અનિચ્છનીય ગર્ભાવસ્થાને રોકવા માટે ગર્ભનિરોધક ગોળીઓ (Birth Control Pills) એક લોકપ્રિય સાધન છે. પરંતુ, શું આ ગોળીઓ લેવાથી કેન્સરનું જોખમ વધે છે? આ પ્રશ્ન લાંબા સમયથી ચર્ચાનો વિષય રહ્યો છે. મેડિકલ રિસર્ચ અને નિષ્ણાતોના મતે, આનો જવાબ ‘હા’ અને ‘ના’ બંને હોઈ શકે છે, કારણ કે તે કેન્સરના પ્રકાર અને વ્યક્તિના શરીર પર આધાર રાખે છે.

કેવી રીતે કામ કરે છે આ ગોળીઓ?

મુખ્યત્વે બે પ્રકારની ગોળીઓ હોય છે:

1. સંયુક્ત ગોળી (Combined Pill): જેમાં એસ્ટ્રોજન અને પ્રોજેસ્ટોજન હોર્મોન્સ હોય છે.

2. મિની ગોળી (Mini Pill): જેમાં માત્ર પ્રોજેસ્ટોજન હોય છે.

આ ગોળીઓ શરીરના કુદરતી હોર્મોનલ ચક્રમાં ફેરફાર કરીને ગર્ભાવસ્થા અટકાવે છે.

કેન્સરનું જોખમ: શું કહે છે સંશોધન?

કેન્સર રિસર્ચ યુકેના અહેવાલો મુજબ, સંયુક્ત ગોળી લેવાથી સ્તન કેન્સર (Breast Cancer) અને સર્વાઇકલ કેન્સરનું જોખમ થોડું વધી શકે છે. જોકે, આ જોખમ કાયમી નથી. ગોળીઓ લેવાનું બંધ કર્યાના અંદાજે ૧૦ વર્ષ પછી આ જોખમ ઘટીને સામાન્ય થઈ જાય છે. બીજી તરફ, મિની ગોળી અંગેના સંશોધનો મર્યાદિત છે, પરંતુ તે પણ સ્તન કેન્સરના જોખમમાં નજીવો વધારો કરી શકે છે.

ગોળીઓ અમુક પ્રકારના કેન્સર સામે રક્ષણ પણ આપે છે

રસપ્રદ વાત એ છે કે, આ જ ગોળીઓ અમુક પ્રકારના કેન્સર સામે રક્ષણ પણ આપે છે. અભ્યાસો દર્શાવે છે કે ગર્ભનિરોધક ગોળીઓનો ઉપયોગ અંડાશય (Ovarian Cancer) અને એન્ડોમેટ્રાયલ કેન્સરના જોખમને નોંધપાત્ર રીતે ઘટાડે છે. આ રક્ષણાત્મક અસર ગોળીઓ બંધ કર્યા પછી પણ ઘણા વર્ષો સુધી ચાલુ રહે છે.

Disclaimer: આ માહિતી સંશોધન અભ્યાસો અને નિષ્ણાતના અભિપ્રાય પર આધારિત છે. કોઈપણ નવી પ્રવૃત્તિ અથવા કસરત કાર્યક્રમ શરૂ કરતા પહેલા હંમેશા તમારા ડૉક્ટર અથવા સંબંધિત નિષ્ણાતની સલાહ લો.

આ પણ વાંચોઃ સૂતો રહ્યો ટ્રેડર અને AIએ કરી દીધો કમાલ,11 લાખના બનાવી દીધા 40 લાખ રૂપિયા