિંગર પીયૂષ મિશ્રા ધરણા સ્થળ જયપાલ સિંહ મુંડા સ્ટેડિયમ પહોંચ્યા.

તેમણે ઉમેદવારોની વચ્ચે બેસીને તેમનું સમર્થન કર્યું. મીડિયા સાથે વાતચીતમાં પીયૂષ મિશ્રાએ કહ્યું કે, તેઓ વિદ્યાર્થીઓના ઇન્ટરવ્યુ જોઈને અને તેમની આંખોમાં દર્દ જોઈને અહીં આવ્યા છે. આ દરમિયાન તેમણે પોતાની ફિલ્મ ‘ગુલાલ’નું પ્રખ્યાત ગીત ‘આરંભ હૈ પ્રચંડ’ પણ ગાયું, જેનાથી સમગ્ર પરિસરમાં ઉત્સાહ જોવા મળ્યો.

મીડિયા સાથે વાતચીતમાં પીયૂષ મિશ્રાએ રાંચી આવવાનું કારણ જણાવ્યું. તેમણે કહ્યું કે, તેમનો અહીં આવવાનો કોઈ અન્ય હેતુ નથી. તેમણે સોશિયલ મીડિયા પર પ્રદર્શનકારી વિદ્યાર્થીઓના ઇન્ટરવ્યુ જોયા હતા. વિદ્યાર્થીઓની આંખોમાં દર્દ, તકલીફ અને આંસુ જોઈને તેમનાથી રહેવાયું નહીં. બે દિવસનો સમય ખાલી મળતા જ તેઓ સીધા રાંચી આવી ગયા. તેમણે વિરોધ પ્રદર્શન માટે આર્થિક મદદ આપવાની પણ વાત કરી છે.

દિવ્ય ભાસ્કરને Google પર મનપસંદ સોર્સ બનાવો