બંને ટીમ વચ્ચે IPLમાં અત્યાર સુધી 32 મેચ રમાઈ છે. જેમાં ચેન્નઈનું પલડું ભારે રહ્યું છે. તેણે 20 મેચ જીતી છે, જ્યારે દિલ્હીએ 12 મેચ જીતી છે.

કેએલ રાહુલ દિલ્હીનો ટૉપ રન સ્કોરર

કેએલ રાહુલ આ મેચમાં માત્ર 7 રન બનાવતાની સાથે જ ઓરેન્જ કેપમાં ટૉપ પર પહોંચી જશે. તેણે 9 મેચમાં 433 રન બનાવ્યા છે અને અત્યાર સુધીમાં એક સેન્ચુરી તથા 3 હાફ સેન્ચુરી ફટકારી છે. બીજી તરફ, અક્ષર પટેલ ટૉપ વિકેટ ટેકર છે, જેણે 9 મેચમાં 9 વિકેટ ઝડપી છે.

સેમસન સીઝનમાં બે સદી ફટકારી ચૂક્યો છે

ચેન્નઈની મોટી તાકાત કેપ્ટન ઋતુરાજ ગાયકવાડનું ફોર્મમાં આવું છે. જેણે છેલ્લી મેચમાં સતત બે હાફ સેન્ચુરી લગાવી છે. ટીમે ગત મેચમાં મુંબઈ ઈન્ડિયન્સ (MI)ને હરાવી હતી, જેનાથી ખેલાડીઓનો આત્મવિશ્વાસ વધ્યો છે.

સંજુ સેમસન ટીમનો ટૉપ રન સ્કોરર છે, જેણે 9 મેચમાં 315 રન બનાવ્યા છે. અંશુલ કંબોજ ટૉપ વિકેટ ટેકર છે, જેણે 9 મેચમાં 17 વિકેટ ઝડપી છે. દિલ્હી સામે વિકેટ લેતાની સાથે જ તે પર્પલ કેપ મેળવીને ટૉપ પર પહોંચી જશે.

અરુણ જેટલી સ્ટેડિયમ પીચ રિપોર્ટ

અરુણ જેટલી સ્ટેડિયમની પીચ બેટિંગ માટે સાનુકૂળ માનવામાં આવે છે. અહીંની સપાટ પીચ અને નાની બાઉન્ડરીને કારણે હાઈ-સ્કોરિંગ મેચ થાય છે. જોકે, છેલ્લી બે મેચના પરિણામો તદ્દન અલગ રહ્યા છે. આ પીચ પર અત્યાર સુધી 100 મેચ રમાઈ છે, જેમાંથી 48 વાર પહેલા બેટિંગ કરનાર ટીમ અને 51 વાર ચેઝ કરનાર ટીમ જીતી છે; એક મેચ રદ થઈ હતી.

દિલ્હીમાં આજે વરસાદની શક્યતા નથી

5 મે 2026 (મંગળવાર)ના રોજ દિલ્હીમાં મેચ દરમિયાન હવામાન ગરમ અને આંશિક રીતે વાદળછાયું રહેવાની ધારણા છે, પરંતુ વરસાદની શક્યતા નહિવત છે. જોકે સોમવારે દિલ્હીમાં વરસાદ પડ્યો હતો.

બન્ને ટીમની પોસિબલ પ્લેઇંગ-12

દિલ્હી કેપિટલ્સ (DC): કેએલ રાહુલ (વિકેટકીપર), પથુમ નિસાંકા, સમીર રિઝવી, ટ્રિસ્ટન સ્ટબ્સ, નીતિશ રાણા, અક્ષર પટેલ (કેપ્ટન), આશુતોષ શર્મા, કાઈલ જેમીસન, મિચેલ સ્ટાર્ક, કુલદીપ યાદવ અને ટી નટરાજન, કરુણ નાયર.

ચેન્નઈ સુપર કિંગ્સ (CSK): સંજુ સેમસન (વિકેટકીપર), ઋતુરાજ ગાયકવાડ (કેપ્ટન), ઉર્વિલ પટેલ, ડેવાલ્ડ બ્રેવિસ, શિવમ દુબે, જેમી ઓવરટન, અકીલ હુસૈન, પ્રશાંત વીર, નૂર અહમદ, અંશુલ કંબોજ અને મુકેશ ચૌધરી, કાર્તિક શર્મા.

દિવ્ય ભાસ્કરને Google પર મનપસંદ સોર્સ બનાવો