સાઇના નેહવાલે વર્ષ 2024માં ભૂતપૂર્વ શૂટર ગગન નારંગના પોડકાસ્ટ પર કહ્યું હતું કે મારી કારકિર્દી છેલ્લા તબક્કામાં છે.

ભારતની સ્ટાર બેડમિન્ટન ખેલાડી સાઇના નેહવાલે પ્રોફેશનલ બેડમિન્ટનમાંથી સંન્યાસની સત્તાવાર પુષ્ટિ કરી છે. તેણે કહ્યું કે ઘૂંટણની લાંબી સમસ્યાને કારણે, હવે તેના માટે રમવું શક્ય નથી.

સાઇના છેલ્લે 2023માં સિંગાપોર ઓપનમાં રમી હતી. જોકે, તે સમયે તેણે નિવૃત્તિની કોઈ સત્તાવાર જાહેરાત કરી ન હતી.

એક પોડકાસ્ટમાં, સાઇનાએ કહ્યું, “મેં બે વર્ષ પહેલાં રમવાનું બંધ કરી દીધું હતું. મેં મારા પોતાના સિદ્ધાંતો પર રમવાનું શરૂ કર્યું હતું અને તેને મારા પોતાના સિદ્ધાંતો પર છોડી દીધું હતું, તેથી મને તેની જાહેરાત કરવાની જરૂર ન લાગી.”

ભારતની સ્ટાર બેડમિન્ટન ખેલાડી સાઇના નેહવાલે પ્રોફેશનલ બેડમિન્ટનમાંથી સંન્યાસની સત્તાવાર પુષ્ટિ કરી છે.

ઘૂંટણની ગંભીર બીમારી નિવૃત્તિનું કારણ બની. સાઇનાના મતે, તેના ઘૂંટણની કાર્ટિલેજ સંપૂર્ણપણે ઘસાઈ ગઈ છે અને તેને આર્થરાઈટિસ બીમારી થઈ ગઈ છે.

તેણે કહ્યું, “જ્યારે તમે રમી ન શકો, ત્યારે તમારે રોકાઈ જવું જોઈએ. મારા માટે ચાલુ રાખવું ખૂબ મુશ્કેલ હતું.” પહેલાં, તે દિવસમાં 8-9 કલાક પ્રેક્ટિસ કરી શકતી હતી. હવે, 1-2 કલાકમાં ઘૂંટણ સોજી જતા હતા, જેના કારણે આગળની પ્રેક્ટિસ અશક્ય બની જશે.

2016ના રિયો ઓલિમ્પિક દરમિયાન ઘૂંટણની ઈજાને કારણે સાઇનાના કરિયર પર ભારે અસર પડી હતી. આમ છતાં, તેણે 2017 વર્લ્ડ ચેમ્પિયનશિપમાં બ્રોન્ઝ મેડલ અને 2018 કોમનવેલ્થ ગેમ્સમાં ગોલ્ડ મેડલ જીતીને શાનદાર વાપસી કરી.

જોકે, ઘૂંટણની સમસ્યાઓ ફરી ઉભી થતી રહી. 2024માં સાઇનાએ જાહેરાત કરી કે તેણીના ઘૂંટણમાં આર્થરાઈટિસ છે અને કાર્ટિલેજ ઘસાઈ ગયું છે, જેના કારણે ટોપ સ્તરે રમવું લગભગ અશક્ય બની ગયું છે.

ઓલિમ્પિક મેડલ જીતનાર ભારતની પ્રથમ બેડમિન્ટન ખેલાડી, ભૂતપૂર્વ વિશ્વ નંબર 1 સાઇનાએ 2012માં લંડન ઓલિમ્પિકમાં ભારત માટે બ્રોન્ઝ મેડલ જીત્યો હતો. તે ઓલિમ્પિક મેડલ જીતનાર પ્રથમ ભારતીય બેડમિન્ટન ખેલાડી છે. તેણે ત્રણ ઓલિમ્પિક રમતોમાં ભારતનું પ્રતિનિધિત્વ કર્યું. સાઇનાએ 2010 અને 2018 કોમનવેલ્થ ગેમ્સમાં ગોલ્ડ મેડલ જીત્યા.

કોમનવેલ્થ ગેમ્સમાં ગોલ્ડ મેડલ જીતી ચૂકી છે

સાયનાએ 2010 અને 2018ના કોમનવેલ્થ ગેમ્સમાં ગોલ્ડ મેડલ જીત્યો હતો. સાયનાએ 2008માં બેડમિન્ટન વર્લ્ડ ફેડરેશન (BWF) વર્લ્ડ જુનિયર ચેમ્પિયનશિપ જીતીને ખ્યાતિ મેળવી હતી. તે જ વર્ષે તેમણે પ્રથમ વખત ઓલિમ્પિકમાં ભાગ લીધો. તેઓ ઓલિમ્પિક ક્વાર્ટર-ફાઇનલમાં પહોંચનાર પ્રથમ ભારતીય મહિલા બની.

અર્જુન એવોર્ડ અને રાજીવ ગાંધી ખેલ રત્ન પુરસ્કાર મળ્યો

તેમણે હોંગકોંગની તત્કાલીન વર્લ્ડ નંબર-5 ખેલાડી વાંગ ચેનને હરાવી હતી, પરંતુ ઇન્ડોનેશિયાની મારિયા ક્રિસ્ટિન યુલિયાંતી સામે હારી ગઈ હતી. 2009માં, સાયના BWF સુપર સિરીઝ સ્પર્ધા જીતનારી પ્રથમ ભારતીય બની. સાયનાને 2009માં અર્જુન એવોર્ડ અને 2010માં રાજીવ ગાંધી ખેલ રત્ન પુરસ્કારથી સન્માનિત કરવામાં આવી હતી.