સોનમ વાંગચુકે આમિર ખાનને ગજની કહ્યો છે. આ પ્રતિક્રિયા તેમણે આમિરના એ નિવેદન પર આપ્યું છે, જેમાં તેણે કહ્યું હતું કે, ‘3 ઇડિયટ્સ’ બનાવતા પહેલાં તે ક્યારેય સોનમ વાંગચુકને મળ્યો નહોતો. આમિરે એમ પણ કહ્યું હતું કે, ફિલ્મનું ફુન્સુક વાંગડુનું પાત્ર સોનમ વાંગચુકથી પ્રેરિત નહોતું.

પ્રખર ગુપ્તા સાથેના પોડકાસ્ટમાં સોનમ વાંગચુકે આમિરના દાવા પર વાત કરી. તેમણે પોતાની મુલાકાત પર પણ વાત કરી છે.

વાંગચુકે કહ્યું, “તેમણે (આમિરે) કહ્યું કે અમે ક્યારેય મળ્યા નથી. ત્યારબાદ કેટલાક વીડિયો સામે આવ્યા, જેમાં તેઓ પોતાની ગજનીવાળી વેશભૂષામાં મારું ભાષણ જોઈ રહ્યા હતા.”

તેમણે આગળ કહ્યું, “જેમ કે તેઓ ગજનીના રૂપમાં હતા, કદાચ તેમની થોડા સમય માટે યાદશક્તિ જતી રહી હશે. તેઓ તે 15 મિનિટ પછી બધું ભૂલી ગયા હશે. મને આના પર આશ્ચર્ય નથી. અમારી વિગતવાર મુલાકાત થઈ હતી.”

આખરે સોનમ વાંગચુકે આમિર પર કટાક્ષ કરતા કહ્યું, “અમે સાંભળ્યું છે કે તેઓ તેમના પાત્રોમાં ખૂબ ઊંડા ઉતરી જાય છે. કદાચ તેઓ ગજનીની ભૂમિકામાં એટલા ડૂબી ગયા હતા કે ભૂલી ગયા કે તેઓ તે પુરસ્કાર સમારોહમાં આવ્યા હતા, જ્યાં મને સન્માનિત કરવામાં આવ્યો હતો. અમારી વિગતવાર મુલાકાત થઈ હતી અને અમે ઘણા વિચારો પર ચર્ચા કરી હતી.”

સોનમ વાંગચુક, કોકરોચ જનતા પાર્ટીના ઉપવાસમાં બેસવાના કારણે ચર્ચામાં હતા.

‘3 ઇડિયટ્સ’ના પાત્ર પર કહી આ વાત

સોનમ વાંગચુકે જણાવ્યું છે કે તેમને શા માટે લાગે છે કે તેમની વાતચીતથી ‘3 ઇડિયટ્સ’માં આમિરના પાત્રના કેટલાક ભાગો પ્રભાવિત થઈ શકે છે. તેમણે કહ્યું કે, તેનો અર્થ એ જરૂરી નથી કે પાત્ર તેમના આખા જીવનચરિત્ર પર આધારિત હતું. કદાચ તેમણે પોતાની ટીમને જણાવ્યું ન હતું કે, તેમણે આ બધું જોયું અને મારી સાથે વાતચીત કરી.”

તેમણે આગળ કહ્યું, “તેઓ કહી શક્યા હોત કે તેમણે આ વાતો એમ જ પટકથામાં ઉમેરી દીધી હતી. તેથી લેખકો અને ડિરેક્ટરને ખબર નહીં પડી હોય કે આમિરે કોઈને મળ્યા અને વાતચીત કર્યા પછી આ વાતો ઉમેરી હતી.”

વાંગચુકે કહ્યું, “આ જ કારણથી તેઓ તેને ભૂલી ગયા હશે. તેનાથી મને કોઈ ફરક પડતો નથી.”

સોનમ વાંગચુક પર આમિરનું નિવેદન શું હતું

ખરેખર, જૂનથી જુલાઈ સુધી સોનમ વાંગચુક કોકરોચ જનતા પાર્ટીના વિરોધ પ્રદર્શનમાં જોડાઈને ઉપવાસ પર હતા. આ વિરોધ પ્રદર્શનના શરૂઆતના તબક્કામાં લગભગ બધા જ બોલિવૂડ કલાકારો મૌન હતા. આ દરમિયાન લંડન ફિલ્મ ફેસ્ટિવલમાં આમિર ખાનની ફિલ્મ ‘લગાન’નું પ્રીમિયર થયું. સ્ક્રીનિંગ દરમિયાન આમિર ખાનને સોનમ વાંગચુક વિશે એક મહિલાએ પૂછ્યું, ‘જ્યારે અમે મોટા થઈ રહ્યા હતા, ત્યારે અમારા પર તમારી ઊંડી અસર હતી. તમે પણ સોનમ વાંગચુકથી પ્રેરિત થયા છો.’

આમિરે વચ્ચે અટકાવતા કહ્યું, ‘ના, આ એક ખોટી ધારણા છે. જ્યારે ફિલ્મ બની રહી હતી, ત્યારે હું સોનમને ઓળખતો પણ નહોતો. મેં હમણાં જ ચતુર (3 ઇડિયટ્સ એક્ટર ઓમી વૈદ)નો વીડિયો જોયો, પણ તે ખોટા છે. ન તો રાજકુમાર હિરાણી, ન અમારા રાઇટર અને ન હું સોનમ વિશે જાણતા હતા. જોકે, સોનમ દરેક રીતે સાચું કામ કરી રહ્યા છે. આપણે તેમનું અને તેમના કામનું સન્માન કરવું જોઈએ. સોનમ પોતે પણ કહી ચૂક્યા છે કે ‘3 ઇડિયટ્સ’નું પાત્ર તેમના પર આધારિત નથી.’

આગળ આમિરે સોનમ વાંગચુકના ઉપવાસ પર કહ્યું, ‘દરેક જણ તેમના સ્વાસ્થ્ય અને જીવન માટે ચિંતિત છે. અમને આશા છે કે બધું સારાથી સમાપ્ત થશે. આપણે બધાને એ જ આશા છે કે તેઓ ઉપવાસ સમાપ્ત કરે અને પોતાના સ્વાસ્થ્યનું ધ્યાન રાખે.’

આમિરના નિવેદન પછી જૂના એવોર્ડના વીડિયો વાયરલ થયા

આમિરનું નિવેદન સામે આવ્યા પછી સોનમ વાંગચુકના જોશ ટોક્સનો એક જૂનો વીડિયો વાયરલ થઈ ગયો, જેમાં તેમણે દાવો કર્યો છે કે, તેઓ 2008માં આમિરને મળ્યા હતા.

આ ઉપરાંત એક બીજો વીડિયો સામે આવ્યો છે, જેમાં સોનમ વાંગચુક મંચ પર એવોર્ડ લઈ રહ્યા છે અને આમિર ખાન દર્શકોમાં બેસીને તેમની સ્પીચ સાંભળી રહ્યા છે. આ વીડિયો ‘3 ઇડિયટ્સ’ રિલીઝ થાય તે પહેલાનો છે, જ્યારે આમિર ખાન ગજનીના લુકમાં છે.

દિવ્ય ભાસ્કરને Google પર મનપસંદ સોર્સ બનાવો