સાઉથ આફ્રિકાની T20 લીગ SA20ની પાંચમી સીઝન પહેલાં, તમામ 6 ફ્રેન્ચાઇઝીઓએ ઓક્શન પહેલાં તેમના રિટેન અને પ્રી-સાઇન કરાયેલા ખેલાડીઓના નામોની જાહેરાત કરી દીધી છે. 7 ઓક્ટોબરે યોજાનારા ઓક્શન પહેલાં, હવે લીગની ટીમમાં ફક્ત 19 સ્લોટ્સ જ ખાલી બચ્યા છે. ટુર્નામેન્ટનો પ્રારંભ 17 જાન્યુઆરીથી થશે, જ્યારે ફાઇનલ મુકાબલો 21 ફેબ્રુઆરીએ રમાશે.

3 વખતની ચેમ્પિયન સનરાઇઝર્સ ઇસ્ટર્ન કેપમાં મિચેલ માર્શનું ડેબ્યૂ

ઓસ્ટ્રેલિયાની T20 ટીમના કેપ્ટન મિચેલ માર્શ SA20માં પોતાનું ડેબ્યૂ 3 વખતની ચેમ્પિયન સનરાઇઝર્સ ઇસ્ટર્ન કેપ સાથે કરવા જઈ રહ્યો છે. ધ હન્ડ્રેડમાં સનરાઇઝર્સની માલિકીવાળી લીડ્સ ટીમનો ભાગ રહેલા માર્શ હવે સેન્ટ જ્યોર્જ પાર્કના ચાહકો વચ્ચે જોવા મળશે. સનરાઇઝર્સની બેટિંગ લાઇન-અપમાં તેની સાથે ક્વિન્ટન ડી કોક, મેથ્યુ બ્રીટ્ઝકે, જૉર્ડન હરમન અને કેપ્ટન ટ્રિસ્ટન સ્ટબ્સ સામેલ છે.

સનરાઇઝર્સ ઇસ્ટર્ન કેપ ડિફેન્ડિંગ ચેમ્પિયન છે.

સેમ કરન અને જો રૂટની નવી અને જૂની ટીમમાં વાપસી થઈ

શરૂઆતની બે સીઝનમાં MI કેપ ટાઉનનો ભાગ રહેલો ઇંગ્લેન્ડનો ઓલરાઉન્ડર સેમ કરન હવે ડરબન્સ સુપર જાયન્ટ્સ (DSG) માટે રમશે. અહીં તે તેના ઇંગ્લેન્ડના સાથી ખેલાડી જોસ બટલર સાથે મેદાન શેર કરશે. જ્યારે, ઇંગ્લેન્ડનો ટેસ્ટ કેપ્ટન જો રૂટ ફરી એકવાર પાર્લ રોયલ્સ (બોલેન્ડ પાર્ક)માં પરત ફર્યો છે, જ્યાં તે લુઆન-ડ્રે પ્રિટોરિયસ સાથે ઓપનિંગ કરતા જોવા મળ્યો હતો.

પ્રિટોરિયા કેપિટલ્સના ટોપ ઓર્ડરમાં સોલ્ટ અને શોર્ટનો સમાવેશ

ગયા સીઝનની રનરઅપ પ્રિટોરિયા કેપિટલ્સે પોતાના ટોપ ઓર્ડરને મજબૂત કરવા માટે ઇંગ્લેન્ડના ફિલ સોલ્ટ અને ઓસ્ટ્રેલિયાના મેટ શોર્ટને પોતાની ટીમમાં જોડ્યા છે. બંને ખેલાડીઓ હાલમાં ધ હન્ડ્રેડમાં વેલ્શ ફાયર માટે એકસાથે ઓપનિંગ કરી રહ્યા છે. કેપિટલ્સ પાસે પહેલાથી જ ડેવાલ્ડ બ્રેવિસ, શેર્ફેન રધરફોર્ડ, આન્દ્રે રસેલ અને કોનોર એસ્ટરહુઇઝન જેવા પાવર-હિટર્સ ઉપલબ્ધ છે.

2 ટીમના 19 ખેલાડીઓના સ્ક્વોડ પૂરા

ડર્બન્સ સુપર જાયન્ટ્સ અને પાર્લ રોયલ્સે ઓક્શન પહેલા જ પોતાના 19 ખેલાડીઓના પૂરા સ્ક્વોડ લોક કરી લીધા છે. બાકીની 4 ટીમમાં 19 સ્લોટ્સ ખાલી છે. જોબર્ગ સુપર કિંગ્સને 7, MI કેપ ટાઉનને 6 અને પ્રિટોરિયા કેપિટલ્સને 5 ખેલાડીઓ ખરીદવા પડશે. તમામ 6 ફ્રેન્ચાઇઝીએ પોતાના વિદેશી ખેલાડીઓના પ્રી-સાઇનિંગ સ્લોટ્સ ભરી લીધા છે, જ્યારે સુપર કિંગ્સ પાસે હજુ વાઇલ્ડકાર્ડ પિકનો વિકલ્પ બાકી છે.

17 જાન્યુઆરીએ ઓપનિંગ મેચ, 21 ફેબ્રુઆરીએ ફાઇનલ

SA20ની પાંચમી સીઝન 17 જાન્યુઆરી (રવિવાર)થી શરૂ થશે. પ્રથમ મેચ સેન્ટ જ્યોર્જ પાર્કમાં સનરાઇઝર્સ ઇસ્ટર્ન કેપ અને પ્રિટોરિયા કેપિટલ્સ વચ્ચે રમાશે, જે ગત સીઝનની ફાઇનલનું પુનરાવર્તન હશે. ટુર્નામેન્ટની ફાઇનલ મેચ રવિવાર, 21 ફેબ્રુઆરીના રોજ ન્યૂલેન્ડ્સમાં યોજાશે.

ડર્બન્સ સુપર જાયન્ટ્સ (સંપૂર્ણ 19 સભ્યોની ટીમ)

જોસ બટલર, ડેવોન કોનવે, સેમ કરન, લિયમ લિવિંગસ્ટોન, સુનીલ નારાયણ, કેન વિલિયમસન, માર્કેસ એકરમેન, ડેવિડ બેડિંગહામ, ઇથન બોશ, ગેરાલ્ડ કોએત્ઝી, ટોની ડી ઝોર્ઝી, ડેરિન ડુપાવાલોન, સાયમન હાર્મર, ઇવાન જોન્સ, એડન માર્કરમ, કાઇલ સિમન્ડ્સ, ક્વેના મફાકા, એન્ડિલે સિમલેન, હેનરિક ક્લાસેન.

જોબર્ગ સુપર કિંગ્સ (વર્તમાન ટીમ)

લ્યુસ ડુ પ્લોય, જેસન હોલ્ડર, અકીલ હુસૈન, જેમ્સ વિન્સ, મેથ્યુ ડી વિલિયર્સ, ડોનાવોન ફરેરા, ડિયાન ફોરેસ્ટર, ડુઆન જાનસેન, રાઇલી રૂસો, જાનકો સ્મિટ, પ્રિનેલન સુબ્રાયન, જેરેન બાચર.

MI કેપ ટાઉનની ટીમ

રાશિદ ખાન, નિકોલસ પૂરન, વિલ જેક્સ, કાગીસો રબાડા, રાયન રિકેલ્ટન, રીઝા હેન્ડ્રિક્સ, કોર્બિન બૉશ, જ્યોર્જ લિન્ડે, ડેન પીડ્ટ, થોમસ કેબર, જેસન સ્મિથ, તિયાન વાન વુરન, ટ્રિસ્ટન લુસ.

પાર્લ રોયલ્સની ટીમ

જો રૂટ, ડેવિડ મિલર, સિકંદર રઝા, અઝમતુલ્લાહ ઓમરઝાઈ, મુજીબ ઉર રહેમાન, ગુડાકેશ મોતી, ડેનિયલ લોરેન્સ, થોમસ રિયુ, કાઈલ વેરેન, ઓટનીલ બાર્ટમેન, બ્યોર્ન ફોર્ટુઈન, ડેલાનો પોટગીટર, હાર્ડસ વિલ્જોએન, રુબિન હર્મન, આસા ટ્રાઈબ, કીગન લાયન-કેશે, જેકબ જોહાનેસ બેસન, લુઆન-ડ્રે પ્રિટોરિયસ, ન્કોબાની મોકોએના.

પ્રિટોરિયા કેપિટલ્સની સ્ક્વોડ

ફિલ સોલ્ટ, મેથ્યુ શોર્ટ, આન્દ્રે રસેલ, શેરફેન રધરફોર્ડ, ડેવાલ્ડ બ્રેવિસ, કેશવ મહારાજ, લુંગી એન્ગિડી, કોનર એસ્ટરહુઈઝન, વિહાન લુબ્બે, બ્રાઈસ પાર્સન્સ, ગિડિયન પીટર્સ, લિઝાડ વિલિયમ્સ, કોડી યુસુફ, બાયન્ડા મજોલા.

સનરાઈઝર્સ ઈસ્ટર્ન કેપની સ્ક્વોડ

મિચેલ માર્શ, ક્વિન્ટન ડિકોક, ટ્રિસ્ટન સ્ટબ્સ, માર્કો યાન્સેન, એનરિક નોર્ટજે, મેથ્યુ બ્રીટ્ઝકે, જૉર્ડન હર્મન, પેટ્રિક ક્રુગર, એડમ મિલ્ને, રિશાદ હુસૈન, લુથો સિપામલા, સેનુરન મુથુસામી, લુઈસ ગ્રેગરી, જેમ્સ કોલ્સ અને મિચેલ વાન બ્યુરેન, સીજે કિંગ, જેપી કિંગ.

દિવ્ય ભાસ્કરને Google પર મનપસંદ સોર્સ બનાવો