સિંધુએ યુફેઈ સામે સતત 5 મેચ હાર્યા બાદ જીત મેળવી છે. (ફોટો- BAI)

ભારતની સ્ટાર શટલર પીવી સિંધુએ જાપાન ઓપન સુપર 750 બેડમિન્ટન ટુર્નામેન્ટની ફાઈનલમાં સ્થાન મેળવી લીધું છે. તેનો મુકાબલો જાપાનની અકાને યામાગુચી અને ઇન્ડોનેશિયાની પુત્રી કુસુમા વારદાની વચ્ચે રમાનારી બીજી સેમિફાઈનલની વિજેતા સાથે થશે.

સિંધુએ સેમિફાઈનલમાં ચીનની વર્લ્ડ નંબર-4 ચેન યુફેઈને હરાવી. સિંધુ સેમિફાઈનલમાં 21-19, 15-10થી આગળ હતી, ત્યારે જ ચેન યુફેઈ હેમસ્ટ્રિંગમાં તકલીફને કારણે મેચમાંથી હટી ગઈ. આ સાથે સિંધુએ સતત 5 હારના સિલસિલાને તોડી નાખ્યો.

સિંધુ 7 વર્ષ પછી ચીની ખેલાડીને હરાવવામાં સફળ રહી છે. તેને યુફેઈ પર છેલ્લી જીત 2019માં વર્લ્ડ ચેમ્પિયનશિપ દરમિયાન મળી હતી.

સિંધુ સેમિફાઈનલમાં 21-19, 15-10 થી આગળ હતી, ત્યારે યુફેઈ ઈજાના કારણે હટી ગઈ. (ફોટો- BAI)

2 વર્ષ પછી વર્લ્ડ ટૂર ઇવેન્ટની ફાઈનલ રમશે

સિંધુ લગભગ 2 વર્ષ પછી BWF વર્લ્ડ ટૂરની કોઈ મોટી ટુર્નામેન્ટની ફાઈનલ રમશે. આ પહેલા તેણે 2024માં સૈયદ મોદી ઇન્ટરનેશનલનો ખિતાબ જીત્યો હતો. તે હવે આ સીઝનમાં પોતાનો પહેલો અને BWF સુપર 750 લેવલનો લાંબા સમય પછીનો પહેલો ખિતાબ જીતવાથી માત્ર એક જીત દૂર છે.

ક્વાર્ટર ફાઈનલમાં ઓકુહારાએ વોકઓવર આપ્યો

સિંધુને ક્વાર્ટર ફાઈનલમાં પૂર્વ વર્લ્ડ ચેમ્પિયન નોઆમી ઓકુહારાએ વોકઓવર આપ્યો હતો. આ પહેલા તે ચીનની હાન યુને હરાવીને ક્વાર્ટર ફાઈનલમાં પહોંચી હતી. તેણે બીજા રાઉન્ડની મેચ માત્ર 35 મિનિટમાં 21-16, 21-14 થી જીતી લીધી હતી.

દિવ્ય ભાસ્કરને Google પર મનપસંદ સોર્સ બનાવો